تابعونا عبر فيس بوك

قوقل ‏+‏ ‏
Use the English Language

في السلك .. بابكر سلك .. حرامي القلوب تلب

إرسال مساهمة في موضوع

استعرض الموضوع السابق استعرض الموضوع التالي اذهب الى الأسفل

18122015

مُساهمة 

في السلك .. بابكر سلك .. حرامي القلوب تلب




في السلك
بابكر سلك
حرامي القلوب تلب

.
*تلب
*بفتح التاء
*مافي زول يقراها بي تاء مكسوره
*تلب
*تختلف عن نطه
*لان تلب بكون متلب من فوق لي تحت
*ونطه بكون ناطي من تحت لي فوق
*يعني الاتجاه بورينا الزول تلب ولا نطه
*شيبوب تلب
*لكن بكري نطه
*بكري وقع علي العقد ونطه
*وشيبوب وقع علي الورقه وتلب
*والوك الجابو كرتو لاوقع علي العقد ولا علي الورقه وطار
*يبقي ورقة ورقة كردنه لابتمنع التليب ولا بتمنع النط ولا بتمنع الطيران
*وصدق من قال ان بيت كردنه هو اضمن غرفة لتسجيلات المريخ
*شيبوب حرامي القلوب
*تلب
*تولوبوت
*تلب في واطات الله دي
*تلب قال انكسر ولا انجبر
*البجبرني شنو
*المهم
*اعجبتني تشكيلة الهلال للموسم الجديد
*رسلها لي الاستاذ ابراهيم المحامي
*قال التشكيله الهلاليه للموسم الجديد تتكون من
*مكسيم في حراسة المرمي
*بويا واتير ومساوي )بعد الايقاف( وسيسيه في الدفاع
*الشغيل بشه )كرت الوك ( )جواز شيبون ( في الوسط
*كاريكا و )عقد بكري المدينه( في الهجوم
*اجمل تشكيله
*المعسكر الاعدادي في صالون كردنه
*محنتونا يا فطومه
*المهم
*حرامي القلوب تلب
*وكردنه اتمقلب
*محمد عبدالماجد لما يحتجب
*تاني مابكتب لينا عن عثمان حسين
*حايكتب لينا عن النور الجيلاني
*يامسافر جوبا
*لازم تبدأ بيها يا حمودي
*جنا الباباي انت قايلو منو ؟؟؟
*شيبوب يا فرده
*ايها الناس
*كردنه داير يبيع المويه في حارة السقايين
*معقوله تودي حرامي القلوب جوبا ؟؟؟
*ياخ الجنوب ده كلو ارضا وشعبا مريخاب
*ياخ جون قرنق يوم اوقف اطلاق النار عشان المريخ لاعب في كمبالا
*ساق جيشو ومشوا الكورة شجعوا المريخ
*ياخ رياك مشار قال اول يوم يقابل فيهو سفير السودان كان في كورة المريخ في كينيا
*تبيع المويه في حارة السقايين يا كردنه
*معقوله
*لكن في الامر درس كبير وخطير
*عشان الناس تفهم
*لو دايرين كسكتة كردنه بنشيلها من راسو بدون يشعر
*نخليهو ماشي وقايل روحو لابس كسكته
*عمك فرعون برضك كان قايل روحو لابس
*ناس هامان ديل خطرين يا فرعون اقصد يا كردون
*علي هامان يا فرعون !!!!
*علي هامان يا مان ؟؟؟؟؟
*المهم
*ربيكا قرنق قالوا قامت بي دور كبير في عملية )يتلبون (
*وتكريما لها اديناها عضويه في حفيدات سيده فرح
*المهم
*الفيس مليان تعبيرات للاهله الشرفاء
*في احد التعابير مكتوب
*فوت مننا وسوق الناطقه صورك كلها فوتوشوب ما صادقه
*مادايرين جوهرة فوت اخير لينا المقبره
*الشفوت جهجهوك مسكوك كرت الوك
*وهتافات وشعارات كتييييره
*زي
*مادايرين عقود مغشوشه فوت ومعاك فطومه وروشا
*لكن فطومه ادوها الحبوب ياروشا
*ماتنسوا
*كان فوتوا حبه
*الا تعيدوا ليها الكورس من جديد
*واتبلعي
*ايها الناس
*21 ديسمبر
*يوم المهرجان
*مهرجان زي المهرجان
*استقبال الجدد واعلان ضربة البدايه
*الفقرات شيقه
*منتخب شيبوب تلوب
*ضد منتخب بكري شقلوب
*انا غايتو بشجع حرامي القلوب
*وغناء وتكريم وابداعات
*المهرجان بي تذاكر
*دايرين ياشفوت ندفع حق المعسكر من دخل المهرجان
*ودايرين نسدد حقوق الجهاز الفني والاجانب
*من داخل المهرجان
*عندنا فقره اسمها ساعة الصفر
*في زمن محدد
*علي كل الشفوت
*في الاستاد وخارج الاستاد
*في كل الشبكات
*ان يحولوا علي 2870
*البجي نحولوا دولار نحاسب بيهو الاجانب
*ودخل المهرجان زي ماقلت ليكم للمعسكر الاعدادي
*ساهموا يا شفوت
*ربيكا ادتنا عربيتين عشان نزوغ بيها شيبوب حرامي القلوب
*يبقي نساهم زي ربيكا
*ونسجل رقم قياسي جديد في الدخل
*اصلنا برانا من يسجل الارقام القياسيه
*وبرانا من يحطم الارقام القياسيه السجلناها
*عشان برانا بنسجل الارقام القياسيه الجديده
*مابوصوكم يا شفوت
*فطومه
*الحبه ما تنسيها
*صحتك بتهمنا شدييييييييييد
*لكن ماتبلعيها جعانه
*قبل تبلعيها البعي ليك لقيماته لقيماتين
*لكن بصراحه الاهله حيرونا
*شالوا كرت الوك وخلو الوك حايم
*وما استفادوا
*قاموا ختوا شيبوب في الطابق التالت وقعدوا مع ست الشاي جمب الفندق
*بقت عليهم اتنين
*هروب شيبوب وحساب الفندق وكبابي ميري ست الشاي في الجنوب
*الحبوب يا فطومه
*ماتنسي
*ايها الناس
*ان تنصروا الله ينصركم
*اها
*نجي لي شمارات والي الخرتوم
*امس حلمان يا ولينا
*رفعتوا المعاناه من علينا
*رفعتوها فووووووق وتاني رميتوها علينا
*ونحنا ساكتين من الفينا
*المهم لما تاني رميتوها علينا
*احتجت المعاناه يا والينا
*ما نحنا الاحتجينا
سلك كهربا
ننساك كيف والكلب غلبو يضربها كلو كلو ,,برميل بي تلتين وجالون بي كم وعشرين ,,,هزهز ضنبو وشمشم الحجر وقام جااااري !!!!!!
والي لقاء
سلك

Admin


الرجوع الى أعلى الصفحة اذهب الى الأسفل

مُشاطرة هذه المقالة على: Excite BookmarksDiggRedditDel.icio.usGoogleLiveSlashdotNetscapeTechnoratiStumbleUponNewsvineFurlYahooSmarking

 
صلاحيات هذا المنتدى:
تستطيع الرد على المواضيع في هذا المنتدى