ﻓﻲ السلك | بابكر سلك | لينينوفا آخر محطة

إرسال مساهمة في موضوع

استعرض الموضوع السابق استعرض الموضوع التالي اذهب الى الأسفل

03102015

مُساهمة 

ﻓﻲ السلك | بابكر سلك | لينينوفا آخر محطة




ﻓﻲ السلك | بابكر سلك | لينينوفا آخر محطة
..
* آخر محطة هى أشهر محطات الزمن
* فى اى حتة فى
* اى مكان فيهو آخر محطة
* وفى حتات فيها آخر محطة القديمة وآخر محطة الجديدة
* حتى فى اوروبا فى آخر محطة
* أتذكر وأنا فى براغ فى تشيكوسلوفاكيا
* كنت بركب المترو وانا راجع على البيت
* المضيفه مسجلين ليها صوت بيشتغل أوتوماتيك مع المحطة
* المترو يكون داخل على المحطة
* قبل مايصلها بى ثوانى تسمع صوت المضيفه يوريك دى ياتو محطة
* المهم
* آخر محطات المترو فى الخط ده إسمها لينينوفا
* كلنا نقوم عشان نتخارج
* وأمبده برضك فيها آخر محطة
* يعنى براغ أحسن من امبده بى شنو
* امبده الردميه كمان فيها آخر محطة اتنيييييييييين
* آخر محطة القديمة وآخر محطة الجديدة
* يعنى اتنين لينينوفا
* اى شى وليهو آخر
* الدنيا ذاتها عندها آخر محطة
* ونحنا لأننا ناس بدع وإبداع
* فى حتات فيها آخر محطة بصات وآخر محطة حافلات
* على كيفنا
* فى شفعنا عندنا آخر العنقود
* المهم
* لما سمعت انو ابوالهل مقابل إتحاد الجزائر
* كأنى بسمع فى البت بتقول لينينوفا
* لينينوفا يا روشا
* لينينوفا القديمه
* آخر محطة القديمة
* أصلكم ما غيرتوها
* ناس كلاسيك شديد
* برغم انكم السنه دى مفروض كان تنزلوا فى اول محطة
* لكن مترو القدر جابكم لينينوفا
* طوالى نازلين لينينوفا
* أصلكم ما بتغيروها
* المهم
* كردنه يفلق ويداوى
* قال إتحاد شنو البغلبنا نحنا
* الموضوع كلو حظ ساكت
* حتى البرازيلى الشات الكورة بالواطه
* عمرو ما لعب كورة بالواطه
* بس القدر
* وقال ماشى يجيب التأهل من الجزائر ويجى
* جيب لى معاك بنطلون يا كردنه
* وعقلاء الأهلة كانوا بقولوا كلام عقل
* وكردنه يفلق
* قام حاول يداوى
* مشى الجزائر وقال ليهم كلام كتير
* هضربة من النوع ابو كديس
* بس الخوف يكون قال ليهم
* نحنا وقفنا معاكم ضد مصر فى الفاصلة
* كان قال كده بكون
* وتر علاقتنا بالمصريين
* قال ليهم كده وهو قبل اسبوعين عامل توأمه مع سموحه
* سموحه ده جيكى يا كردنه؟؟؟
* حيرتنا
* كان تقول ليهم نحنا من طرف بكرى المدينه
* كان إحترموكم وحافظنا على التوأمه مع سموحه وأبقينا على
العلائق طيبه مع المصريين
* اسى كده خسرت الكورة وخسرت سموحه وخسرنا المصريين
* أيها الناس
* مفروض ابوالهل لما يرجع من ارض الجزائر والطنابير الترن
* مايقول حليل ارض الجزائر
* يرتاحوا شويه ويعملوا ندوه
* يشوفوا مشكلتهم مع لينينوفا شنو
* ويغنوا
* وقف لساتكك يا قطار
* فى السكة زولك داك وصل بعد النضااااااال
* وقف لساتكك يا قطار
* لينينوفا بقت حد النضااااال
* أيها الناس
* المترو عندو راسين
* لما يصل آخر محطة بى راس
* بدور الراس التانى ويرجع بيهو
* يعنى آخر محطة بى الراس ده
* هى نفسها اول محطة بالراس داك
* ابوالهل مشغل راس وااااااحد بس
* يودى آخر محطة طوالى
* آخر محطات الزمن
* المهم
* تمنياتنا أن يخرج ابوالهل بنتيجة ماتجيب الكلام لينا
* يلعبوا تمنية ورا
* يلعبوا تسعه ديفينس
* المهم
* النتيجة تكون مشرفه
* مامشكله الخروج
* بس لازم يكون بى شرف
* لا للإنهيار
* لا للإندفاع
* الدور الفات عمك البرازيلى إندفع ووقع ودفع التمن الهلال
* وأقترح يلعب الهلال بتشكيله تضم
* مكسيم وجمعه فى حراسة المرمى
* بوى وفداسى فى الطرف الشمال
* سيسيه واطهر فى الطرف اليمين
* مساوى ومالك فى قلب الدفاع
* كانوتيه والصينى فى خانة المساك
* عشان يستفيدوا من اتير فى صناعة اللعب
* الشغيل ونزار ودينيلسون ومعتصم فى المحور البميل يمين
* أتير والبرازيلى فى صناعة اللعب
* ماتنسوا انهم صنعوا القونين بتاعات إتحاد الجزائر هنا
* كاريكا وصلاح الجزولى ومحمد عبدالرحمن فى الهجوم
* بس ما يقطعوا دائرة السنتر لى قدام إلا يتأكدوا انو اتير والبرازيلى قدامهم
* مايخلوهم وراهم أصلو
* صهيب الثعلب ووليد علاء يلفوا ساى
* ده ماتش كبير ما لعب عيال
* فيصل الجوهرة يلعب بين الدفاع والمحور
* عشان لما يقع يقع وسط أهلو
* كده إتنين وعشرين والباقيين يقعدوا كنبه مع الكوكى
* بى كده نضمن أداء متماسك ومشاركة لجميع اللاعبين
* المهم
* لينينوفا اسم لايمكن تجاهله
* لينينوفا آخر محطات المترو الشهيرة
* منها طوالى الزول يمشى بيتو
* شخصياً كنت منها على البيت عدل
* المهم
* فى تصنيف الكاس أمس
* قرينا لى رقم خمسه ماشفنا ناس روشا
* وينكم يا ناس
* الأول مازيمبى
* التانى نحنا
* الفرق بسيط
* نتخطاهو بكره إن شاء الله
* نبقى الأول أنحنا
* التانى مازيمبى التالت والرابع والخامس
* بعد داك بجو ناس لينينوفا
* آخر محطات الزمن
* أيها الناس
* يوم الغد يوم مشهود فى تاريخ الكره السودانيه
* يوم تتناوله جميع وكالات الأنباء فى العالم
* يوم ان يتخطى المريخ مازيمبى بفضل الله
* يوم اعلان أن نهائى الكاف تحتضنه القلعة الحمراء
* يوم يعلن فيه عن تحرك الأميرة السمراء الى امدرمان لتبقى فيها
* أيتها الأميرة السمراء
* القلعة الحمراء لينينوفا بالنسبة ليك
* حاتكونى ساكنه عندنا إن شاء الله
* أيها الناس
* إن تنصروا الله ينصركم
* أها نجى لى شمارات والى الخرتوم
* أكان شفت يا والينا
* تانى السخانه رجعت لينا
* تكندشوها لينا
* ولا نتخارج حيث الكندشه يا والينا؟؟؟
* ﻧﻨﺴﺎﻙ ﻛﻴﻒ ﻭﺍﻟﻜﻠﺐ يعاين لينا مستغرب ذكرنا المثل البقول معاينه الكلب للشحموطة )النمله( لاقادر يعضيها ولاقادر ينساها ويفتح ليها؟!!
ﻭﺍﻟﻲ ﻟﻘﺎﺀ
ﺳلك

Admin


الرجوع الى أعلى الصفحة اذهب الى الأسفل

مُشاطرة هذه المقالة على: Excite BookmarksDiggRedditDel.icio.usGoogleLiveSlashdotNetscapeTechnoratiStumbleUponNewsvineFurlYahooSmarking

 
صلاحيات هذا المنتدى:
تستطيع الرد على المواضيع في هذا المنتدى