في السلك .. بابكر سلك .. نقلة ونقلتين

إرسال مساهمة في موضوع

استعرض الموضوع السابق استعرض الموضوع التالي اذهب الى الأسفل

19122015

مُساهمة 

في السلك .. بابكر سلك .. نقلة ونقلتين





.
في السلك
بابكر سلك
نقلة ونقلتين

< موضوع شيبوب ده مضحك شديد
< وانا شخصياً بضحكني اكتر من باقي الناس
< الاهله اشتغلوا شغل كبير في تحويل مسار الولد
< لكن خشمهم خفيف
< قبل ما تتم عملية شيبوب
< ملوا ليك الواتس صور شيبون والكسكته
< وشيبوب والعمه
< وشيبوب واقف
< وشيبوب قاعد
< وشيبوب في سلم الطياره
< وشيبوب جوه الطياره
< وشيبوب في جوبا
< يعني ورونا دايرين يعملوا شنو
< ومودنو وين
< وحايجيبوهوا كيف
< مفروض يتموا الشغل اول
< وبعدين يصرحوا ويفرحوا
< لكن سنه اولي جوهره بوظت الشغل
< ذكروني نقله ونقلتين
< نقله راجل
< معرس نقلتين
< العوارة كاتلاهم
< والبخل اسكت بس
< اها
< قال ليك يوم نقله ونقلتين ضبحوا
< ودخلوا اللحمه جوه وقطعوها
< زول سمع بالضبيحه مافي
< الجيران ما ادوهم كوم
< اها
< جاهم خبر موت في القريه الجمبهم
< ما عرفوا يعملوا شنو في اللحمه
< اخيرا وصلوا لوضع اللحم في برمه
< ودفنها في الراكوبه
< وقفلوا باب الشارع
< وحفروا حفرة ختوا فيها المفتاح ودفنوها
< ومشوا
< اي زول يقول ليهم ماشين وين يا نقله ونقلتين
< يقولوا ليهو بصوت واحد
< لا عندنا بكا ولا مسافرين
< ولا ضبحنا ولاختينا اللحم في البرمه ودفناهو في الراكوبه
< ولا قفلنا باب الشارع بالمفتاح ولاختينا المتاح في حفرة في خشم الباب
< تاني يقابلهم زول
< علي وين يا نقله ونقلتين
< وبي صوت واحد
< لاعندنا بكا ولا مسافرين
< ولا ضبحنا ولا ختينا اللحم في البرمه ودفناهو في الراكوبه
< ولا قفلنا باب الشارع بالمفتاح ولا ختينا المفتاح في حفره في خشم الباب
< وهكذا البلد كلها عرفت بالضبيحه والبرمه ومكان المفتاح والسفر
< ناس الحله دخلوا البيت واكلوا الشيات والنيات ودفنوا ليهم البرمه محل المفتاح والمفتاح محل البرمه
< ديل نقله ونقلتين
< اها
< قابلنا نقله ونقلتين بتاعين العصر ده
< علي وين يا نقله ونقلتين
< قالوا لا سايقين شيبوب ولا مودنو الملكيه كمحترف ولا جايبنو اعاره ولا مسافرين الليله
< البلد كلها شافت شيبوب في الطياره وفي نادي الملكيه وفي الفندق وفي بيت كردنه
< ودخلنا شلنا شيبوب وخلينا البرمه مع المفتاح جمب باب الملكيه
< وناس نقله في البكا
< هو جنس بكا
< سنه اولى نقله يا نقلتين
< نقله عرفناهو لكن نقلتين منو يا اختي؟
< ايها الناس
< يوم 21/12/2015م يوم المهرجان
< ونكررها
< دايرين من دخل المهرجان نسدد تكلفة المعسكر الاعدادي
< ودايرين في ساعة الصفر نحول رصيد يتحول دولار نحاسب بيهو الاجانب
< نحنا كتار ما شاء الله
< اي زول فينا يساهم
< نتملي قروش لمن نقول بس
< المهرجان فرض عين على الموجودين داخل الخرطوم والمدن المجاوره
< وتحويل الرصيد فرض عين على اي مريخابي داخل السودان
< همتكم يا شفوت
< المهم
< نقله في محاولة لاحداث نقله ولكن!!
< ايها الناس
< العضويه ماشه تمام
< لكن بنحلم بي عدد اكبر
< عضويه ام رأس ما تنسوا
< العضويه بالرأس كتر خيركم ما دايرنكم
< ايها الناس
< ان تنصروا الله ينصركم
< اها
< نجي لي شمارات والي الخرتوم
< والينا
< المولد دخل علينا
< يا ناس المولد يقسطوا لينا
< يا تمويل اصغر للحلاوه تدينا
< يا نضطر نقول المولد بدعه ما بتعنينا
< عشان نزوغ من الشفع يا والينا
سلك كهربا
ننساك كيف والكلب دق يدا بيد وامطر لؤلؤا من نرجس وسقي انيابا ما لاكت ليها سنين
والى لقاء.
سلك
حرامي القلوب تلبتقييم المستخدم: / 0
التفاصيل
نشر بتاريخ الجمعة, 18 كانون1/ديسمبر 2015 15:32
< تلب
< بفتح التاء
< مافي زول يقراها بي تاء مكسوره
< تلب
< تختلف عن نطه
< لان تلب بكون متلب من فوق لي تحت
< ونطه بكون ناطي من تحت لي فوق
< يعني الاتجاه بورينا الزول تلب ولا نطه
< شيبوب تلب
< لكن بكري نطه
< بكري وقع على العقد ونطه
< وشيبوب وقع على الورقه وتلب
< وألوك الجابو كرتو لا وقع على العقد ولا على الورقه وطار
< يبقى ورقة ورقة كردنه لا بتمنع التليب ولا بتمنع النط ولا بتمنع الطيران
< وصدق من قال ان بيت كردنه هو اضمن غرفة لتسجيلات المريخ
< شيبوب حرامي القلوب
< تلب
< تولوبوت
< تلب في واطات الله دي
< تلب قال انكسر ولا انجبر
< البجبرني شنو
< المهم
< اعجبتني تشكيلة الهلال للموسم الجديد
< رسلها لي الاستاذ ابراهيم المحامي
< قال التشكيله الهلاليه للموسم الجديد تتكون من
< مكسيم في حراسة المرمى
< بويا وأتير ومساوي »بعد الايقاف« وسيسيه في الدفاع
< الشغيل، بشة »كرت ألوك« »جواز شيبوب« في الوسط
< كاريكا و »عقد بكري المدينه« في الهجوم
< اجمل تشكيله
< المعسكر الاعدادي في صالون كردنه
< محنتونا يا فطومه
< المهم
< حرامي القلوب تلب
< وكردنه اتمقلب
< محمد عبد الماجد لما يحتجب
< تاني ما بكتب لينا عن عثمان حسين
< حا يكتب لينا عن النور الجيلاني
< يا مسافر جوبا
< لازم تبدأ بيها يا حمودي
< جنا الباباي انت قايلو منو ؟؟؟
< شيبوب يا فرده
< ايها الناس
< كردنه داير يبيع المويه في حارة السقايين
< معقوله تودي حرامي القلوب جوبا ؟؟؟
< ياخ الجنوب ده كلو ارضا وشعبا مريخاب
< ياخ جون قرنق يوم اوقف اطلاق النار عشان المريخ لاعب في كمبالا
< ساق جيشو ومشوا الكورة شجعوا المريخ
< ياخ رياك مشار قال اول يوم يقابل فيهو سفير السودان كان في كورة المريخ في كينيا
< تبيع المويه في حارة السقايين يا كردنه
< معقوله
< لكن في الأمر درس كبير وخطير
< عشان الناس تفهم
< لو دايرين كسكتة كردنه بنشيلها من راسو بدون يشعر
< نخليهو ماشي وقايل روحو لابس كسكته
< عمك فرعون برضك كان قايل روحو لابس
< ناس هامان ديل خطرين يا فرعون اقصد يا كردون
< على هامان يا فرعون !!!!
< على هامان يا مان؟
< المهم
< ربيكا قرنق قالوا قامت بي دور كبير في عملية »يتلبون«
< وتكريماً لها اديناها عضويه في حفيدات سيده فرح
< المهم
< الفيس مليان تعبيرات للاهله الشرفاء
< في احد التعابير مكتوب
< فوت مننا وسوق الناطقه صورك كلها فوتوشوب ما صادقه
< مادايرين جوهرة فوت اخير لينا المقبره
< الشفوت جهجهوك مسكوك كرت الوك
< وهتافات وشعارات كتييييره
< زي
< ما دايرين عقود مغشوشه فوت ومعاك فطومه وروشا
< لكن فطومه ادوها الحبوب يا روشا
< ما تنسوا
< كان فوتوا حبه
< الا تعيدوا ليها الكورس من جديد
< واتبلعي
< ايها الناس
< 21 ديسمبر
< يوم المهرجان
< مهرجان زي المهرجان
< استقبال الجدد واعلان ضربة البدايه
< الفقرات شيقه
< منتخب شيبوب تلوب
< ضد منتخب بكري شقلوب
< انا غايتو بشجع حرامي القلوب
< وغناء وتكريم وابداعات
< المهرجان بي تذاكر
< دايرين يا شفوت ندفع حق المعسكر من دخل المهرجان
< ودايرين نسدد حقوق الجهاز الفني والاجانب
< من داخل المهرجان
< عندنا فقره اسمها ساعة الصفر
< في زمن محدد
< على كل الشفوت
< في الاستاد وخارج الاستاد
< في كل الشبكات
< ان يحولوا على 2870
< البجي نحولوا دولار نحاسب بيهو الاجانب
< ودخل المهرجان زي ما قلت ليكم للمعسكر الاعدادي
< ساهموا يا شفوت
< ربيكا ادتنا عربيتين عشان نزوغ بيها شيبوب حرامي القلوب
< يبقي نساهم زي ربيكا
< ونسجل رقم قياسي جديد في الدخل
< اصلنا برانا من يسجل الارقام القياسيه
< وبرانا من يحطم الارقام القياسيه السجلناها
< عشان برانا بنسجل الارقام القياسيه الجديده
< ما بوصوكم يا شفوت
< فطومه
< الحبه ما تنسيها
< صحتك بتهمنا شدييييييييييد
< لكن ما تبلعيها جعانه
< قبل تبلعيها البعي ليك لقيماته لقيماتين
< لكن بصراحه الاهله حيرونا
< شالوا كرت الوك وخلو الوك حايم
< وما استفادوا
< قاموا ختوا شيبوب في الطابق التالت وقعدوا مع ست الشاي جمب الفندق
< بقت عليهم اتنين
< هروب شيبوب وحساب الفندق وكبابي ميري ست الشاي في الجنوب
< الحبوب يا فطومه
< ما تنسي
< ايها الناس
< ان تنصروا الله ينصركم
< اها
< نجي لي شمارات والي الخرتوم
< امس حلمان يا ولينا
< رفعتوا المعاناه من علينا
< رفعتوها فووووووق وتاني رميتوها علينا
< ونحنا ساكتين من الفينا
< المهم لما تاني رميتوها علينا
< احتجت المعاناه يا والينا
< ما نحنا الاحتجينا
سلك كهربا
ننساك كيف والكلب غلبو يضربها كلو كلو.. برميل بي تلتين وجالون بي كم وعشرين.. هزهز ضنبو وشمشم الحجر وقام جااااري!!
وإلى لقاء.
سلك

Admin


الرجوع الى أعلى الصفحة اذهب الى الأسفل

مُشاطرة هذه المقالة على: Excite BookmarksDiggRedditDel.icio.usGoogleLiveSlashdotNetscapeTechnoratiStumbleUponNewsvineFurlYahooSmarking

 
صلاحيات هذا المنتدى:
تستطيع الرد على المواضيع في هذا المنتدى