من هنا وهناك .. هيثم صديق .. امل سوسة والبطولة الدولية مدسوسة

إرسال مساهمة في موضوع

استعرض الموضوع السابق استعرض الموضوع التالي اذهب الى الأسفل

30122015

مُساهمة 

من هنا وهناك .. هيثم صديق .. امل سوسة والبطولة الدولية مدسوسةn




من هنا وهناك
هيثم صديق
امل سوسة والبطولة الدولية مدسوسة
الحديبة نيوز
.
رحم الله وردي لولاه لما وجدنا اغنية للاستقلال
ستين سنة والاجيال ما لاقية غير اليوم نرفع راية استقلالنا
اتبدلت الوان الراية والنشيد قاعد
وردي غني للوطن بما يكفي لكي يربط بالوطن
يا وطني يا حبوب ممكن تبقي نشيد علم
وحماسيات محجوب شريف كلام تاني
مفروض كل عيد استقلال نحتفل بالاستقلال وبمحمد وردي
افضل حنجرة اخرجتها افريقيا علي الاطلاق )تقرأ بمعنيين(
محمد وردي لما يقول كرررررري تحدث عن رجال كالاسود الضارية شعر جلد الرادي بكلبد
رفعة وردي لكتفيه حركة لا يقدر عليها غيره
بيغرف بها من جوة
دلوه وحده البحصل قعر الجب
حانبنيهو البنحلم بيه يوماتي هي طاقة الامل التي ينظر بها الشعب الوردي
اما تقول الشعبالسوداني او الشعب الوردي
مافي سوداني ما بيسمع لوردي وما بحب وردي وما وردي
وردي احلي حنجرة جماعية لزول واحد
زي لما عفاف حسن امين قالت جمال الوالي اوسم راجل ما بسرح شعرو
حاجة كده زي دي اختصت بيها البت الشقية
محمد وردي الفنان الوحيد البشكر وينبز وما ينال منه ده في عواطف الشعب تجاهه
يقول للنميري يا حارسنا يا فارسنا يا بيتتا ومدارسنا
لينا زمن نفتش ليك وجاي الليلة كايسنا
او يقول ليه بلاء وانجلي
ممكن يغني لعبود ويجي يقول
لو لحظة من وسن تغسل عني حزني
ممكن يبقي صديق قرنق وكاسيتات المجاهدين تلعلع باغنياته
حاجة غريبة وردي ده ان غني خفيف خففنا وان تقل تقلنا ولما مدح تدروشنا
مدينتك الهدي والنور
وتسبيح الملائك في ذؤابات النخيل
وفي الحصي المنثور
وردي وحده من يمتلي له استاد بره السودان
وحده من يرقص له العرب لما يغني رطانة وتهتز افريقيا الاعجمية في غنائه بالعربي
وردي حالة مفردة وممفردة ونافرة عن التاطير
وصوته الخطير مفتاح لكل طبلة اذن
قلبي خاضع ما برافع
بس عليك تسمع شكايتو
وودي وحده من يقيم من يريد ولا يقيمه احد لانه فوق النقد وتتقاصر دونه الكلمات
لم يترك اغنية نور العين في اي حفل اقامه حتي مماته ومع ذلك فانها اول ما يطلبها منه الطالبون
ويا شعبا لهبك ثوريتك كانت اغنيته المفضلة والمفصلة علي كل الاوقات في رخا في فقر كما سكين الكريم دوما راعفة
محمد وردي لم يكتشفه الناس حتي الان مثل ما نعتاده من نعم والاء تبهتها قربنا منها كمن جاني مندهش من بركة ماء في دبي وغنيت له مع فارق التوقيت او الماء
ايه بحر الشمال وانت النيل حداك
يمكن ان يكون كاظم قيصر لكنه قصير يوم يقف بجوار وردي ويمكن ان يكون عب حفيظ عندليب لكنه عنقريب بجوار سرير وردي
…..
كنا بنقول ايه
مع امل سوسة لعبو
اوع يكون حا يستانف برضو
او يكرم كردنة
……
الف حمد الله علي السلامة لاسناذنا الرشيد بدوي عبيد وهوـيعودمعاف من القاهرة..

Admin


الرجوع الى أعلى الصفحة اذهب الى الأسفل

مُشاطرة هذه المقالة على: Excite BookmarksDiggRedditDel.icio.usGoogleLiveSlashdotNetscapeTechnoratiStumbleUponNewsvineFurlYahooSmarking

 
صلاحيات هذا المنتدى:
تستطيع الرد على المواضيع في هذا المنتدى