المواضيع الأخيرة
» عناوين الصحف السودانية الصادرة اليوم الخميس 21 يونيو 2018
الخميس 21 يونيو 2018 - 9:07 من طرف Admin

» عناوين الصحف الرياضية الصادرة اليوم الخميس 21 يونيو 2018
الخميس 21 يونيو 2018 - 9:07 من طرف Admin

» الصراخ يبدأ - اخر الليل ‏‏‏‏إسحق احمد فضل الله
الأحد 15 أبريل 2018 - 20:59 من طرف Admin

» ورونا شطارتكم !
الأحد 15 أبريل 2018 - 11:40 من طرف Admin

» العودة لهذه البدائل
الأحد 15 أبريل 2018 - 11:40 من طرف Admin

» عُذرا أيها الحمير !!
الأحد 15 أبريل 2018 - 11:39 من طرف Admin

» ‏‏‏‏أكثر من عبور.. افتتاح جسر النيل الأزرق
الجمعة 13 أبريل 2018 - 21:31 من طرف Admin

» شكرا أخوات بصمة
الجمعة 13 أبريل 2018 - 21:31 من طرف Admin

تابعونا عبر فيس بوك

قوقل ‏+‏ ‏
Use the English Language
شارك
احدث الملفات بالموقع

في السلك .. بابكر سلك .. خلي الخرخره وركز في الجوهرة

اذهب الى الأسفل

في السلك .. بابكر سلك .. خلي الخرخره وركز في الجوهرة

مُساهمة من طرف حمزه عوض في الجمعة 13 نوفمبر 2015 - 14:43

في السلك
بابكر سلك
خلي الخرخره وركز في الجوهرة

*كالعادة
*خسر منتخبنا امام زامبيا علي ارض الحضارات
*هزيمة هزت جبل البركل وشبا
*وجهجهت موقف وطن الجدود في المنافسه
*جدودنا الزمان وصونا علي الوطن
*علي التراب الغلي الما ليهو تمن
*بالله من الزمن داك التراب ده غالي كده ؟؟؟
*لوري المونه الا يتشاركوهوا سكان السكن العشوائي كلهم
*المهم انهزمنا من زامبيا في كريمي
*فرجعنا مع رقصة اهلنا الشوايقه لا ورا
*ايها الناس
*من كد وجد
*ونحنا نكد العمر كلو في اصابعينا حسرة علي ضياع فرص بالاهمال
*ونجد الفضيحه
*لاننا نكد في اصابعيننا
*التاريخ يفتح صفحاته لنا
*فيسجل خيبات جديده
*خيبات أمل
*حتي تعاطف الناس مع المنتخب مات وافتقد العواطف
*وافتقدنا سعادة الامه بانتصارات الصقور
*وافتقدنا تعامل المنتخب مع جماهيره بوفاء
*منتخب يعيش في استعجال علي علوق الشدة مفتقدا للرزانه والسكينه
*فتلاشت مسيرات الفرح التي كنا نشارك فيها بابتهاج
*حتي الامنيات تلاشت من مخيلتنا وضاع المني
*فتدهورة اميرة المناشط الرياضيه
*ولنا علي المنتخب حقين اضاعهما علينا
*حق ان ينتصر لاجلنا وحق ان يسمو بنا علي روليت التصنيف
*فعشنا ضياع في الحقين
*وحتي جلسات السمر بعدالنصر ضاعت وماتت وحتي ذكري نجاحات المنتخب تلاشت
*اختيارات لا يحالفها التوفيق تتخطي اصحاب المهارات الذين يتراشقون كالريم
*واصبحت شئون الصقور يتم التعامل معها بدون اخلاص
*فأظلم طريق المنتخب مفتقدا لومضة تسجل اشراقه في دربه الطويل
*فاضحينا بدون أمل بدون عواطف بدون سعاد بدون وفاء بدون رزان بدون سكينه بدون ابتهاج بدون امنيه بدون مني بدون اميرة وضاعت ام حقين بدون سمر وبدون ذكري وبدون ريم وبدون اخلاص دون ومضة ودون اشراقه
*منتخب لا أمل ولا عواطف ولا سعاد ولا وفاء ولا رزان ولا وسكينه ولا ابتهاج ولا امنيه ولا مني ولا اميرة ولا ام حقين ولا سمر ولا ذكري ولا ريم ولا اخلاص ولا ومضه ولا اشراقه
*ده منتخب ولا بيت عزابه ؟؟؟؟
*ايها الناس
*الاهمال يدهور الامور
*والصدفه لن تخلق بطلا
*والتباكي لايقوي الناس
*والسكات عن الحق يجعلنا في كشف الشياطين الخرس
*ولذا
*نلوم الدوله والوزاره والوزير الاتحادي والوزراء الولائيين والوزراء التانيين وكل الدستوريين وناس البرلمان النايمين منهم والصاحيين والاتحاد وناس الجمعيه العموميه بتاعت الاتحاد
*يا منتخب زي المنتخب يفعل العجب
*يا امرقوا لينا بره بكل شجاعه وقوقوا لينا ما دايرين كورة
*وما دايرين منتخب
*وما مقتنعين بالرياضه زاتو
*قولوها اصلو ما حايحصل شئ
*القلتوهوا قبل كده الحصل ليكم شنو يعني ؟؟؟
*قولوهوا وهو البقولوهوا الناس شويه ؟؟؟؟
*ايها الناس
*بالطريقه دي كرة القدم حاتلحق المرحومه السله وطيبة الذكر الطائره وفقيدة البلاد السباحه والشهيد التنس
*ووقتها نتمني ان نحترم ميتنا وان نكفنه ونصلي عليه ونواريه الثري بكل احترام
*وبعدها نذكر محاسن المرحوم
*كان يتلتل
*شال كاس افريقيا سنة سبعين
*وصل ميونخ قبل كده
*وولدوالمريخ شال مانديلا
*خلينا واضحين يا دولتنا
*يعني منتخبنا اغلي عليك من خط هيثرو ؟؟؟؟؟؟؟
*المهم
*كردنه لسه ناسو بجعجعوا
*وبدت المناظر بتاعت افلام التسجيلات
*شيخ مكورو في المطار
*شيخ مكورو رجع بي امجاد
*قنبلة جايبها العقيد حسن
*والعقيد حسن يقول
*هو العقيد القذافي قولو عمل فيهو شنو ؟؟؟
*وجعجعة انصار كردنه متواصله
*العقوبات مافيها ايقاف لي كرنه
*يمكن الايقاف جاييكم بي كرعينو
*يكونش الزول الجايب الخطاب ليكم عمل عملية ساعي البريد ؟؟؟
*يكون شم العبير عجبو الكلام نايم عمل ؟؟؟
*ايها الناس
*مايدفع كردنه للخرخره هو الخوف من قفل الموسم والهلال مهزوم من المريخ وفاقد للدوري والكأس
*ومن المعروف انو كردنه كراعو مع الهلال مكوه بس
*من جا الهلال ما غلب المريخ
*بل قبل يجي لما كان قطب
*لو صرح بي حوافز
*ابو الهل بتغلب
*وكردنه ما لمبي
*فاهمها
*عارف لو دخل مباراة المريخ وللمريخ فرصة في نيل البطولة لو هزم الهلال
*المريخ بجي جاااادي
*ولو جا جااااادي
*ناس اتير الغرام ومساوي ديل ما بقدروا يقيفوا امام العقرب
*بتشقلب بتشقلب
*تبقي عليهو هزيمه وفقدان بطولة وكاس وشقلبه كمان ؟؟ظ
*وزي ماقال روشا
*جرح بكري لسه بينزف
*عشان كده اختار الخرخره بدل المواجهه
*يا كردن خلي الخرخره وكز في الجوهره
*المهم
*موفقة المجلس علي التجديد لغرزه بشروط المجلس ضربة معلم
*واشادة المجلس بقطاع السنيه وفاء منه لاهل العطاء
*ونهمس في اذن طارق المعتصم
*هناك اسماء في ادارة السنيه لها ايقاع اعيدوا سماعها من جديد
*ايها الناس
*ان تنصروا الله ينصركم
*اها
*نجي لي شمارات والي الخرتوم
*كان شقت يا والينا
*الكورة دي بتشغلنا منكم وكت اصلكم ما شغالين بينا
*حقو يا والينا
*تهتموا بالكورة وتشتغلوا بيها لما تشغلوها لينا
*عشان تشغلنا من الشغل الدورتوهوا فينا
*لكن بالاهمال ده يا والينا
*تاني غيركم ما بتكون في شغله لدينا
*موش اخير تشتغلوا بيها عشان تشغلنا وكت تشغلوها لينا ؟؟؟؟
سلك كهربا
ننساك كيف والكلب راقد ممدد يهز في ضنبو ويردد ,,وللاوطان في دم كل حر يد سلفت ودين مستحق
والي لقاء
سلك

حمزه عوض


الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى