السبت 2 يوليو 2022 - 18:51
- أيامي الخوالي
عابرة ٤٢
- كلمات وألحان: محمد احمد الحبيب
يا ليالي ..
وينا أيامي الخَوَالي ؟
بِثي لي صوت عابرة مَره ..
حتي لو كان من خِلالي
****
النجوم الفي سكونك
كلهن واقفات قُبالي
وفي الظلام ياهن عيونك
وحدهن دارات بحالي
****
أسأل أوتار الربابة ..
ردهن ترديد سؤالي
وماني عشمان في إجابة
إلا منك يا ليالي
****
شوقي زي الواطي جمرة
لي عيون تمطر لآلئ
لي صفار كاساهو حمرة
لون خدودا البرتقالي
****
كل ماهدلت حمامة
للقديم تنشد رحالي
طال رحيلك يا سلامة
قصدي .. يا ابزيد الهلالي
****
عابرة جرثوم الصبابة
في غيابك ما بيبالي
كلها الآمال مصابة
التقول جوفي إسبتالي
****
في سبيل كل إبتسامة
أبذل المعدوم وغالي
أسال الله .. السلامة
دايماً الأحزان في بالي
****
الخريف الكنا فيهو
وبيهو إخضرت رمالي
مالو روَّوح بي وشيهو ؟
حاولي شان يرجع تعالي
****
يوم رجوعك ياهو عيدي
وأنسي همي وإنشغالي
كل مناي يتحل قيدي
نفسي أفعل ما بدالي
****
يا وطن من قمت تجتر
مُر تلاتة علي التوالي
مرة أحزاب ومره عسكر
ويفصلن حكم إنتقالي
****
الوطن ياعابرة أغلي
مهما تبقي العيشي غالي
وماني دايرك تبقي ذكري
حاولي من فضلك تعالي
- أيامي الخوالي
عابرة ٤٢
- كلمات وألحان: محمد احمد الحبيب
يا ليالي ..
وينا أيامي الخَوَالي ؟
بِثي لي صوت عابرة مَره ..
حتي لو كان من خِلالي
****
النجوم الفي سكونك
كلهن واقفات قُبالي
وفي الظلام ياهن عيونك
وحدهن دارات بحالي
****
أسأل أوتار الربابة ..
ردهن ترديد سؤالي
وماني عشمان في إجابة
إلا منك يا ليالي
****
شوقي زي الواطي جمرة
لي عيون تمطر لآلئ
لي صفار كاساهو حمرة
لون خدودا البرتقالي
****
كل ماهدلت حمامة
للقديم تنشد رحالي
طال رحيلك يا سلامة
قصدي .. يا ابزيد الهلالي
****
عابرة جرثوم الصبابة
في غيابك ما بيبالي
كلها الآمال مصابة
التقول جوفي إسبتالي
****
في سبيل كل إبتسامة
أبذل المعدوم وغالي
أسال الله .. السلامة
دايماً الأحزان في بالي
****
الخريف الكنا فيهو
وبيهو إخضرت رمالي
مالو روَّوح بي وشيهو ؟
حاولي شان يرجع تعالي
****
يوم رجوعك ياهو عيدي
وأنسي همي وإنشغالي
كل مناي يتحل قيدي
نفسي أفعل ما بدالي
****
يا وطن من قمت تجتر
مُر تلاتة علي التوالي
مرة أحزاب ومره عسكر
ويفصلن حكم إنتقالي
****
الوطن ياعابرة أغلي
مهما تبقي العيشي غالي
وماني دايرك تبقي ذكري
حاولي من فضلك تعالي
