مشاوير ..حسن عبدالرحيم .. ان شاء الله القيامة تقوم..!!

إرسال مساهمة في موضوع

استعرض الموضوع السابق استعرض الموضوع التالي اذهب الى الأسفل

28102015

مُساهمة 

مشاوير ..حسن عبدالرحيم .. ان شاء الله القيامة تقوم..!!




مشاوير
..حسن عبدالرحيم
.. ان شاء الله القيامة تقوم..!!
* نحن نعيش في زمن اغبر... اختفت منه كل المفردات الجميلة.. والحلوة.. التي تدعو للانتعاش والعيش بأمان وهدوء وسلام بعيداً عن ساقط القول والاعتراك والحروب.. والخلافات.. اصبحنا محاصرين.
* وما يحيط بنا في بعض الاحيان ليس سوى شغل للاذهان وتعمية للعقول من أن تعي ما يحدث حولها.
* الافعال هي نفسها لم تتغير ولا ابداع فيها منذ مدة هي ذات الطبخة وان تغير )الشيف( أو )الطباخ( فنفس اساليب الكذب والخداع واللعب على الثلاث ورقات.. وانعدام الضمير والعمل على تزييف الحقائق.. والجدل بعيداً عن القانون.
* لا يحاولون الاقتراب من القانون كأنه اشبه بمنطقة عسكرية مكتوب عليها ممنوع الاقتراب أوالتصوير.
* فنحن الآن نقف على عتبات الحقيقه تسقط كل عبارات الزيف وتتلاشى مساحيق التجميل من فوق الكلمات الرنانة والمصطلحات الخادعة..
* فقط نجد الاشياء امام اعيننا عارية تماماً مجردة من ثيابها الانيقة ورائحتها المستوردة.
* فتصبح عاجزة عن الاغواء أو التشجيع على الاطراء لانها فقدت اهم معالمها وجعلت الجمهور يبتعد عنها ولا يتحدث عنها معجباً وسعيداً متأملاً في جمالها وسحرها الاخاذ الذي كان يجعلهم يجرون وراءها في اي مكان.. وياتون اليها مبكراً )قبل ميعادنا بساعتين( يجلسون في هجير الشمس.. ينتظرونها.. بكل اللهفة والشوق.
* لكنها افتقدت كل هذه الاشياء وشاخت وفقدت بريقها والقها وجمالها بفعل فاعل ومع سبق الاصرار والترصد.. بعدم تطبيق القوانين.
* لذلك ظهرت قبيحة وزميمة وفقدت روعتها وسر جمالها وبانت حزينة متجعدة ومكلومة وتستجدي بعد ان كانت مقرورة وتمارس دلالها على الجميع ولا تلتفت للآخرين.. والان ظلت تناديهم وتترجاهم وتطلب ان يأتوا اليها.. ولكنهم رفضوا الاستجابة اليها بعد أن كانت طلباتها في السابق مجابة ولا يرد لها طلب..
* الكل يطالبها بان تعود لسابق عهدها قوية فاتنة مدللة ومحروسة بالقانون.
* بعد أن بات الكل يقف على العتبات واذا غصنا في اعماق الحقيقة الكاشفة لوجدنا واقع مهين نعيشه.
* واقع ملئ بالفوضى والخوف والعمل على انشاء روح التعصب وشاهدنا الشتيمة والملايين من الالفاظ النابية والوجوه العابسة والالسن اللازعة.. الكل يواجه الكل بافظع ما تعلم الشتامون فالكل مقتنع أن رأيه هو الاصوب وان لسانه هو السيف البتار الذي تتراجع عنه وتخشاه كافة القوات المهاجمة لتكون النتيجة الحقيقة والمخيفة تراجع الجميع للامام قفزاً في كل الوجوه يتحسس الواحد منهم بعد ذلك وجهه فاذا الماء بلغه لا يعرف له لون او رائحة من كثرة ما امطر عليه الآخرون من تلون وتنوع.
* ولا يرى الشخص الا نفسه هذا هو الشعار المدفوع من الجميع وانه هو الاحق والاجدر بالتحدث دون سائر الآخرين وهو الذي يشرع ويفتي لانه سيد الرأي والفهم.
* كل ذلك سببه غياب القانون والقدوة والحكمة.
* فالفوضى اصبحت تمشي على اقدام يراها الجميع دون امتعاض او استقراب كأنها امر عادي.
* لان القانون قابع في مغاراته المتعددة.. في الادراج او في المنازل.. أو في ضهرية العربة او في رأس دولاب.
* لا يخرج الا مستعرضاً على ضعيف أو سائراً على عكازات المحسوبية والمجاملة.
* لتبقى الفوضى مزدهرة وسوق الشتائم متجدد والغلاط مستمر والكذب متعدد والوعود لا تنفذ.. والتخدير ماشي.. وجاري التخذيل وفلان يكتب والحالة من ناس ديلا واسفاي.
* وحولنا يتقدمون لانهم لا يعرفون غير القانون وتطبيقه لا مجاملات لا انتماءات لا محسوبية ولا حزبية ولا طائفية. ولا جودية ولا لجان مساعي حميدة!
* القانون قانون.. لا لف ولا دوران وما في تعال بكرة او بعد بكرة.. ولا في زول يقول ليك كدى خليني احل ليك الموضوع ده بطريقتي.
* وتُحبس القضايا والشكاوي في ادراج المكاتب بالشهور.. ومافي زول جايب ليها خبر ولا شغال بيها الشغلة.
* والآن الناس فاقت من البنج ومن الغيبوبة الكانت عايشة فيها بالوعود السراب والاكاذيب والمجاملات والمراوغة.
* والله ديل اخطر من ميسي وماردونا في المراوغة.
* ديل يلعبوا بالبيضة والحجر.
* عشان كده بقينا ملطشة وكل الامور جايطة والناس ما عارفة المطرة صابة وين.
* فكثرت الاساءات والشتائم والبذاءات في الملاعب واللافتات المسيئة والقبيحة.
* والناس قاعدة ومتمحنة وتتفرج وتعاين.
* وما عرفين لمتين يكونوا قاعدين كده.
* طيب قاعدين ليه ما تقوموا تروحو.
* ولا منتظرين الطوفان ولا السيل يجي يشيلكم.
* يا اخي والله انتو عذيتونا فقدنا كل الاشياء الجميلة وبقينا ما عارفين أي حاجة.
* وبقينا ماشين في الزفة.
* وامبارح الفاضل أبو شنب ما خلى ليهو ونسة مع رجال الخطوط وهو واقف معاهم في وسط ملعب ستاد الهلال.
* مرة يرفع ايديهو ومرة يضحك.
* والموجعين يبكو.
* وعمار كريمة في عطبرة ما عارف يعمل شنو.
* والهلال والأمل نفذوا الوعد ولم ينكثوه.
* وهما يرددان مع بعضهم البعض انحنا تاني ما ينتفرق والمحروق اليتحرق!!.
* ويبقي السؤال هل يستطيع الاتحاد تطبيق القانون على الهلال والامل واعادته من اجازته التي كان فيها.
* ننتظر ونشوف ما تحمله الايام القادمات وماذا سيحدث..!!
* بس كدي ناس الاتحاد يجو من رحلتهم.
آخر المشاوير!!
* في سرية تامة وفي هدوء وبعيداً عن الضوضاء والخزعبلات والفرقعات الاعلامية الفشنك دعم الهلال صفوفه بأفضل واميز اللاعبين الموجودين في الساحة.
* واستطاع الكاردينال ان يحسم كل الصفقات وبالامس كان ميسى وعمار الدمازين.
* والليلة ما معروف منو.
* والمريخاب ما عارفين الحاصل عليهم شنو.
* ولا قدروا يقنعوا امير كمال.. وقالوا بلة جابر ما بنقعد معاهو وما عندنا قروش لراجي والباشا.
* والهلال ربما قام بتقديم طلب الاتحاد العام بزيارة كشف اللاعبين.
* لأن اللاعبين الذين تقدموا للانضمام للهلال من المريخ والاندية الآخرى فاق العشرين طلب والهلال الآن يدرس في العروض المقدمة من اللاعبين للانضمام للهلال.
* والكاردينال والله خجلان يقول للاعبين ما عايزنكم.
* الفوضى مستمرة.. وما في زول عارف حاجة والحاصل شنو.. والحكاية جايطة.
* ومافي زول عايز يعترف بغلطو.
* والناس جايطة وناسين القانون.
* وكل يفسر حسب هواه.
*المادة 105 لغوها قالوا ما عايزنها وما عاجبانه وجابو ليهم قانون من راسهم
* وأي حاجة ماشية بالمقلوب والغلط.
*الهلال نفذ وعده وانسحب والقالو الهلال بيتراجع يخمو ويصرو
* وعشان كده نقول .
خبر طازج: إن شاء الله القيامة تقوم..

حمزه عوض


الرجوع الى أعلى الصفحة اذهب الى الأسفل

مُشاطرة هذه المقالة على: Excite BookmarksDiggRedditDel.icio.usGoogleLiveSlashdotNetscapeTechnoratiStumbleUponNewsvineFurlYahooSmarking

 
صلاحيات هذا المنتدى:
تستطيع الرد على المواضيع في هذا المنتدى