دق الدلجة .. محمد عبد الماجد .. الزول دا من لبس )الكسكتة( بقى صعب وجاب سيرة امير كمال كمان

إرسال مساهمة في موضوع

استعرض الموضوع السابق استعرض الموضوع التالي اذهب الى الأسفل

22102015

مُساهمة 

دق الدلجة .. محمد عبد الماجد .. الزول دا من لبس )الكسكتة( بقى صعب وجاب سيرة امير كمال كمان




دق الدلجة
محمد عبد الماجد
الزول دا من لبس )الكسكتة( بقى صعب وجاب سيرة امير كمال كمان

• في المريخ جمال الوالي فات.
• عبدالصمد فات.
• ابوجريشة فات.
• الفريق طارق )بتاع ما عندنا مدرب هرب( فات.
• وامير كمال ذاتو )فات(.
• كوفي يمكن لو اصر على حلاقتو العاملة زي الساعة اتناشر دي – نخليه ليكم.
• طابقكم التاني ذاتو لو ما بقيتو عليه عشرة ح تلقوه مافي مع الكاردينال.
• عندنا )12( سيخة ناقصة للجوهرة.
• و
• )ونحن عايشين والحمدلله )النفس( بينزل ويطلع إلى الآن..ولا ينقصنا شيء
سوى رؤياكم الغالية(.
• ناس المريخ امس جابوا ليهم مجلس – لو )علي جعفر( مفكوك ما بقدروا يعيدوا تسجيله.
• بختك يا علي جعفر ح تقعد )10( سنوات تاني في المريخ.
• ديل ما عندهم علاقة بالكورة.
• ديل بتاعين اجتماعات ساكت.
• تاني حافز الانتصار للاعبي المريخ ح يكون )ندوة(.
• ديل بتاعين سياسة.
• جمال الوالي عملها ليك في المريخاب ..تستاهلو لكن.
• خلى ليهم ملف امير كمال مفتوح.
• ملف راجي عبدالعاطي مفتوح.
• ملف كوفي مفتوح.
• ملف الباشا مفتوح.
• ملف بلة جابر مفتوح.
• ملف غارزيتو مفتوح.
• جمال الوالي وضع ليك لجنة التسيير في امتحان صعب..وخليها ليك امام الامر الواقع.
• والايامات دي الكاردينال لا بتصاقع ولا حاجة.
• تعرف يا همد موضوع )امير كمال( دا اخطر من موضوع )الخريف( عندكم في الولاية.
• بس عشان الموضوع يبقى ليك واضح.
• اصلكم انتوا ما بتعرفوا )الخطورة( إلّا وقت يقولوا ليكم )المطر(.
• همد بسياسته فصل الجنوب.
• تتخيلوا همد الآن بتصريحاته عاوز يفصل )عطبرة(.
• همد قال جمهور المريخ مستعد لجمهور عطبرة اذا كان جمهور الامل ناوي على )الشر(.
• هو في شر اكتر من تصريحاتك دي.
• بعد تصريحك دا يا همد )الجيلي( ما بتصلها.
• و
• )ونحن عايشين والحمدلله )النفس( بينزل ويطلع إلى الآن..ولا ينقصنا شيء
سوى رؤياكم الغالية(.
• قالوا ليك الكاردينال سخن سخانة شديدة بعد ان لبس )الكستكتة(.
• بقى ما بتفاهم.
• بقى اخطر من بتاع مازيمبي.
• ناس المريخ من يشوفو )الكسكتة( بتذكروا مازيمبي.
• الزول دا من لبس الكسكتة …قال الهلال ينسحب.
• قرار قوي ..ما بتخذو إلّا زول عندو )كسكتة(.
• الكاردينال بعد )الكسكتة( ولع نار …محمد سيد أحمد بقى لافى زي الزول
والواقف وراء عمر سليمان.
• محمد سيد أحمد طبعا عاوز يتخلص من ناس معتصم واسامة ومجدي عشان كدا
بسخن في ناس الهلال.
• وناس معتصم ما جايبين خبر.
• ويا ريت الموضوع لو وقف على الانسحاب.
• الكاردينال بعد )الانسحاب( – قال ليهم جيبوا لي )امير كمال(..خاصة ان
امير كمال رأيو ايجابو في )الانسحاب(.
• قلت ليكم الكسكتة دي صعبة عليكم.
• امير كمال مع الانسحاب عديل كدا.
• عليه اتوقع ان تجتمع )لجنة الاستئنافات( في اقرب وقت قبل حلول موعد
التسجيلات وتقرر ان تمدد فترة امير كمال في المريخ.
• يمكن لجنة الاستئنافات تطلع قرار تقول فيه ان فترة امير كمال سوف تنتهي بعد سنة.
• ديل عملوها قبل كدا مع )بصمة( علاءالدين يوسف – غالبهم يعني يعلموها مع
امير كمال.
• يا امير كمال خلى بالك من )بصمتك(.
• الناس ديل ممكن يقولوا وقعوا معاك.
• يقوموا يطلعوا ليك بصمة مصطفى توفيق وإلّا رمضان عجب.
• يا زول اعمل حسابك.
• خلاص الكاردينال وضعك في )الكسكتة( حقتو.
• والبدخل في )كسكتة( الكاردينال مليون جمال الوالي ما بطلعو منها.
• بعدين انت يا امير كمال البقعدك مع الجماعة ديل شنو؟…الناس ديل جابوا
ليكم لجنة تسيير لمن تفرز )الكورنر( من )الضربة الركنية( بتكون بقيت على
مشارف الاعتزال.
• قالوا ليك المريخ جابوا ليهم )لجنة تسيير( ..احسن واحد فيهم دخل استاد
المريخ قبل )15( سنة.
• جماعتكم ديل قالوا لمن قالوا ليهم امير كمال مفكوك ..قالوا امير كمال بلعب وين؟.
• جماعتكم فاكرنو الى الآن بلعب في الموردة.
• الحمدلله طلعوا بعرفوا الموردة.
• غايتو يا الكاردينال جاتك من السماء ..عيّنوا ليك لجنة تسيير ..القون
وقت يدخل في المريخ بقوموا ينططوا فاكرين القون للمريخ.
• ديل لو قعدوا مع امير كمال …تفتكروا ح يتكلموا معاهو في شنو؟.
• في تسجيلو؟.
• ابدا.
• في حافز التسجيل؟.
• ابدا.
• في سؤاله ان كان الهلال اتصل بيه؟.
• ابدا.
• طيب بتكلمو معاهو في شنو؟.
• الجماعة ديل لو…لو قعدوا مع امير كمال ح يتكلموا معاهو عن )المشروع الحضاري(.
• اها يا جماعة )المشروع الحضاري( عاوز يسجل ليه لاعب؟.
• المشروع الحضاري عاوز يبقى لي امير كمال )حافز(.
• عاوز يبقى ليه )بيت(.
• اوعك يا امير كمال تسمع لي الكلام دا.
• بعدين قطع شك ..ودي حاجة انا واثق منها مليون في المية ..لجنة التسيير
)الحكومية( دي لو قعدت مع امير كمال ح تقنعوا يمشي )الدفاع الشعبي(.
• ما بقنعوا يمشي المريخ.
• يا جماعة الحاجات دي ظاهرة.
• والحاجات وقت تكون ظاهرة ما تقعدوا تدسدسو فيها.
• احسن نقولها ليكم بالواضح.
• ما في زول بقولها ليكم.
• و
• )ونحن عايشين والحمدلله )النفس( بينزل ويطلع إلى الآن..ولا ينقصنا شيء
سوى رؤياكم الغالية(.
• قالوا ليك رئيس لجنة تسيير المريخ ..اتصل بيه واحد من ناس الصدي ..قام
نزل التلفون تحت ..وسأل الزول الجنبو ..قال ليه اسمع )الصدي( دي تابعة لي
للهلال وإلّا المريخ؟.
• الامين العام للجنة التسيير قالوا ليه اعمل حسابك من مزمل وسلك ..لو
انتقدوك …بتغادر المجموعة.
• الامين العام للجنة التسيير قال ليهم ديل )حكام نص وإلّا رجال خطوط؟(.
• ديل ما عارفين اي حاجة.
• اقول ليكم حاجة…لجنة التسيير بتاعة المريخ فاكرة برنامج عالم الرياضة
بتاع يوم الجمعة فاكرهو بيجي يوم الخميس.
• وقايلنو بناقش )اسرار البحار(.
• وقايلين رضا مصطفى الشيخ بيقدم )صحة وعافية(.
• وسيحة قايلنو بتاع النشرة الجوية.
• الجماعة ديل ما عندهم علاقة بالكورة.
• اول اجتماع ليهم في النادي ..قالوا ليك شالوا وصف النادي من الفريق طارق.
• اي واحد فيهم بيسأل : اها وين لي نادي الهلال؟.
• غايتو لقينا لينا موضوع بعد )بلة جابر( – لقينا لينا )لجنة تسيير( حاجة ما تخلص.
• لجنة التسيير دي خلوها على بس.
• و
• )ونحن عايشين والحمدلله )النفس( بينزل ويطلع إلى الآن..ولا ينقصنا شيء
سوى رؤياكم الغالية(.
• عشان كدا يا الكاردينال خلص.
• الكسكتة حقتك دي خلت جمال الوالي يستقيل ما تجيب ناس امير كمال في الهلال.
• شيل حقك.
• موضوع بكري المدينة انت ما وصلتو )لوزان( – عشان )امير كمال( دا.
• نحن عارفنك.
• والانسحاب دا كملو لينا بي )امير كمال( – عشان نشوف موضوع )ولاءالدين( حدو وين؟.
• اصلو ما عندنا موضوع.
• قاعدين ومتفرغين.
• مسكنا موضوع )امير كمال( وابعد لينا بعيد.
• كوفي ذاتو ما كعب.
• لكن شريطة يغير لينا حلاقتو دي.
• كوفي ما عاوز تعب كتير …اصلا غارزيتو ما عاوزو.
• وقالوا ليك لجنة الاستئنافات ذاتها عندها فيه رأي.
• خلص يا الكاردينال ..)الكسكتة( اللابسها دي ما ساهلة.
• في ناس قالوا تحتها )ثعبان(.
• وناس قالوا ابدا ..الشغل دا اصلو ما شغل ثعبان ..الكسكتة دي تحتها )حاوي(.
• لو عاوزين تعرفوا )الكسكتة( تحتها شنو؟…انتظروا )التسجيلات( القادمة.
• وابقوا مباريات المريخ الاخيرة ..ودعوا امير كمال ..عشان تاني ما
بتشوفوه باللون دا.
• عليكم الله ما تتعبوا لينا.
• وما تصيبوه.
• الزول دا مجاملكم ساكت …الزول دا فريقو انسحب.
• بس مجبور والله.
• ………….
و
• امس كان يوم تاريخي من ايام الهلال.
• التحية لجمهور الهلال العظيم.
• والمهمة لسه.
• جمهور الهلال مازال منتظر منه الكثير.
• ساندوا الهلال وادعموه.
• البطولات بتجي بالمواقف.
• الكاردنيال نجح في الامتحان.
• وفي انتظار نجاحه في امتحان التسجيلات.
• محمد سيد احمد ما تشغلوا بيه كتير.
• قضية الهلال اكبر من محمد سيد احمد.
• لا محمد سيد احمد ولا صلاح ادريس …ما تشغلوا بالكم بالحاجات دي.
• عندكم اهداف اكبر.
• ………….
• السيدة )ل( – ضلنا ذاتو بقى يتململ …نحن واقفين ليه؟.
• وقرّط على كدا.

حمزه عوض


الرجوع الى أعلى الصفحة اذهب الى الأسفل

مُشاطرة هذه المقالة على: Excite BookmarksDiggRedditDel.icio.usGoogleLiveSlashdotNetscapeTechnoratiStumbleUponNewsvineFurlYahooSmarking

 
صلاحيات هذا المنتدى:
تستطيع الرد على المواضيع في هذا المنتدى