في السلك .. بابكر سلك .. اختلاف الرأي فينا

إرسال مساهمة في موضوع

استعرض الموضوع السابق استعرض الموضوع التالي اذهب الى الأسفل

03122015

مُساهمة 

في السلك .. بابكر سلك .. اختلاف الرأي فينا





‏في السلك
بابكر سلك
اختلاف الرأي فينا

*ايها الناس
*بدت تظهر في وسطنا المريخي اشياء لم نعتاد عليها من قبل
*اصبح اختلاف الرأي خلاف كبير
*ونحن الذين كنا نتباهي ونغني
*اختلاف الرأي فينا يجعل المريخ اقوي
*الحاجه دي ما بتشبهنا
*ومابتشرفنا
*وحاتفرقنا
*مثلا اذا اختلف الناس حول غارزيتو
*مابين مؤيد ومعارض
*ده شئ طبيعي
*فلو لا اختلاف الذوق لبارت السلع
*ولكن هذا الاختلاف لا يعطي الانسان الحق في اتهام صاحب الرأي الآخر
*بالتبعيه او المحسوبيه او العمل لارضاء جهه محدده
*ولا يعطينا الحق في المساس ببعضنا البعض
*مثلما غارزيتو كمدرب له بصمات
*نحن ايضا كمريخاب لنا بصماتنا التي تضيف للكيان والتي نرسمها من مواقعنا المختلفه
*فالاداري له بصمه نحتاجها
*والقطب له بصمة تقودنا وتهدينا
*وشفوت المدرجات لهم من البصمات ما يمكن المريخ من السير عليها حتي منصات التتويج
*يبقي كلنا مهمين جدا
*لا لاقصاء احد من تلك المنظومه
*نخالف الرأي ولا نختلف في مريخنا
*نختلف في الراي ولا نخالف ادب المريخ باحترامنا لبعضنا
*لقاماتنا ومكاناتنا وتاريخنا
*لذا
*خلوا اللعب واطه يا ناس
*برااااحه ممكن رأي الزول يصل
*بدون مساس بالآخرين
*بدون تشكيك في الناس
*بدون حفر وبدون تواطوء
*المهم
*السيستم كتر خيرو قبل كوفي مجددا وكريم جديدا
*بركه الماقفل لينا في وشنا
*الباقي ناس الداخل
*افترض عند قراءة هذه الاسطر الوك بكون وقع
*وعطرون كذلك
*وبكري
*مابكري المدينه
*بكري الابيض
*كده يكون العقد اكتمل
*فقط المعسكر في ميعادو
*المدرب قدر الطموح
*مصروف المعسكر يجهز
*وبسم الله نبدأ موسم جديد
*ايها الناس
*ونسي ورفاقه ماتشوفوا فلسهم ده
*عقولهم غنيه بالفكر والابتكار
*وقلوبهم قويه بالايمان بالمريخ ووجوب وضع بصمة يحفظها لهم التاريخ
*لذا نقيف مع حكومتنا
*موش حكومتنا
*نقيف معاها تأسيسا علي
*اطيعوا اولي الامر منكم ولو تأمر عليكم عبد حبشي
*علي الاقل هذه الطاعه تخلق استقرارا يخلق بدوره نماء وازدهار
*ايها الناس
*لا اعني بالطاعه التبعيه
*ولكني اقصد بها ان لا نبخل بالدعم
*وان لا نبخل بالفكرة
*وان لا نحفر لهم
*باقي عندنا ناس
*ارانب بس
*حفاريييييييييييييييين
*المهم
*اب كسكته واحشنا اليومين دي
*لاتصريح ولا تظليل ولا تهليل
*ان شاء الله المانع خير
*يعجبني في كردنه صدره الواسع ومصداقيته مع شعبه
*لا بلحن في الكلام ولا بخاف الملام
*برميها رووووووب
*والتبقي تبقي
*ولكن الصراحه تبرر اي درابه
*بس ماقال لينا
*صحي ضرب اللقيمات في بيت اسامه ؟؟؟
*سمعنا كده
*لو عملتها يا كردنه تكون بالغت
*كان تكلمنا
*كان تقول لينا معزومين لقيمات
*ما عليك
*المره الجايه بتلقانا في طشت الزلابيه
*واتزلبي
*ايها الناس
*فطومه اختي اعتزلت ؟
*ولا لسه زي هيثم مصطفي ساكه المجنونه ؟؟؟
*فطومه اديها سنه تاني
*وبعد جريدة روشا
*اعملي زي سيدا
*اصلك انتي ستهم
*اعملي زي سيدا
*امشي شندي
*اكتبي في المشاهد
*وسافري بره قابلي مارادونا
*واتمردي
*ايها الناس
*الاساءه التي رمانا بها الكويتي النكره محمد المله علي شاشة التلفزيون اساءه بالغه
*اساء لنا كسودانيين اصحاب كرامة وسياده
*وقال ان الملك فاروق كان بيحكم مصر والسودان
*الماعارفو الزول ده
*انو الحضارة النوبيه الفرعونيه
*اقدم حضارات الدنيا
*هي حضارتنا
*وفراعنتنا حكموا مصر من زمنا الكويت كانت فيهو ماخلقوها لسه
*والغريب بتكلم عن شجاعتنا
*كأنو صدام حسين رحمه الله ما دخل الكويت في نص ساعه
*نص ساعه دي عندنا يا مله من الخرطوم ما بتدخلك بتري
*خليها من بلد لي بلد
*وحقو تعرف انو محمد علي باشا
*لما فكر يغزو السودان
*كان قصدو المال والرجال
*المال وقتها ماكان عندكم لانكم ماكنتوا شئ
*والرجال لو لقاهم في اي حته في الدنيا دي ما كان فتش عليهم في السودان
*وماخاتيه عليكم سعاد الصباح
*لانها امرأة نخله
*لم تخفي اعجابها برجولة وفحولة الرجل السوداني
*ارجع اقرأ للاديبه الكويتيه الرائعه
*عشان تعرف قدر الرجل السوداني يا ……
*ماتخليني اقول ليك ساكت
*بالله شوف زي ده
*والله لو لا اننا بنحترم انفسنا
*كان سمعناك صفقه لمن تعرف حاجه
*وكان ردحنا فيك ردحي …ردحنا فيك ردحي
*نندمك علي اليوم الولدوك فيهو
*ولكن عشان عين نكرم الف عين
*عشان خاطر عيون سعاد الصباح
*نكرم عيون شوهها الرمد وبقت تشوف طشاش زي شوفك ده
*يا…..
*يا مله
*المهم
*نتمني موسم جديد محترم
*فنيا واداريا واعلاميا وجماهيريا
*عشان نتقدم شويه
*عشان نصل منصات التتويج الافريقيه من جديد وجديد
*من جديد ديل نحنا
*وجديد ديل ناس محمد عبدالماجد
*سبعه وتمنين سنه وجديدهم ماشفناهو
*اقول ليك حاجه يا محمد عبدالماجد
*السنه دي حقو تعملوا كاس انابيب
*يمكن ينجح
*اول اعملوا كاس حقن مجهري
*بس ماتتحركوا كتير عشان ما يقع
*حواء الهلال مصره ما تنجب كاس جوي
*افحصوا ليها يا محمد عبدالماجد
*شخصيا بتهمها بالغده
*باقي الغده بتلخبط الهرمونات
*ولخبطت الهرمونات بتعرقل الانجاب
*افحصوا ليها
*لسه سن اليأس بدري
*ولا تقنطوا
*ايها الناس
*ان تنصروا الله ينصركم
*اها
*نجي لي شمارات والي الخرتوم
*ماشفت يا والينا
*امس المطره مانقطت لينا !!!
*مطر في الشتا يجينا
*الله يستر علينا
*من الجانا
*ومن الجايينا
سلك كهربا
ننساك كيف والكلب بعاين لينا ونحنا ندعو …اللهم نزل الدولار من السما وسعر البصل للارض والغاز في السوق يا رب العالمين
والي لقاء
سلك

Admin


الرجوع الى أعلى الصفحة اذهب الى الأسفل

مُشاطرة هذه المقالة على: Excite BookmarksDiggRedditDel.icio.usGoogleLiveSlashdotNetscapeTechnoratiStumbleUponNewsvineFurlYahooSmarking

 
صلاحيات هذا المنتدى:
تستطيع الرد على المواضيع في هذا المنتدى