تابعونا عبر فيس بوك

قوقل ‏+‏ ‏
Use the English Language

الباب البجيب الريح .. د.عادل الصادق المكي ..في السترة أجر

إرسال مساهمة في موضوع

استعرض الموضوع السابق استعرض الموضوع التالي اذهب الى الأسفل

21122015

مُساهمة 

الباب البجيب الريح .. د.عادل الصادق المكي ..في السترة أجر





.
الباب البجيب الريح
د.عادل الصادق المكي
في السترة أجر


الحديبة نيوز
.

الإعلام الحديث.. بعيد عن الإعلام التلقيدي الجرايد والرادي والتلفزيون.. وونسة الأركان.. ظهر الإعلام الحديث غصبا عننا.. ثورة المعلومات.. والمعلومات فيها الضار وفيها النافع.. فيها السمح وفيها الكعب.. زيها وزي أي حاجة.. معضلة الإعلام الحديث صعوبة السيطرة عليه.. وسرعة انتشاره.. وتحت يد كل من هبّ ودبّ.. أي زول يمتلك وسيلة إعلامية شايلة وحايم بيها.. وينتج ويخرج الداير ينتجو ويخرجو ويبثو.. معظم الناس تلوم الوسال التلقيدية لو في نصيبة حصلت.. ويقومو عليهم.. ويضعو ليهم القنوانين.. والحدود.. والخطوط من الأخضر صعودا حتى الأحمر.. وناسين انو ديل ولا تريعة في محيطات الإعلام الحديث.. اليجيك وما تعرفو جاي من منو؟.. واللا داير شنو؟.. المهم معلومة تصلك.. وتأثر فيك سلبا او إيجابا.. وخطورة أخرى للاعلام الحديث المبني على التكنلوجيا الحديثة.. إنو عرضة للاختراق.. من أي مغامر.. حتى لو كان في الواق واق.. يخترق حسابك في أي برنامج وأي وسيلة من أجهزة موبايل وكمبيوترات.. ويستولى علي هويتك.. ويبرطع باسمك.. ويقولك الما قلتو.. ويسوي الما سويتو.. وانت بي جاي تجهجه.. وتقعد ترسل في الرسائل للناس البي يهموك.. والعارف لهم طريقة.. أما الما عارف لهم طريقة ديك يعوضك صاحب العوض.. حالك اتشال.. وبقيت زول كعب في نظرهم وابن ستين فتلة.. وانت مسكين الغنماية تاكل عشاك.. دا لو ما الغنماية زاتا ورطها الهكر معاك في النصيبة.. فتصبح زول سيئ بالمستندات.. دا اسمك ودا رقم تلفونك.. ودا حسابك القاعد تتونس مع الناس بيهو.. تاني لو بلعت مصحف مافي زول ح يصدقك.. يقربو يصدقوك واحد يقول" الغريبة يا جماعة الزول دا ما كدي.. زول بعرفو معرفة لصيقة"، ويستدرك ويقول "لكن البني دا حليلك منو.. يظهر بي صورة وهو جواهو صورة تانية.. شوف دا حسي.. تاني رقبتو ويتمسكّن.. اتاريهو موية من تحت تبن.. وياما تحت السواهي دواهي", وانت مسكين ما تقدر تفتح خشمك بي كلمة حتى ان قلت دا هكر واحد في سرو يعاين لك ويقول لك "هكر؟.. هكر بتاع حنانك.. تلقاك دا انت زااااااتك.. بس عاوز تتخارج منها.. لكن علي منو؟.. نحن تفتيحة يا فردة"..
حزنت جدا وأنا أتصفح بعض الصحف وبعض مواقع النت.. لما تعرض له شخص مسؤول من تشهير.. بشع.. فظيع.. حيث تقول الوقاع إنه تم القبض عليه في منطقة خلوية بمعية سيدة متزوجة ولها أبناء في الجامعات وهم يمارسون الفاحشة.. وبعض المواقع جابت صورتو عديل!! شيء مؤسف.. نعم هو قد أخطأ.. وتم القبض عليه.. وح يحاكم.. التشهير لزومو شنو؟ والناس الشهرو بيهو ما وضعو في الاعتبار اي اطراف تانية من أهل وأقرباء وأبناء وبنات وإخوان.. تصيبهم الأذية في صمة خشومهم.. لا اعتقد أن المقصود لكي يكون عبرة لمن اعتبر بقدر ما اقرأ في الموضوع تصفية حسابات.. واغتيال شخصية.. واغتيال اسر بأكلمها.. أيضا الطرف الآخر )السيدة( لها أبناء في الجامعات.. ح يكون موقفهم شنو؟.. ذنبهم شنو؟.. أن يتعرضوا لعقاب نفسي قاس في شيء لا يد لهم فيه.. غايتو من سرب هذا الخبر وبهذه الطريقة القاتلة المدمرة دمار شامل قد أخطأ خطأ أكبر من خطأ الاختلاء في خلوة الخلاء!!

Admin


الرجوع الى أعلى الصفحة اذهب الى الأسفل

مُشاطرة هذه المقالة على: Excite BookmarksDiggRedditDel.icio.usGoogleLiveSlashdotNetscapeTechnoratiStumbleUponNewsvineFurlYahooSmarking

 
صلاحيات هذا المنتدى:
تستطيع الرد على المواضيع في هذا المنتدى