تابعونا عبر فيس بوك

قوقل ‏+‏ ‏
Use the English Language

هيثم صديق .. من هنا وهناك .. اضحك مع الكاردينال

إرسال مساهمة في موضوع

استعرض الموضوع السابق استعرض الموضوع التالي اذهب الى الأسفل

01012016

مُساهمة 

هيثم صديق .. من هنا وهناك .. اضحك مع الكاردينالn




هيثم صديق
من هنا وهناك
اضحك مع الكاردينال
الحديبة نيوز
.
طبعا اليوم اول ايام 2016
كل عام وانتم بخير
زادت اعمار الجميع ربنا يجعل البركة
الصفر الدولي ذاتو عمرو زاد
الاسعار ذاتها زادت
الا ضل عمر الدوش الوقف ما زاد
ولانه بداية عام جديد فلابد من اضحاككم
ابدوا عامكم بضحكة
ولمم نجد سوي الكاردينال يضحكم
الكاردينا القال النقر وطارق احمد ادم ما بشبهوا الهلال
عليم الله ده ما لام يموت من الضحك
الخوف يقول سبت دودو ذاتو ما بشبه الهلال
سبت دودو طبعا ملقب بصقر قريش
اقصد صقر السودان
الكاردينال امس عمل حوار سيخة)تحفة(سابقا
مع صحيفة الاسياخ
قال فيه كلام زي الفل
اول من امتلك لابتوب قال في السودان
ده والله انجاز كبير يستاهل صفقة رط رط رط
الصفقة في البرلمان منعوها لكن كردنة بيستاهلها
حوار الاسياخ ده اطول من الحوار الوطني
حوار في شكل حصار )معمول بحب(
امنقة حاجة قال اسم الكاردينال ده اسم طائر
واتاري اقول الهلال ده طائر طواااالي كده مالو
غايتو مفروض الحوار ده يتعاد في كل الصحف احمرها وازرقها علشان الناس تعرف حاجة
تفهم ليه البلد دي محلك سر
سر شنو ده محلك جهر اديل كده
………………………………..
تاكد ان تسجيل الوك صحيح
قضي الامر
العترة بتصلح المشي
والتعثرات التي واجهت لجنة التسيير تعلمها دوما المشي
وده امر جميل
التسجيلات انتهت باكتساح احمر
والمعسكر سيؤتي اكله
فالبدايات دوما هكذا اول ربع ساعة جس نبض
ونبض ونسي ورفاقه فل
المريخ يسافر بالوك ولوك
وغيره يحمل شيبوب ولا يجد ان يضعه
سجلوه في عطبرة
ختوه في رديف الامل
……………………….
يحفظ القصر الجمهوري انه شهد الجلاء للمستعمر
والتجلي للمريخ
لما زاره الاحمر الوهاج مرتين واهداه الكؤوس…ياهو ده المريخ
………………
احد الدماعة كتب عن شحدة المريخ لجماهيره بواسطة تحويل الرصيد..الهلال ايضا له خدمة تحويل رصيد لا نظن ان الود لا يعرفها او لم يسمع بها
………………………
البعض يظن ان اعلام المريخ يكتب بتنسيق مسبق…هو توارد خواطر لدفع المخاطر فقط..هذه ربونية المحبة
رحم الله صديقي الامين زيكو…كان مريخيا صميما ومتفائلا ليت الجماهير تكرمه في اول مباراة للمريخ في الممتاز او الكاس في شخص اسرته..نخاف ان نقول يكرم في اخر مباراة فلا يجد المريخ منافسا بالانسحاب المعتاد
قروبات المريخ في الواتساب تنشط لدعم النادي
ودار النادي هذه الايام في حركة دؤوبة للصيانة من احباب لم يغلوا اليد ابدا عن محبوبهم…هذا حراك اجتماعي ونفير شعبي فالاندية ليست حكومية الا اذا ادعي اهل الحركة غير ذلك
قال سعادة العميد عامر ان اجراءات جنائية ستكون في انتظار شيبوب الذي سيعود بعد يومين
وهذا حديث نطّر عيون كثيرين
ونختم بكثير عزة
مشي الي بعيب عزة نسوة
جعل الاله خدودهن نعالها
ولو ان عزة خاصمت شمس الضحي
عند منصف في الحكم لقضي لها

Admin


الرجوع الى أعلى الصفحة اذهب الى الأسفل

مُشاطرة هذه المقالة على: Excite BookmarksDiggRedditDel.icio.usGoogleLiveSlashdotNetscapeTechnoratiStumbleUponNewsvineFurlYahooSmarking

هيثم صديق .. من هنا وهناك .. اضحك مع الكاردينال :: تعاليق

مُساهمة في السبت 2 يناير 2016 - 11:13 من طرف فهمي حسن

تضحكو والجهجهه ملازماكم من دوله لدوله من يستحق ان يضحك عليه


سبحان الله انتو اليومين بتضحكوا؟

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
تستطيع الرد على المواضيع في هذا المنتدى