دق الدلجة .. محمد عبد الماجد .. اوعى تغيّر )الكسكتة(

دق الدلجة
محمد عبد الماجد
اوعى تغيّر )الكسكتة(

• زمان وقت كان بقولوا لينا في الجغرافيا )مليون ميل مربع( – وبقولوا
لينا )القطن( هو المحصول النقدي الاول.
• كنا نشيل ونصدق …)والله نحن كنا طيبين جنس طيبة(.
• ومشروع الجزيرة هو اكبر مشروع في افريقيا مساحة وانتاج.
• وين هسع مشروع الجزيرة؟.
• وكانوا بقولوا لينا في حصة التاريخ ان )كرري( معركة تاريخية قديمة
..)ما كانت بتحصل الآن(.
• هسع )كرري( كل يوم بنشوفها قدامنا.
• ولا في ام بي سي اكشن.
• في شارع بيتنا بنشوفها.
• في الكورة.
• وبقولوا لينا في اللغة العربية ان حروف النصب هي )أن – لن – إذن –
كي – حتى – لام الجحود – لام التعليل – والفاء السببية(.
• بالله.
• حروف النصب وقتها لا كان فيها وزير ولا والي ولا معتمد ولا مدير بنك
ولا حكم ولا رئيس لجنة ولا مقرر لها.
• الحاجات واضحة كانت.
• وكانوا بيدرسونا في )الرياضيات( ان 6 × 4 = 24.
• هسع تعال شوف الحاصل شنو؟.
• 6 × 4 = 61…غير التحت التربيزة.
• تقول ليهم ليه؟.
• يقولوا ليك ناس الضرائب وناس الجمارك وناس المحلية ..اي جهة وضعت
اضافتها في المسألة.
• الوقت داك كان عندنا استاذ انجليزي كان وقت يجي لابس قميصو )الازرق(
بنعرف ليك الحصة طوالي اختبار.
• بدون ما يسألنا بنطلع الورقة ونكتب التاريخ.
• الغريبة كلنا ما بنجيب لينا )نمرة( فيها فايدة.
• و
• )ونحن عايشين والحمدلله )النفس( بينزل ويطلع إلى الآن..ولا ينقصنا شيء
سوى رؤياكم الغالية(.
• هسع الكاردينال من لبس )الكسكتة( الجماعة اتجهجوا.
• جمال الوالي استقال.
• والهلال حسم موضوع ولاءالدين.
• وحسم ليك بشكل نهائي وقاطع موضوع ابوعاقلة.
• الكسكتة دي فيها شنو؟.
• تحتها شنو؟.
• الزول دا بقى خطير.
• حاوي بس.
• قالوا ليك ناس المريخ امس – دخلوا ليك بعد مباراة المنتخب بالزي الرسمي
بـ )الكاكي( عشان يخطفوا )ابوعاقلة(.
• زولكم وقت فشل في المهمة – قبل على )الحكم(.
• تسجيلاتهم كلها )حكام(.
• اليوم التاني مشوا ليك على ابوعاقلة بي عريبات النظام.
• معقولة بس.
• مع ذلك الكاردينال بي )الكسكتة( حقتو حسم ليك الموضوع.
• في مريخابي قال لي والله نحن مع )الكسكتة( دي بلة جابر ما نقدر نعيد قيده.
• الله يستر على امير كمال.
• الكسكتة دي لسع تحتها في حاجات تقيلة.
• الموضوع ما ولاءالدين وابوعاقلة براهو.
• الموضوع اكبر من كدا.
• الكاردينال لبس الكسكتة – سحب ليك الهلال في اليوم التاني.
• الكسكتة دي اصلو ما براها.
• اصلو ما اعتادية.
• الجماعة ديل قدر ما قعدوا معاهو عشان يقنعوه – ما وصلوا معاه لي حاجة.
• الكسكتة صعبة.
• المريخاب عملوا اي شيء عشان يخطفوا )ولاءالدين( – ما قدرو.
• مرة يقولوا ليك الاهلي يوقف ولاءالدين.
• ومرة يقولوا ليك الاهلي يغير رأيه.
• كله كضب في كضب.
• ولاءالدين برضو في الهلال.
• الكاردينال اول مرة في التسجيلات يشتغل شغل صاح ومؤسس.
• اتبع الكاردينال في تسجيلات هذه الموسم سبل وطرق محترمة وعرف قيمة
الاندية التى فاوضها.
• مجلس الاهلي مدني جلس معه من اجل اطلاق سراح ولاءالدين الفريق والسفير
والوالي السابق عبدالرحمن سرالختم ونائب رئيس نادي الهلال وهشام محمد
أحمد.
• عرف الكاردينال قيمة مجلس الاهلي مدني وقد كان مجلس ادارة نادي الاهلى
فعلا يستحق هذه المكانة والتقدير فقد بقوا على موقفهم وكلمتهم رغم الضغوط
والاغراءات التى تعرضوا له.
• الكاردينال لم يكتف بذلك – احتفظ باللاعب واستلم الاوراق وسدد القيمة
المالية وهذه كلها خطوات تأمن اللاعب وتحفظه.
• دا شغل كبير بيستحق عليه الكاردينال الثناء والتقدير والاشادة.
• الكاردينال ايضا اتبع نفس الاسلوب مع لاعب ام بدة اللاعب الذي يطيب لي
ان اقول عنه انه صاحب امكانيات مهولة.
• فاوض الكاردينال مجلس ادارة ام بدة بطريقة محترمة ..ومنحهم عرض جيد
وتوصل مع اللاعب لاتفاق..ثم اكمل ذلك بالاحتفاظ باللاعب والتوقيع معه –
بعد المطاردات التى تعرض لها اللاعب من المريخ ..المجلس السابق ولجنة
التسيير الحالية.
• ومازال الكاردينال ومجلسه ينتظره تأمين ولاءالدين وابوعاقلة ..لأن
ضربتين في الرأس توجع.
• لاول مرة منذ سنوات طويلة ينجح الهلال في الحصول على لاعبين عليهما هذا
الصراع بين الهلال والمريخ.
• ولاول مرة ينجح مجلس الهلال في انهاء الامر منذ وقت مبكر وقبل
التسجيلات بفترة كبيرة.
• هذه اشياء لا بد ان تحسب لرئيس نادي الهلال.
• ومازال طمع جماهير الهلال كبير في الكاردينال ليكمل تسجيلات هذا الموسم
بنجاح يتواقف مع طموح الاهلة واحلامهم وهي ساندت رئيسها في قرار تاريخي
ودعمته كل ذلك الدعم ووقفت معه.
• الكاردنيال سوف يكون في اختبار اخر في ملف المحترفين ..ونسأل الله ان
ينجح الكاردينال في الحصول على توقيع محترفين كبار يحدثوا نقلة في
الهلال.
• الكاردينال نجح في اضافة لاعب يعتبر اهم مكاسب الهلال في السنوات
الاخيرة وهو الكاميروني مكسيم.
• نحتاج الى اضافات بذات القدر في الدفاع والوسط والهجوم في جانب الاجانب.
• اما اخر مهمات الكاردينال فهو اختيار جهاز فني يكون حقا بحجم الهلال
وبحجم الطموحات.
• الهلال الآن فيه لاعبين على مستوى عالى صغار السن وهناك اضافات كبيرة
سوف تحدث في التسجيلات القادمة – يبقى فقط حاجتنا لجهاز فني على مستوى
عالي.
• جهاز يحقق البطولات ويملك الخبرات والطموح لتحقيقها.
• تسجيلات الهلال المحلية نرجو ان تكمّل بلاعب الامل عطبرة وهو المدافع
عمار الدمازين والذي وجد اشادات كبيرة من المختصين.
• وهناك طرف جيد في هلال الابيض وصانع العاب فريق مريخ كوستي الجنوب سوداني.
• بعدها يمكن ان يكون الهلال اكتفى محليا ليضيف لكشفه ثلاثة لاعبين
افارقة على مستوى.
• بذلك يكمل الكاردنيال انجازاته التى تمثلت في الجوهرة الزرقاء وفي
الانسحاب ونحن ننتظر كما اشرنا التسجيلات والجهاز الفني.
• وقد نجح الكاردينال بشكل تام في الحصول على )ولاءالدين( و )ابوعاقلة(.
• باقى امير كمال.
• و…
• و…
• ديل خلوهم في سرهم.
• موش الكاردينال براهو قال ليكم امسكوا ولادكم ديل.
• خليتوا اولادكم ومسكتوا في )اللقيمات(.
• و
• )ونحن عايشين والحمدلله )النفس( بينزل ويطلع إلى الآن..ولا ينقصنا شيء
سوى رؤياكم الغالية(.
• عليه وعلى طريقة روتانا سينما )اوعي تغير المحطة( فاننا نقول
للكاردينال الآن )اوعى تغيير الكسكتة(.
• خليك كدا.
• الزول دا من ظهر لينا بـ )الكسكتة( بقى من نجاح للنجاح.
• الانسحاب ذاتو وجد عليه اتفاق ومساندة ودعم خيالي من الاعلام ومن جماهير الهلال.
• في هلالابي قال لي يا زول الكاردينال دا بعد كدا ان اتراجع من الانسحاب
نحن ما عندنا معاهو مشكلة – بس )الكسكتة( دي لو ما جابت لينا )امير كمال(
ما يطلعها لينا.
• يا زول )الكستكة( شالت مدير الجمارك ذاتو.
• انتوا قايلنها كسكتة ساهلة.
• دي )كسكتة( ح تشيل الاتحاد نفسو ان شاءالله.
• و
• )ونحن عايشين والحمدلله )النفس( بينزل ويطلع إلى الآن..ولا ينقصنا شيء
سوى رؤياكم الغالية(.
• ……….
و
• الاكيد والذي نثق فيه تماما ان الهلال سوف يخرج منتصرا من هذا الموقف.
• كما ان الامل لن يخسر.
• في كل الاحوال.
• ونبقى على الانتظار.
• امير كمال عذب الجماعة عذاب.
• لجنة التسيير قالوا نحن لو عارفين كدا ما كنا ذاتو جينا.
• مجدي شمس الدين بفتش ليه في حل.
• مطلوب من جمهور عطبرة التعامل مع المريخ بروح رياضية ..وعطبرة معروفة
بمواقفها …وعدم تطاولها على الضيوف.
• و
• )ونحن عايشين والحمدلله )النفس( بينزل ويطلع إلى الآن..ولا ينقصنا شيء
سوى رؤياكم الغالية(.
• …………..
• السيدة )ل( – مطرتنا بقينا نتمها بالخرطوش.
• وقرّط على كدا.
�
�