قوقل ‏+‏ ‏
Use the English Language

من هنا وهناك .. هيثم صديق .. خور تشوف

إرسال مساهمة في موضوع

استعرض الموضوع السابق استعرض الموضوع التالي اذهب الى الأسفل

من هنا وهناك .. هيثم صديق .. خور تشوفn

مُساهمة من طرف Admin في الخميس 31 ديسمبر 2015 - 9:44

من هنا وهناك
هيثم صديق
خور تشوف
الحديبة نيوز
.
كردنة ده روسي
وانا اقول الحبيب محمد عبد الماجد شابكنا روسي روسي كده مالو
اتاريه الكاردينال روسي
اسمه القوقازي هو خور تشوف
قال كان عاوز يودي الاتحاد العام الخور
المريخاب مبسوطين من كردنة شديد
رئيس خصم مريح بشكل
عنده عشرة خصال مريحة المريخ
والكلام ده زي طرفة اشعب
اشعب في واحد عزمو فطور
اشعب رفض بحجة انه ما بحب الزحمة
الرجل حلف ليه مافي زول يضايقو
اشعب وافق ومشي للبيت بتاع المضيف واتحكر
وهو بياكل سمع الباب بيدق
اتكربن كربنة
اتكربن كردنة…تهي تهي
صاحب الدار قال ليه ده ولدي
عنده عشرة خصال ان كرهت منها واحدة لن ادعه يدخل
اولها انه لا ياكل مع ضيف ابدا
اشعب قال ليه دخلو التسعة خصال الباقية خليتها ليك
كردنة عنده عشرة خصال نافعة المريخ
جعجة بتدي الكاس والدوري
غفلة بتدي بكري المدينة
لغة بتخجل الخصوم
تحدي لا يصمد
باقي الخصال خليناه للهلال
……
مؤسف جدا ان يدس هواري المحافير
كتبت سابقا عن قول البعض انه من افسد موضوع شيبوب
وانه من رفض ذهابه للوالي
يبدو ان قول البعض صحيح
والا فما هي سبب غضبة الطاهرمن غير سبب
نحتفظ بكتابات الطاهر لما كانت يده في الماء
لن نقول ان الطاهر بلا تاريخ يشفع له في المريخ وان مخاشنة له مع مصطفي النقر هي من شهرته كما المح مؤرخ مريخي
فكل من لعب للمريخ عندنا محمي بحرز النجمة
لكنا نتمني من الكابتن الكبير ان لا يستعدي عليه من هو حليفه
……..
سافر بعض من لاعبي المريخ ولم يسافر البعض لانتظارهم لاموال يبدو ان لجنة التسيير لا تملكها…مازن شمس الفلاح مثلا ارتدشيكه…مليار الفادني يجب ان يوجه لحلحلة المشاكل العاجلة والمرتبطة باللاعبين.. وستواجه الادارة مشكلة تراوري وليسالوا عن المالي عابد المال ..قالوا لشخص هل الثعلب يببض ام يلدفقال لهم ده مكار الاتنين بسويهن
……
الهلال ايضا يعيش ازمة مالية بعد ان اعلن حلفاء البرير عن ديونه البالغة اكثر من عشرة مليار وديون الارباب عشرين ..والنقر وعاكف وابوشامة والنقر تو والسادة كلهم يشكون الهلال في حقوقهم التي لحقت السيخ
ازمة المريخ تعالج ببنادول لكن ازمة الهلال تحتاج لنقل دعم
…….
لعل حظوظ الجكومي في الظفر بالامانة العامة للمريخ تبقي هي الاكبر فالرجل الواضح والمثقف والمصادم يملك كل مواصفات سكرتير المريخ مقتفيا اثر العظماء ممن تزين بهم هذا المنصب الحساس اخرهم كان سعادة الفريق طارق الرجل الموسوعة المثقف القانوني.. الدكتور طارق مع بعض الخلص جاء بالدوري والكاس بورقة وقلم ..عملية بدون الم
…….
ضحكت حتي دمعت عيوني وانا اقرأ في احدي رسائل الواتساب يقال انها مرسلة من احد اهلة الجنوب السوداني تقول ان العام الجديد هو عام الظفر بالا )بيرة( السمراء
……
لست مع من يقول ان الصفحة الاخيرة للدار صارت مثل الاولي صفحة جريمة ايضا!!
……..
مباراة عالمية في الدوحة تنتظر العالمي.. شكرا رائعة المريخ في قطر ..رابطة المريخ سابقا

Admin


الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
تستطيع الرد على المواضيع في هذا المنتدى