المواضيع الأخيرة
» عناوين الصحف السودانية الصادرة اليوم الخميس 21 يونيو 2018
الخميس 21 يونيو 2018 - 9:07 من طرف Admin

» عناوين الصحف الرياضية الصادرة اليوم الخميس 21 يونيو 2018
الخميس 21 يونيو 2018 - 9:07 من طرف Admin

» الصراخ يبدأ - اخر الليل ‏‏‏‏إسحق احمد فضل الله
الأحد 15 أبريل 2018 - 20:59 من طرف Admin

» ورونا شطارتكم !
الأحد 15 أبريل 2018 - 11:40 من طرف Admin

» العودة لهذه البدائل
الأحد 15 أبريل 2018 - 11:40 من طرف Admin

» عُذرا أيها الحمير !!
الأحد 15 أبريل 2018 - 11:39 من طرف Admin

» ‏‏‏‏أكثر من عبور.. افتتاح جسر النيل الأزرق
الجمعة 13 أبريل 2018 - 21:31 من طرف Admin

» شكرا أخوات بصمة
الجمعة 13 أبريل 2018 - 21:31 من طرف Admin

تابعونا عبر فيس بوك

قوقل ‏+‏ ‏
Use the English Language
شارك
احدث الملفات بالموقع

الباب البجيب الريح .. د.عادل الصادق المكي .. الزول النكد ماااااااا حبابو

اذهب الى الأسفل

24122015

مُساهمة 

الباب البجيب الريح .. د.عادل الصادق المكي .. الزول النكد ماااااااا حبابو




الباب البجيب الريح
د.عادل الصادق المكي
الزول النكد ماااااااا حبابو
الحديبة نيوز
.
منجاور السعيد يسعد.. ومن جاور الشقي يشقى.. البي يجاور الزول المفرفش الديمة ضاحك ومبتسم وما بيقول كلام يغلط عليك واللا يزعلك.. لما يلاقيك وانت زهجان الزهجة تطير.. وتتبسط زيو.. ولو عندك شي معكنن عليك تنساهو علي الاقل في الوقت الانتمعاهو.. زول زي دا تلقاهو في الملمات الناس تتحلق حولو.. ويختوهو في نصهم.. عشان يتونسو.. وعشانشوية يغسل عنهماحزان الحياة.. حتى لوكان هو هو احزانووهمومو قدر سبيب راسو.. لكن قادر يتغلب وينتصر عليها بنظرتو الفرايحية للحياة.. اهازول زي دا لو جاورتو ما بتجيك عوجة تب.. وانت في نعمة كبيرة وحاول حافظ على مجاورتو.. اما الشقي النكدان دا يجاوز العدو.. ان الدينا غفلت منك خمس دقايق وفرحتك يلم فيك يطير الفرحة دي من راسك وممكنتكون نكدان اسبوع لي قدام..
الناس الشغلهم ليهو علاقة بالجمهور من المفترض أن يكونو ديمة مبتسمين منشرحين.. ونضمهم حلو.. زي مضيفين ومضيفات الطيران.. المضيفين في المطاعم الكبيرة.. مندوبي المبيعات والتسويق... برضو المضيفين في البصات السفرية.. مفروض يكونو مبتسمين منشرحين... اكعب حاجة عندنا معظم مضيفي المواصلات البرية.. مواصلات مدن او مواصلات سفريات طويلة.. معظمهم يعاين لك كانو شايلك فوق راسو.. انت تتحسس.. ومرات تخاف عديل تنضم معاهو.. يعني لو مسافر من الخرطوم لي مدني وعشطت تصبر لمن الباص يصل مدني وتشرب.. أخير لك من تقول لو ناولني كبيبة موية يجيبها ليك ويقرب يكبها ليك في نص قنقونك.. برضو ناس الحقل الطبي مفروض يكونو منشرحين... وديل اكتر حساسية من الباقي.. لانهم بيقابلو ناس أصلا مرضانين.. وزهجانين من المرض الواحد اخلاقو ضايقة.. تلم فيهو ممرضة زهجانة ونكد تزيد النكد على النكد العليهو.. تجي تديهو حقنة.. تمسك الفتيل تخجو قدامو.. وتقول لو كدي أرقد على بطنك دي خلينا نطبظك ونخلص وتطنطن "غايتو نحن في الدنيا دي قابلنا جنس حاجات"، وهي تقصد ما يحملهو في مؤخرة ضهرو من حاجات!!
شايل الروشتة.. دخلت اجزخانة.. لقيت صيدلي عمروفوق الخمسة وستين سنة.. زهجان وقرفان وشايل الدنيا في طرف مناخيرو.. وقفت عند راسو.. عاين لي قال لي بزهج "نعم؟".. مديت ليهو الروشتة.. مسكها.. وبقلم قعد يعمل صليب على بعض الأدوية، وهو يطنطن صلب دوا، وقال "الزفت دا مافي".. وصلب دوا تاني وبرضو طنطن "والزفت دا برضو مافي".. كورك لصيدلي صغير "يا علاء تعال جيب الزفت دا"، وهو ياشر على اسم الدواء.. علاء قراهو وجابو.. تاني قال ليهو "برضو جيب الزفت دا".. علاء جابو... قال لي حسابك ستة وسبعين جنيه.. رن تلفونو.. رفعو وقعد يهرج "أنا عارفك انت راجل زي الزفت.. والبتعامل معاك زفت زيك" وقفل التلفون.. قال لي "انت اديتني كم ؟" قلت ليهو "أديتك مية زفت".. رجع لي الباقي.. وانا طالع قريت اسم الإجزخانة "اجزخانة الحياة".. رجعت دخلت ناديت الصيدلي الصغير قلت ليهو "عندي ليكم اقتراح عملا لي الله.. ممكن تغيرو اسم اجزخانتكم من إجزخانة الحياة إلى إجزخانة الحياة زي الزفت"!

Admin


الرجوع الى أعلى الصفحة اذهب الى الأسفل

مُشاطرة هذه المقالة على: diggdeliciousredditstumbleuponslashdotyahoogooglelive

 
صلاحيات هذا المنتدى:
لاتستطيع الرد على المواضيع في هذا المنتدى