السبت 28 مايو 2022 - 19:25
"عابرة 47" حرضوك الغير علينا
كلمات / محمد احمد الحبيب
حرضوك الغير علينا
ولا ما داير تجينا
ليك سنين طولت غايب
وناسي ف أمدرمان حبايب
ماكا عارف العاملو فينا
طيلة أيامنا الحزينا
***********
ديمه حاملين ألأماني
نسأل الناس ف المواني
عن عيونك ويتا لينا
تطفي أشواقنا الدفينه
********
في بحار ما ليها مرسى
ولا سواحل فيها نرسى
كيف تقاوم الريح سفينه
بين أيادي الموج رهينه
**********
قلنا حب الناس مذاهب
وكل من يأتيها ذاهب
برضو تبقى الذكرى فينا
غصب عننا تعترينا
**********
في دروب ياعابرة شتى
مابنطيق النسمه حتا
كلما هبت علينا
نزرف الدمعات سخينه
********
قبح ألله المظنة
يحسدونا عليي حزنا
كل زول حامل ضغينه
دار يسوق ظنو فينا
********
كلميهن إ نتي عنك
كان يعرفو حقيقه منك
أنتي أكبر من مدينه
العفاف والعزه دينا
********
حرضوك الغير علينا
ولا ماداير تجينا