تابعونا عبر فيس بوك

قوقل ‏+‏ ‏
Use the English Language

في السلك .. بابكر سلك .. اسحق وعوضية

إرسال مساهمة في موضوع

استعرض الموضوع السابق استعرض الموضوع التالي اذهب الى الأسفل

11122015

مُساهمة 

في السلك .. بابكر سلك .. اسحق وعوضيةn




في السلك
بابكر سلك
اسحق وعوضية

*الموسم الفات مضي بكل مافيه من لذه في الطعم وحدوقه احيانا وبعض المرارات
*مضي في سبيله ككل المواسم التي مضت
*نحنا اولاد النهر ده
*والنهار ده طالع علي موسم جديد
*تعالوا نجعل منه موسما للمحبه
*كل الوان الطيف الرياضي اذا فشلت في حب بعضها البعض
*تعالوا علي الاقل نحترم بعضنا
*ونرفع شعارا يعبر عنا
*حسن الظن هو الغالب
*ايها الناس
*لذة الانتماء في كرة القدم هي ان تداعب المعسكر التاني دوما
*وان يداعبك اصحاب المعسكر ألاخر
*واذا كان حسن الظن متوفرا فينا
*بتبقي مافي مشكله
*لان مايحتاج لتفسير
*سيفسر بحسن نيه
*ايها الناس
*لكل انسان انتماء يفخر به
*ويضع كل امكاناته في خدمة ذلك الكيان
*ولكن ذلك لا يتعارض مع الاعتراف للكيانات الاخري بانجازاتها
*علي الاقل عدم التعرض لانجازات الغير اذا كنت لاتريد ان تعترف بها
*ولكن ان تبخسها فهذا يضعك في ائرة سوء الظن
*ايها الناس
*علاقاتنا باخوتنا الاهله ليست وليدة لحظه ولا جديده
*والتاريخ يشهد بها
*والسؤال الذي يطرح نفسه
*من هو الهلالابي بالنسبه للمريخابي ؟؟؟
*اخ كريم او ابن اخ كريم او خال حنين او عم متين او جد مكين او ابن )ما عاق باي شكل من الاشكال (
*ومن هو المريخابي بالنسبه للهلالابي ؟؟
*اليس هو اخ كريم او ابن اخ كريم او خال حنين او عم متين او جد مكين او ابن عرفها واحسن الاختيار من بدري ؟؟؟
*يبقي كل مواقع الهلالابي بالنسبه للمريخابي
*وكل مواقع المريخابي بالنسبه للهلالابي هي مواقع احترام ونقاط نظام تفترض المحبه والوئام
*علي اقل تقد\ير تفترض الاحترام
*لذا
*ادعوكم جميعا لنرفع شعار للموسم الجديد
*موسم للمحبه
*ونتناكف في براءه
*لان طعم الانجاز لايجري علي اللسان الا اذا جرت علي اللسان عبارات المناكفات البريئه التي تمجد ذلك الانجاز
*تعالوا نجعله موسما للمحبه
*عل منتخبنا يتقدم خطوات في هذا الموسم
*وعسي ان يعود المريخ لمنصات التتويج الافريقيه
*وعسي بل لعل ابو الهل يعرف درب منصات التتويج الافريقيه لاول مره في عمره وتاريخه الطويل
*المهم
*روشا السنه دي اثبت انو اعظم مخرج افلام كاوبوي
*لبس ليك الراجل الكسكته
*وهاك يا برطعه
*بس نسيت الحصان يا روشا
*فيلم كاوبوي بدون حصان
*زي رمضان بدون عصيده
*اما فطومه اختي
*فاثبتت ان عجوبه فعلا خربت سوبا
*ودار ابوك كان خربت يا خالد عزالدين
*شيل ليك منها عود
*ان شاء الله تغني بيهو
*اخي الحبيب رمضان
*ماهو الفرق بين جوهرة رمضان وجوهرة كردنه ؟؟؟
*لكن الحبيب محمد عبدالماجد بعد عدم التجديد لبله جابر
*تاني لالا تكتب لينا كان في ود نفاش
*لابله ولا بوفيه
*وبمناسبة بله جابر
*نأخذ علي مجلسنا عدم احترام تاريخهما
*علي الاقل كان بالامكان تفعيل القرار وتنفيذه بطريق افضل مما كان
*وفي زمن اوسع
*فنحن في المريخ لانرمي اولادنا
*بل نكرمهم ونشكرهم ونستفيد منه خارج الملعب
*دي فاتت عليكم
*وماعليكم يا بله ويا باشا
*ايها الناس
*العضويه العضويه العضويه
*ما دايرين العضويه بالراس ياناس
*دايرين العضويه ام راس
*لانو العضويه بالراس
*ممكن تجيب لينا عوضيه
*وعوضيه طبعا ذلك الازرق المحبوب بين مدرجات المريخ
*لايغيب عن مباراة للمريخ
*ويصر علي مناكفة الجمهور المريخي وهو بينهم
*بل ويحترمه الجمهور المريخي لان حسن الظن غالب
*ولان المناكفات البريئه هي طعم المدرجات الشعبيه
*وده دليل علي انو ممكن براحه نعمل موسم للمحبه
*ومايحدث مع عوضيه علي المدرجات المريخيه
*يحدث مع اسحق اب قرن علي المدرجات الهلاليه
*ولن ننسي الهادي الدابي عليه رحمة الله
*يبقي بافتراض حسن النيه كلنا بنبقي اسحق وعوضيه
*ايها الناس
*لاظهار حسن النيه في موسم المحبه والحنيه
*تعالوا نطلع مسيره تمشي محكمة الملكيه الفكريه
*نتنازل فيها عن كل البلاغات الاطرافها رياضيين
*يلا يا صحاب ويا ارباب ويا كلنا
*مع تبادل الاعتذارات وابداء الاحترامات وتقدير القامات والهامات
*ايها الناس
*ان تنصروا الله ينصركم
*اها
*نجي لي شمارات والي الخرتوم
*كان شفت يا والينا
*اسلام بتي ختتنا انا وعمها وقالت لينا
*انا عرفت شغل اي زول شغال وزير علينا
*وزير الدفاع بدافع عننا يا والينا
*البرشنا باللبن برشو بالدم عشان خاطر عينينا
*ووزير الصحه مسؤل عن توفير الصحه والعافيه لينا
*ووزير الداخليه بدير الامور الامنيه الداخليه لينا
*ووزير التعليم بجي شغلو عشان نتعلم يا والينا
*ووزير الاشغال ماعارفه لكن اظنو عشان يشغلها لينا
*ووزير الطاقه عشان يجيب الكهربا والغاز والبنزين والجاز لينا
*ده وزير ولا تانكر يا والينا
*البت صغيره قدر فهما يا والينا
*وقمنا سألناها عن شغل وزير الماليه لينا
*قالت وزير الماليه شغلتو برفع الدعم ويشيلوهوا يجيبو غيرو يرفع الدعم عنينا
*لازم يرفع الدعم شغلتو غير كده شنو يا والينا !!!!!
سلك كهربا
ننساك كيف والكلب لو في ناس لازين عربيه وقالوا ارفع …..بقول ارفع اي شئ الا الدعم عن المحروقات والمخبوزات والمفروكات الملايقات والافوال المزبطات
والي لقاء
سلك

Admin


الرجوع الى أعلى الصفحة اذهب الى الأسفل

مُشاطرة هذه المقالة على: Excite BookmarksDiggRedditDel.icio.usGoogleLiveSlashdotNetscapeTechnoratiStumbleUponNewsvineFurlYahooSmarking

 
صلاحيات هذا المنتدى:
تستطيع الرد على المواضيع في هذا المنتدى