تابعونا عبر فيس بوك

قوقل ‏+‏ ‏
Use the English Language

في السلك .. بابكر سلك ..الموز عفن يا شيبوب

إرسال مساهمة في موضوع

استعرض الموضوع السابق استعرض الموضوع التالي اذهب الى الأسفل

22122015

مُساهمة 

في السلك .. بابكر سلك ..الموز عفن يا شيبوبn




في السلك
بابكر سلك
الموز عفن يا شيبوب
الحديبة نيوز
.
*امس كان مهرجان الزعيم
*بسم الله ابتدينا
*بدأ موسمنا
*ونسأل الله التوفيق فيه
*برغم ضعف الحضور الجماهيري
*عيب يا شفوت
*المحريه فيكم اكبر من كده
*ولعل ادارة المهرجان قد اخطأت التقدير حينما نقلته علي الهواء
*القصه كسلت الناس بالذات مع السقط ده والسخانه دي
*سقط الجو وسخانة الجيب
*ولكن كان لهم اجر الاجتهاد
*وحسن التنظيم
*ونرفع لهم القبعات
*المهم
*كلنا تابعنا قصة شيبوب
*ده حالتو شيبوب
*امال لو كان عنتر كان حصل شنو !!!!!
*ايها الناس
*الراي عندي ان مجلسنا قصر قصور كبير
*بل لم يحترم حتي المجهود الذي قام به الناس من اجل اعادة اللاعب
*لكن السؤال
*سوداكال قعد مرتين مع شيبوب
*مرة بعد عودتو بالليل
*ومره بالصباح في بيت ونسي
*نتيجة القعده كانت شنو يا سوداكال ؟؟؟
*يعني نطلع بانو البقعد مع سوداكال بقوم ؟؟؟؟
*والسؤال لونسي
*هل صحيح انكم يا سعادتكم رفضتم اصطحاب اللاعب لمنزل جمال ؟؟؟
*ان كانت الاجابه بنعم
*ليه ؟؟؟
*وان كانت الاجابه بلا
*طالما انكم موظفين مفلسين ما وديتوهوا ليه ؟؟؟؟
*كده ليه
*وكده ليه يا ونسي
*ايها الناس
*ماهي ضمانات شيبوب ؟؟؟؟
*ان تتفق مع زول شفاهة
*ده كوم
*وان تقوم بتنفيذ ذلك الاتفاق بكل ضمانات حقوقك ده كوم تاني
*البضمن شيبوب شنو ان يتم تنفيذ الالتزام شهر سته ؟؟؟
*ده من ناحيه
*من ناحيه تانيه
*اذا حدث لشيبوب اصابة لا سمح الله
*هل سيمضي من اتفق مع شيبوب في اتفاقهم ؟؟؟
*ده من ناحيه تانيه
*ايها الناس
*المريخ وشيبوب والهلال
*تلاته اطراف في القضيه
*الموقف الوحيد القوي هو موقف المريخ
*لان اللاعب في كشوفاته لسه
*ولكن حقيقة
*الخاسر الاول والاخير شيبوب
*وماحدث لشيبوب حدث من قبل مع والي الدين القضارف
*تدخل الهلال كتل موهبة والي القضارف
*وهاهو نفس التدخل يقتل موهبة لاعب اسمه شيبوب
*شيبوب ضحيه
*والضباح هو مرجعية شيبوب
*الشخص الذي يثق فيه شيبوب
*ويوجه شيبوب بالرموت
*وداعا شيبوب
*دنيا الكرة تودعك
*ولكنه درس لمن يأتي بعدك
*ايها الناس
*شيبوب موهوب
*ولكنه ليس فلته من فلتات الزمان
*لانه لو كان كذلك لما هبطت المورده وهو الاساسي في تشكيلتها
*ولو كان كذلك لما انهزم منتخبنا الشاب في الابيض من نظيره التونسي وشيبوب لاعب
*وشيبوب كثير الاعطاب
*ارجعوا لمسيرته القصيره مع المريخ
*يبقي الولد جني علي نفسه
*والرموت لخبط الشاشه الغشاشه يا شيبوب
*المهم
*قصة شيبوب دي ذكرتني بتاع الموز
*شيبوب يا بتاع الموز
*الموز عفن يا شبوب
*بتاع الموز الصباح يقول ليك الكيلو بي تمنيه الف
*تقول ليهو اديني اتنين بي خمسطاشر
*يخت يدو في الواطه ويتنفض
*ويرفض تخفيض الجنيه في اتنين كيلو
*الضهر بقول الكيلو بي سته
*العصر يكورك
*بي خمسه الموز يا مواطن
*المغرب بالصوت العالي
*اتنين بي خمسه يا مواطنين
*تلاته بي الخمسه يا الخليتو الاكل
*والعشا
*الموز عفن يا شيبوب
*ماحدش عاوز
*المهم
*واحد شفت لذيذ
*قال لي الجماعه ديل لازم يتموا التلاته شهور ؟
*قلت ليهو لازم
*قال لي كان يقولوا الغرامه مية مليون او التلاته شهور دي
*عشان نتخاتت المية مليون وندفعها ليهم يتخارجوا مننا
*اسي كده كويس يا ونسي ؟؟؟
*ايها الناس
*ان تنصروا الله ينصركم
*اها
*نجي لي شمارات والي الخرتوم
*كان شفت يا والينا
*المويه رااااقده لدينا
*بقت قويه تجينا
*وباااااارده يا والينا
*مافي طريقه في الصيف تجيبوها لينا
*او تغيروا لينا الشتاء الفينا
*عشان نستمتع بجيتها وبرودتها يا والينا
سلك كهربا
ننساك كيف والكلب بقي مابمرق الشارع ….بردان ياخ
والي لقاء
سلك

Admin


الرجوع الى أعلى الصفحة اذهب الى الأسفل

مُشاطرة هذه المقالة على: Excite BookmarksDiggRedditDel.icio.usGoogleLiveSlashdotNetscapeTechnoratiStumbleUponNewsvineFurlYahooSmarking

 
صلاحيات هذا المنتدى:
تستطيع الرد على المواضيع في هذا المنتدى