تابعونا عبر فيس بوك

قوقل ‏+‏ ‏
Use the English Language

في السلك .. بابكر سلك .. مابين الاستقلال والاستغلال ليست نقطه

إرسال مساهمة في موضوع

استعرض الموضوع السابق استعرض الموضوع التالي اذهب الى الأسفل

01012016

مُساهمة 

في السلك .. بابكر سلك .. مابين الاستقلال والاستغلال ليست نقطهn




في السلك
بابكر سلك
مابين الاستقلال والاستغلال ليست نقطه
الحديبة نيوز
.
*اليوم نحتفل باستقلالنا
*السنه فيها تلتميه خمسه وستين يوم
*ومرات سته وستين
*ماكتير علي الوطن تخصيص يوم للاحتفال به
*اليوم نرفع راية استقلالنا
*ونجدد كعهدنا الامنيات والمني
*لنعيد نفس الامنيات في العيد القادم ونفس المني
*ليه ما بتتجدد امانينا وامنياتنا ؟؟؟
*لان الامنيات التي نتمناها لا تتحقق
*وليه لا تتحقق ؟؟؟
*لاننا لم نعمل لتحقيقها
*بل علقنا علي شماعة الامكانات كل عيوبنا
*ومكثنا ننتظر العيد لنكرر نفس الامنيات ونفس المني
*وطننا فقير لاننا لا نعمل
*فلو احتفلنا باستقلالنا بعد ان نحتفل باستغلالنا لموارد الوطن
*بشرط موارد الوطن لمصلحة المواطن
*ماكان وطننا بقي العمر كلو فقير
*تحضرني ابيات اكرم زكي توأم الروح عندما قال
*حكاية الظروف الطويله ***وقفلة الدروب العديله
*حانبدأ من نفسونا ونزيلها ومابنعيدها
*ولو وقف زماننا في طريقنا ***وضاقت المسالك علينا
*نحنا راح نواصل ونمشي ***لو شقينا
*نحنا لو قررنا انو نبدأ حنعمل
*ولو قدرنا نتمسك بمبدأ حنوصل
*لا نكسل لانقنع ونتحول
*ولا نتراجع او نرجع نقول
*حكاية الظروف الطويله
*والواقع البيضحك علينا
*بنرفض انو يرسم خطانا
*ونرفض انو يستعمر كيانا
*حانبدأ
*ونمشي
*ونمسح
*حكاية الظروف الطويله
*بدري الكلام ده في التمنينات
*ايها الناس
*شماعة الامكانات ليست مبررا لحياة يعيشها وطن استقل منذ ستين سنه
*واقول سنه ولا اقول عام
*فالفرق بين السنه والعام واضح
*اتذكر نكته قديمه
*قالوا في واحد اسمو جباره جابر
*جباره ده ظروفو تبكي الشيطان
*محل ما قبل ما قدر يغيرها
*وشغل مافي
*قدم للنفايات قالوا ليهو دايرين خبره
*حالتو صعبه شديد
*المهم
*بعد قنع من خيرا فيها وفينا
*بقي يجي كلو يوم يقعد في الحدائق القدام الهيلتون ويسرح
*في خواجه سويدي كان نازل في الهيلتون
*لاحظ تواجد جباره اليومي بدون انقطاع وبدون عمل
*قام صاحب جباره
*وسال جباره عن احوالو
*جباره ماخجل
*فته ليهو اي شئ
*جباره خشمو خفيف
*اتحلل من كل الاسباب الكاتمه نفسو
*لاخلي اختلاس مال عام
*ولا خلي انعدام مساواه امام الوظيفه العامه
*ولا خلي صفقة البرلمان لرفع الاسعار
*ماخلي شئ
*حتي انهيار الجنيه امام الدولار قالو ليهو
*بدري الكلام ده
*زمن نميري
*المهم
*الخواجه قال ليهو بسوقك السويد
*بدري الكلام ده
*زمن نميري
*المهم ساقو السويد
*جباره في السويد صحا بدري
*لقي ليهو حديقه جميله مشي قعد فيها
*الخواجه لما صحا لقي جباره مافي
*فتح الشباك لقي جباره قاعد وسط الزهور
*جاهو بره
*جباره قال للخواجه الحديقه دي جميله شديد
*الخواجه قال ليهو دي ما حديقه
*دي المقابر
*جباره اندهش من الورود والزهور الفي المقابر
*قام لاحظ في الشواهد بتاعت القبور بكون مكتوب
*جون وولف
*ولد سنة الف وتسعمائه وسته وتوفي سنة الف وتسعمائه وستين
*عاش اربعطاشر سنه
*في شاهد تاني
*تينا جارلس
*مولوده سنة الف وتسعمائه وسبعه وسبعين
*ماتت في الف وتسعمائة سبعه وتسعين
*عاشت حداشر سنه
*جباره قال للخواجه نحنا كرعينا الشينات ديل عارفين روحنا قادين عربي
*انتو بي سماحتكم دي كلها قادين رياضيات ؟؟؟
*زول مولود سنه سته ومات سنة ستين
*تقولوا عاش اربعطاشر سنه ؟؟؟
*زوله مولوده سنه سبعه وسبعين ماتت سنة سبعه وتسعين تقولوا عاشت حداشر سنه ؟؟؟
*الخواجه ضحك وقال لي جباره
*تعرف يا جباره نحنا هنا ما بنكتب في الشاهد الا السنين الحلوه العاشها الزول
*جباره دنقر وصنقع وقال للخواجه
*الوصيه في الذمه يا خواجه
*انا لو مت هنا اكتبوا علي قبري
*جباره جابر من بطن امو للمقابر
*عرفتوا ليه قلت استقلالنا ليهو ستين سنه ما ستين عام ؟؟؟؟
*ايها الناس
*مادايرين وطن من بطن امو للمقابر
*دايرين وطن يعيش العمر كلو سعادة ورفاهيه ومتعه وتطور
*دايرين نجدد امنياتنا مع كلو عيد جديد
*مادايرين نعيد نفس الامنيات سنويا
*دايرين نغني
*انا عندي بس كلمه ****ان يضل عندي وطن
*لاحروب لا خراب ****لامصائب لا محن
*خدوا المناصب والمكاسب ***لكن خلولي الوطن
*يا وطن وانت حبيبي ****انت عزي وتاج راسي
*انت يا فخر المواطن ***والمناضل والسياسي
*انت اعظم وانت اجمل ***انت اعظم من الكراسي
*ايها الناس
*مابين الاستقلال والاستغلال ليست نقطه
*الاستقلال شرف
*والاستغلال يمكن ان يكون رائعا مدهشا
*ويمكن ان يكون مميتا
*رائع عندما نستغل امكانات الوطن ومهارات المواطن ونوظفها للصالح العام
*ومميتا عندما نستغل الوطن والمواطن لا لصالح الوطن ولا المواطن
*ايها الناس
*ان تنصروا الله ينصركم
*اها
*نجي لي شمارات والي الخرتوم
*كان شفت يا والينا
*احتفال الاستقلال بالنسبه لينا
*ماعلم علي سياراتنا نرفعوا يا والينا
*ولا اجازه من طول عمل يوماتي بضنينا
*ولا نقعد نردد كل اناشيدنا القديمه واغانينا
*ولكنه يا والينا
*وقفه مع النفس علها تصحي الضمير فينا
سلك كهربا
ننساك كيف ونحنا محتفلين والكلب بتفرج فينا لاهز ضنبو مرحب بينا ولا هوهو فينا تعبيرا عن انو مابينا
والي لقاء
سلك

Admin


الرجوع الى أعلى الصفحة اذهب الى الأسفل

مُشاطرة هذه المقالة على: Excite BookmarksDiggRedditDel.icio.usGoogleLiveSlashdotNetscapeTechnoratiStumbleUponNewsvineFurlYahooSmarking

 
صلاحيات هذا المنتدى:
تستطيع الرد على المواضيع في هذا المنتدى