تابعونا عبر فيس بوك

قوقل ‏+‏ ‏
Use the English Language

في السلك .. بابكر سلك .. يا مسافر جووووووبا

إرسال مساهمة في موضوع

استعرض الموضوع السابق استعرض الموضوع التالي اذهب الى الأسفل

17122015

مُساهمة 

في السلك .. بابكر سلك .. يا مسافر جووووووبا




.
في السلك
بابكر سلك
يا مسافر جووووووبا

.
< قالوا الكاردينال قال
< داير يرد الاعتبار
< فجرح المدينه لسه بنزف
< وكردنه في الكلام لسه بسرف
< تكتك وخطط واتصور
< عملية قرديه لتحويل شيبوب
< شيبوب الموهوب
< سفروهو جوبا عاصمة الجنوب
< وجوبا رائعه
< ورائعة النور الجيلاني يا مسافر جوبا ايضا رائعه
< وشيبوب قونو في اتحاد الجزائر صحيح ورائع
< ما عبرت
< لمن سافر شيبوب جوبا
< البعض تحسر على جمال
< وقالوا غاب جمال ولعب الكاردينال
< وهم ما عارفين انو كاردينال ما بكلفنا جمال
< سوداكال بجيب خبرو
< فيما بين جمال والكاردينال بكري المدينه
< وما بين سوداكال وكاردينال شيبوب
< قلت لي شيبوب كواي القلوب يا روشا؟؟
< قلوبكم دي شدت ما اتكوت
< اتهردت
< تاني ودوها الدراي كلين
< ايها الناس
< اين شيبوب الآن ؟؟؟
< ولماذا سافر جوبا ؟؟؟؟
< وماذا استفاد كردنه من بعث شيبوب لجوبا؟
< وهل قابلت الملكيه جوبا شيبوب؟
< استفادت شنو؟
< وهل عقود الاحتراف الاتوقعت مع بتاعين الرديف طلعت فالصو يا روشا ؟؟؟
< ومن هو شيبوب؟؟؟
< ومن الذي اعطاكم الفكرة دي ؟؟؟؟
< وكم كلفتكم ؟؟؟؟
< اما كان تحويل المال للجوهرة الزرقاء اجدى وانفع؟
< اما كان بالامكان افضل مما كان؟؟؟
< وهل عادت العرجاء لمراحها؟؟؟
< واين مراحها ؟؟؟
< في جوبا ؟؟؟؟
< وكيف عاد شيبوب من الجنوب؟
< ومن الذي قاد الطائرة التي اقلت شيبوب من الجنوب؟
< كل ذلك سنعرفه لاحقاً في الحلقه القادمه التي نستضيف فيها سوداكال وابو جريشه
< ابقوا معنا
< المهم
< كل المعارك يخسرها كردنه
< وحتى تلك التي تدور في غير معترك
< وارى ان يستثمر كردنه في اغنية يا مسافر جوبا
< يعيد انتاجها بفيديو كليب جديد
< يا مسافر جوبا يا مسافر جوبا
< الكاميرا تجيب زول جوه وكالة سفر
< موكب زهور في مهرجان عيد الصبا جوبا
< اوعه تنسي هيييييييييييييي
< اللقطة تكون شيبوب على سلم الطائره
< روعة زهور رونق تلال في مهرجان عيد الصبا
< جووووووووبا
< الكاميرا هنا تجيب لقطة لجوبا يوم الكريسماس من فوق
< جبل لادو كل الشافو ابدا ما نسو
< ويجيبوا صورة جمال الوالي
< لادو كبيييييير
< وتجيب صورة سوداكال
< لادو كبير
< وتجيب ابو جريشه ماشي شايل ورقو
< لادو من امو
< ولما تجي حتت جبل الرجاف
< الكاميرا تجيب لينا روشا وبعدو كردنه وبعدو رمضان
< جنس رجفي هو
< جوبا ييي
< داير روحك تفرحا تنسي همومك روحا
< قوم ودع قوم خلي الخرطوم قوم قوم بارحا
< الكاميرا تجيب كردنه بالكسكته مدنقر وزعلان
< يجيهو زول يرفع ليهو وشو ويرجع الكسكته لي ورا
< وتواصل الاغنيه في نفس المشهد
< روعة سهول رونق تلال خضرة ربا.. جوبا
< موكب زهور في مهرجان عيد الصبا
< جبل الرجاف ده الما بنشاف
< صورة كبيره لشيبوب
< اوعه تنسي هيي سحر الجنوب في يي
< جبل لادو كل الشافو ابدا مانسو
< جبل لادو يكلموك عن روعة ييي
< جبل لادو يحضن التك
< مشهد لشيبوب جوار الجبل
< حلاة لادو تحضن التك
< تلاعب في شجرة البن
< لقطة لفطومه اختي ماسكه فريع البن
< الجبنه يا بنيه
< تقبل جاي تقبل جاي تلاعب في غصين الشاي
< وفطومه تتلفت
< تراقص في جنا الباباي
< وهنا لقطة كبيره لشيبوب كبير بودع من بعيد بكف اليد
< باي باي ....باي باي
< من الليله شيوب اسمو جنا الباباي
< ايها الناس
< ما تدخلوا معانا في درب ضيق
< بتتعوقوا
< ايها الناس
< قلنا ليكم العرجاء لي مراحا
< ايها الناس
< ان تنصروا الله ينصركم
< سيدي حبيبي يا رسول الله
< الف صلاة وسلام عليك
< اها
< نجي لي شمارات والي الخرتوم
< كان شفت يا والينا
< اليومين دي واحد عندنا الموية تجينا او ما تجينا
< يقطع النزله وسنينا
< وكان شفت يا والينا
< في ناس خلت الحمام قبل البرد يجينا
< عشان كده المويه بدون موتور بقت تجينا
< شفعنا يا والينا
< مع البكور الفينا
< يحننوا الصباح ويقطعوا قلوبنا علينا
< الواحد فيهم يقيف في بمبر ويدخل طرف ايدو تحت الماسوره وينفضا يا والينا
< يمسح بيها عيونو الاتنين ويقبل يعاين لينا
< يدخل اصبعو تاني ويمسح سنونو ويجري يلبس لينا
< الواحد تلقاهو اغبااااش يا والينا
< بس حول عيونو وقدومو مبللات مع فنيلة السقط يطلع زي البانده يا والينا
سلك كهربا
ننساك كيف والكلب بردان قال في السقط ده يا فنيلة سقط يا متقولوا لينا قولوا اه ..... واحد في التلاته
وإلى لقاء.
سلك
العرجا لي مراحاتقييم المستخدم: / 0
التفاصيل
نشر بتاريخ الأربعاء, 16 كانون1/ديسمبر 2015 14:44
< ان طال الزمن يا محمد عبد الماجد
< وان قصر الزمن
< خلال الطمنطاشر شهر العرجا لي مراحا
< وشيبون الا تشموهو قدحه
< او يتجنس ويلعب في منتخب دولة جنوب السودان ويريح رقبتو
< لكن لو جا البلد دي زيارة او تجاره
< العرجا لي مراحا
< ايها الناس
< الماده واضحه
< وحتي الحالات التي لا تنص عليها المواد القانونيه
< فإنها اي القواعد والنصوص القانونيه
< تفسر بحسب قصد المشرع وروح القانون
< وروح القانون في الحته دي
< منعت هروب اللاعب الوطني الهاوي من الهروب لدولة اجنبيه بوصفه محترفاً ليعود بكبري لداخل الوطن العزيز
< عشان كده اشترطت عودته لناديه واكمال فترته فيه حال عودته قبل ان يكمل الطمنطاشر شهر
< الا ناديهو يابي
< يعني قصة الاعاره دي بتدخل في الاحتيال على عودته لي ارض الوطن من الاتحاد الاجنبي
< وبتهدر الحق الذي قصد المشرع حمايته
< وهو حق النادي الوطني الذي كان اللاعب مقيداً به بصفة الهوايه
< وحق النادي الوطني هو الأجدر بالحمايه والرعايه
< لذا
< ولكل ذلك
< نلتمس من اهل الشأن تفسير هذه القاعده بما يحقق قصد المشرع
< ومن اسي
< قبل الفاس ما تقع في الراس
< ونبقى في انسحاب جديد
< وخروج على القانون تحت شعار الثوره
< والفرق كبير بين الثوره والفوضى
< الحته دي دايره افتاء من اهل الشأن قوي وواضح وصريح من اسي
< والداير ينسحب من اسي
< ينسحب
< الحته حتة قانون
< والقانون فتر من المجاملات واسقاط العقوبات والترضيات
< حتى لا ندخل بموسمنا الجديد مدخل التفلت الذي ادخلوا فيه الموسم الماضي
< حقو من اسي نوضح الحته دي
< ايها الناس
< القانون يجب ان يسبق الجريمه في التطور
< لأن الجريمه تتطور كل يوم وكل ساعه وكل لحظه
< وحتى نقفل الباب امام من يريد ان يجرم في حق اللوائح والقوانين الرياضيه
< حقو نفسر ما سكت عنه القانون لفظاً ونرده لما قصده روحاً
< عشان بعدين ما يقولوا لينا وينو النص
< المهم
< شيبون لن ينقص المريخ شيئاً
< ولن يضيف للهلال شيئاً
< يلعب في ملكيتو
< ولما يزهج يعتزل
< تاني كورة في البلد دي يا شيبون
< الا في البلي استيشن
< مهرجانات ساااااي
< المهم
< لسه 2870 لم يحقق لنا اهدافنا
< همتكم يا شفوت
< العشره جنيه علبة سجاير ما بتجيبها
< هي بتسوي شنو العشره الف
< ياخ ولد اخوي الصغير
< عمرو تلاته سنين
< اديتو عشره الف
< رماها في الواطه
< قال لي دايل الفيها بتله
< قصدو.. داير الفيها بقره
< والفيها بقره طبعا الخمسين
< قلت ليهو الفيها بتله قايلها بتسوي شئ يا حمودي؟!
< والله البقر كلو ما بسوي شيء
< يا حليلك
< ما حضرت الفيها جمل
< الفيها جمل كانت بتجيب تلاته دولار ونص يا حمودي
< وكان عندنا سينما
< وكان عندنا مواسم مسرحية
< وكان عندنا تبادل ثقافي
< كان بجونا في المهرجانات الحبش يفتو ويحتو
< وكان بجونا الكوريين
< انت قايل يا حمودي الكوريين ديل ظهروا مع الاتوز؟
< ابدا يا ولدي
< ديل ظهروا مع مهرجان الموسيقى والتفاعلات الثقافيه
< وكان شفت يا حمودي
< ام كلثوم جاتنا في البلد دي
< عملت حفله في المسرح القومي
< علي الطلاق
< وعملت لقاء في التلفزيون
< استضافها علي شمو
< وكان بجينا الملك فيصل وجمال عبد الناصر
< وجانا نيلسون مانديلا
< الوكت داك ما كان عندو جواز سفر يا حمودي
< استقبلناهو واديناهو جواز سفر دبلوماسي سوداني
< ياخ كارتر جانا
< لأننا كنا ما بنمشي لي ناس ما بجونا.. كنا كده يا حمودي
< كنا منظمين
< المطر في مواعيدو والمدرسه شهر سبعه
< القطر تزبط عليهو ساعتك
< كان عندنا قطر يا حمودي
< قاطعني وقال لي
< الكتل ده شنو؟
< قلت ليهو يا هو الكتل يا ولدي
< الكتل القطر منو؟
< القطر يا حمودي البجيبوهو في »زي افلام« وفي »ام بي سي بوليوود« و »زي الوان«
< البجي جاري ويقول تووووووت
< كان عندنا يا حمودي
< يجري حلفا ويجري كريمه ويجري عطبره ويجري الابيض ويجري بابنوسه ويمشي واو يا حمودي
< قال لي
< ضيعتوهو ليه يا عمو؟
< قلت ليهو ضيعناهو نحنا يا ولدي؟
< قال لي الضيعو منو يا عمو؟
< قلت ليهو ضاع براهو
< الولد ده ما داير يجيبها البر خلي بالك
< قال لي والجمل مرقتوهو من القروش ليه؟
< قلت ليهو من مرق يا حمودي روحنا مرقت معاهو
< من مرق من جنيهنا كوادرنا مرقت من البلد
< قام قال لي انتوا كعبين يا عمو
< قلت ليهو كعبين نحنا؟
< عينيك للفيل يا حمودي تطعن في عمو؟؟!!
< هيييي وهيييي وتاني هييييي
< ما تخلينا ندق الصفايح ونمرق الفضايح يا حمودي
< والله نحنا كان قمنا
< والله نفتو فت
< والزمن ده شعارو الشمار انا جبتو وانا ستو وانا قتتتتتتتتو
< قال لي والشمار ده بتضروهو متين؟!
< ايها الناس
< ان تنصروا الله ينصركم
< فتوهو
< اها
< نجي لي شمارات والي الخرتوم
< كان شفت يا والينا
< جنيهنا كان بجيب لينا ويجيب لينا
< اكياس تملي ايدينا
< اسي نملي بالجنيهات اكياس
< ونرجع مدلدلين ايدنا
< جنَّ الجنيه يا والينا
< ولا نحنا الجنينا !!!!
سلك كهربا
ننساك كيف والكلب لما يشوف الجنيه ببكي.. قرب يفرش والله العظيم.
وإلى لقاء
سلك

Admin


الرجوع الى أعلى الصفحة اذهب الى الأسفل

مُشاطرة هذه المقالة على: Excite BookmarksDiggRedditDel.icio.usGoogleLiveSlashdotNetscapeTechnoratiStumbleUponNewsvineFurlYahooSmarking

 
صلاحيات هذا المنتدى:
تستطيع الرد على المواضيع في هذا المنتدى