الأحد 27 مارس 2022 - 15:15
بقلم / صبري محمد علي )العيكورة(
المتابع لردحي القحاته هذه الايام يدرك انهم لم يكونوا عاملين حساب )الحتة دي( والحته هى زوال الكرسي ويبدو انهم ظنوا انهم مانعتهم حُصُونهم وقوانينهم من أن يؤخذوا على حين غرة من أمرهم وإن قلنا لهم )الجاتك( فى كرسيك سامحتك غضبوا وإن قلنا الكرسي دوار قالوا )بس مُش بالسرعة دي( وإن قلنا ما قاله بني جلدتهم )الصادقين( ان فسادكم لعامين فاق فساد ثلاثين الانقاذ تذمروا وإن قلنا لهم )أرجلو شوية و بطلوا الجرسة( تورمت جفونهم .
حقيقة المُتتبع لهذا المأتم القحتاوي يضحك داخل كُم الجلابية وما يدعو للضحك هو دعوتهم للتظاهر بسبب الغلاء ومطالبتهم للشعب بالخروج !
)بسس وقف لى هنا يا عب باسط(
ونسألهم عن من اتي بالغلاء و )ورّط( السودان حتى اصبح من يظفر بوجبة )فول( فى يومه يُعد من الميسورين !
اليس هو توقيع )قحت( البائدة وخنوعها )لروشتة( البنك الدولي وصندوق النقد الدولي ؟ والقروض المذلة ؟ فمن اتي بها ؟ العساكر؟ ام الشيوعي حمدوك ؟ و كذلك برنامج ثمرات المذل والقائمة تطول ؟
)طيب خليك من الكلام ده( أروني أيها القحاتة طوبة واحدة اضفتموها لجدار هذا الوطن المأزوم بكم وبأفعالكم وفى المقابل احصوا معي إن شئتم حجم الدمار المُمنهج الذى نفذتموه دون ان تطرف لكم عين ! )لا( بل تعالوا نري حجم )الصواته( والولولة والاستنجاد و الاستقواء بالخارج و)لفح الشبشب و التوب( التى ظللتم تمارسونها منذ )٢٥( اكتوبر ماذا جنيتم من ورائها؟
)ولا التكتح( !
العالم أيها الجهلاء لا يعرف إلا لغة المصالح وما انتم إلا ورقة إحترقت وطواها التاريخ .
)أمنقة حاجة( هذه الايام )قايمين ليك( علي البرهان وحميدتي قالوا شنو؟ قالوا العساكر للثكنات ونحن نحن يكررونها فى )قروباتهم( يحكمنا امثال حميدتي؟
)بالله قرصة يا عب باسط عندك( !
حميدتي مالو؟ ما غنيتو ليهو لممن شبعتو أنسيتم حميدتي الضكران الخوف الكيزان ونسيتم شكراً حميدتي لدعمكم الثوار هذا غير كلام الليل الذي لم يراه الناس و )فتاهو( حميدتي و قالوا الليل بغطي الجبال !
مالو حميدتي؟ و مالوا البرهان مش ده شغلكم يا مولانا ؟ مُش إنتو الجبتوهُم ؟
غايتو من الشي )الشافتو عيني( أمس من حشود لقاءات حميدتي )الما عاجبكم ده( فى ولاية الجزيرة و ولاية سنار والحشد القبلي و النوعي للشباب والمرأة والادارات الاهلية والطرق الصوفية والتأييد والهتاف والالتفاف . كل هذه القرائن تشير الى … )شوف انا ما قلت تؤكد( ! تشير الى ان هذا الرجل قد يحكم السودان قريباً و )بالغانووون( ! وقبل ما )تحمّر ليّ( أمشي أشرب موية وتعال أقول ليك كيفن !
طيب نمسكا واحدة واحدة الحزب ؟ سيكون حزبه ما فى شئ ناقصو ماشاء الله تبارك الله )من مجاميعو( الكلام والخطابة و )الانقليزي زااتو( المستشارين على قفا من يشيل هذا غير ناس المراسم والبروتوكولات و)عييك( فالموضوع ده أنساهو خاالس .
أما موضوع قوات الدعم السريع سيستلم المهام القائد الثاني و )يا دار ما دخلك شر( .
أمّا خارجياً فكما السابقين سيتعلم الرجل والمتابع يرصد تقدماً ملحوظاً فى هذا الجانب .
أعتقد أن ما ابداه الرجل من صدق وبساطة وفزعة و وطنية وسخاء تؤكد انه رجل المرحلة
)ما تعاين ليّ ده رأيي يا مولانا( .
اما العلاقات الخارجية بإستثناء مصر فكل الدول ستدعمه بما فيها الدول العظمي عبر وكلائها بالمنطقة عبر نظرية )الشريف مبسوط مني( سيما إن مضي الامر نحو صناديق الإنتخابات .
شخصياً لا اتوقع حدوث توافق وطني )بى أخوي وأخوك( ! هكذا عودتنا )جينات( السودانيين وارجو ان أكون مُخطئاً فى توقعي .
فإن كان حميدتي للتفلتات الامنية وحميدتي )للكرونا( وحميدتي للجنة الاقتصادية وحميدتي لسلام )جوبا( وحميدتي للمواني !
الباقى شنو يا جماعة ؟ حميدتي لايجار لوازم الافراح والمناسبات مثلاً ؟
وقطعاً هذا الكلام لن يعجب القحاتة لكن )ده الشايفو( يا عمك أما الفريق البرهان فغالبا ما سينتهي به المطاف عند رتبة مشير متقاعد .
قبل ما أنسي : ــــ
ونقول لكل )قحاتي( عظم الله أجركم والجاتك فى كُرسيك سامحتك )وبالهداوه كده( مُش ده شُغلكم يا جماعة ؟
و فى الاثر )التسوي كريت فى القرض تلقي فى شنو؟ ….(
او كما قالت حبوبتي لها الرحمة .
بقلم / صبري محمد علي )العيكورة(
المتابع لردحي القحاته هذه الايام يدرك انهم لم يكونوا عاملين حساب )الحتة دي( والحته هى زوال الكرسي ويبدو انهم ظنوا انهم مانعتهم حُصُونهم وقوانينهم من أن يؤخذوا على حين غرة من أمرهم وإن قلنا لهم )الجاتك( فى كرسيك سامحتك غضبوا وإن قلنا الكرسي دوار قالوا )بس مُش بالسرعة دي( وإن قلنا ما قاله بني جلدتهم )الصادقين( ان فسادكم لعامين فاق فساد ثلاثين الانقاذ تذمروا وإن قلنا لهم )أرجلو شوية و بطلوا الجرسة( تورمت جفونهم .
حقيقة المُتتبع لهذا المأتم القحتاوي يضحك داخل كُم الجلابية وما يدعو للضحك هو دعوتهم للتظاهر بسبب الغلاء ومطالبتهم للشعب بالخروج !
)بسس وقف لى هنا يا عب باسط(
ونسألهم عن من اتي بالغلاء و )ورّط( السودان حتى اصبح من يظفر بوجبة )فول( فى يومه يُعد من الميسورين !
اليس هو توقيع )قحت( البائدة وخنوعها )لروشتة( البنك الدولي وصندوق النقد الدولي ؟ والقروض المذلة ؟ فمن اتي بها ؟ العساكر؟ ام الشيوعي حمدوك ؟ و كذلك برنامج ثمرات المذل والقائمة تطول ؟
)طيب خليك من الكلام ده( أروني أيها القحاتة طوبة واحدة اضفتموها لجدار هذا الوطن المأزوم بكم وبأفعالكم وفى المقابل احصوا معي إن شئتم حجم الدمار المُمنهج الذى نفذتموه دون ان تطرف لكم عين ! )لا( بل تعالوا نري حجم )الصواته( والولولة والاستنجاد و الاستقواء بالخارج و)لفح الشبشب و التوب( التى ظللتم تمارسونها منذ )٢٥( اكتوبر ماذا جنيتم من ورائها؟
)ولا التكتح( !
العالم أيها الجهلاء لا يعرف إلا لغة المصالح وما انتم إلا ورقة إحترقت وطواها التاريخ .
)أمنقة حاجة( هذه الايام )قايمين ليك( علي البرهان وحميدتي قالوا شنو؟ قالوا العساكر للثكنات ونحن نحن يكررونها فى )قروباتهم( يحكمنا امثال حميدتي؟
)بالله قرصة يا عب باسط عندك( !
حميدتي مالو؟ ما غنيتو ليهو لممن شبعتو أنسيتم حميدتي الضكران الخوف الكيزان ونسيتم شكراً حميدتي لدعمكم الثوار هذا غير كلام الليل الذي لم يراه الناس و )فتاهو( حميدتي و قالوا الليل بغطي الجبال !
مالو حميدتي؟ و مالوا البرهان مش ده شغلكم يا مولانا ؟ مُش إنتو الجبتوهُم ؟
غايتو من الشي )الشافتو عيني( أمس من حشود لقاءات حميدتي )الما عاجبكم ده( فى ولاية الجزيرة و ولاية سنار والحشد القبلي و النوعي للشباب والمرأة والادارات الاهلية والطرق الصوفية والتأييد والهتاف والالتفاف . كل هذه القرائن تشير الى … )شوف انا ما قلت تؤكد( ! تشير الى ان هذا الرجل قد يحكم السودان قريباً و )بالغانووون( ! وقبل ما )تحمّر ليّ( أمشي أشرب موية وتعال أقول ليك كيفن !
طيب نمسكا واحدة واحدة الحزب ؟ سيكون حزبه ما فى شئ ناقصو ماشاء الله تبارك الله )من مجاميعو( الكلام والخطابة و )الانقليزي زااتو( المستشارين على قفا من يشيل هذا غير ناس المراسم والبروتوكولات و)عييك( فالموضوع ده أنساهو خاالس .
أما موضوع قوات الدعم السريع سيستلم المهام القائد الثاني و )يا دار ما دخلك شر( .
أمّا خارجياً فكما السابقين سيتعلم الرجل والمتابع يرصد تقدماً ملحوظاً فى هذا الجانب .
أعتقد أن ما ابداه الرجل من صدق وبساطة وفزعة و وطنية وسخاء تؤكد انه رجل المرحلة
)ما تعاين ليّ ده رأيي يا مولانا( .
اما العلاقات الخارجية بإستثناء مصر فكل الدول ستدعمه بما فيها الدول العظمي عبر وكلائها بالمنطقة عبر نظرية )الشريف مبسوط مني( سيما إن مضي الامر نحو صناديق الإنتخابات .
شخصياً لا اتوقع حدوث توافق وطني )بى أخوي وأخوك( ! هكذا عودتنا )جينات( السودانيين وارجو ان أكون مُخطئاً فى توقعي .
فإن كان حميدتي للتفلتات الامنية وحميدتي )للكرونا( وحميدتي للجنة الاقتصادية وحميدتي لسلام )جوبا( وحميدتي للمواني !
الباقى شنو يا جماعة ؟ حميدتي لايجار لوازم الافراح والمناسبات مثلاً ؟
وقطعاً هذا الكلام لن يعجب القحاتة لكن )ده الشايفو( يا عمك أما الفريق البرهان فغالبا ما سينتهي به المطاف عند رتبة مشير متقاعد .
قبل ما أنسي : ــــ
ونقول لكل )قحاتي( عظم الله أجركم والجاتك فى كُرسيك سامحتك )وبالهداوه كده( مُش ده شُغلكم يا جماعة ؟
و فى الاثر )التسوي كريت فى القرض تلقي فى شنو؟ ….(
او كما قالت حبوبتي لها الرحمة .
