في السلك .. بابكر سلك .. بطانية كلوب

إرسال مساهمة في موضوع

استعرض الموضوع السابق استعرض الموضوع التالي اذهب الى الأسفل

03012016

مُساهمة 

في السلك .. بابكر سلك .. بطانية كلوبn




في السلك
بابكر سلك
بطانية كلوب
الحديبة نيوز
.
.
< الناس خشوم بيوت
< ناس احتفلت بالاستقلال لكن قلال
< وناس تظاهرت بالاحتفال بالاستقلال وديل كتار
< الغريبه فيهم ناس كبار
< كلو زول حر يحتفل بي شنو
< في ناس احتفلوا بي رأس السنه
< وفي ناس ما سمعوا اصلا بالسنه
< طول السنه واقفين هنا
< وفي ناس عندهم رأي واضح في الاحتفال بي رأس السنه
< والغريبه في ناس احتفلوا بالاستقلال وتظاهروا بالاحتفال بالاستقلال واحتفلوا بي رأس السنه
< حتوهوا بالليل
< والصباح رباح يا عمك
< رحله من امها
< المهم
< وما مشكله لو مشينا لي رأس السنه
< طلعه تفرق علينا كلنا
< نمرق كأسره محترمه من الضنك من البلي القرب يخمنا
< بس نمشي بأدبنا ونشرب ببسي حلال بي حقنا
< نكون قاعدين محترمين نفسنا
< لا شادين سيستم متر تحت وسطنا
< ولا لابسات متر فوق للركب البتتوسط رجلنا
< ونفرق هم السنين وجور الزمن انت وانا
< وممكن برضك ندعو ربنا
< يمكن يفكنا
< من الضنك من العدم من طول السنه نقعد نردد في المنى
< المهم
< كل النوادي والخيم اقامت حفلات رأس السنه
< كل المزارع كان فيها رحلة يوم الاستقلال تلمنا
< واعلانات رأس السنه ملت شوارعنا الرئيسيه والفي حينا
< الفنان فلان الفلاني
< مع العشاء تربيزه اربعه كراسي بمليار
< سنه يا انا
< فلان الفلتكاني بالنادي الفلاني
< وعلانه الفلانيه
< تذكرة بدون عشاء مليون
< وفلتكان وفلانه في حفل الموسم دويتو
< للحجز تلفون صفر واحد اتنين تلاته تسعات والباقي جري
< لكن الملاحظ انو معظم الحفلات بارن
< النادي الوحيد التذاكرو كملت من عصراً بدري
< ولأني روست فيهو وكنت قاطع تذكرتني من قبل اسبوع
< هو بطانيه كلوب
< حفله من امها
< احيتها احلام
< تغني احلام للصباح ونحنا نشخر
< اقصد نرقص
< ولما ننقلب
< تتقلب اغاني احلامنا معانا
< ولما ننطرب بنضطرب
< بطانيه كلوب
< من اسي
< احجزوا في بطانيه كلوب قبال تذاكر رأس سنة 2017م يجيكم
< ده كان لقاكم
< وكان ما لقاكم اهو تكون التذكرة تذكرة جاريه تنزل في ميزان اولادكم
< لا تنسوا
< بطانيه كلوب
< يا قوم
< في ناس روسوا لكن ما مشوا لي رأس السنه
< رأس السنه جاهم في بيوتهم
< جابوا رأس السنه في حدائق فللهم
< جابو العشا الما خمج
< وجابوا الناس البوزعوا العشا
< معاهم ناسات
< بوزعن العشا والبسمات
< حتى الناس البياكلوا العشا جابوهم
< وجابوا الساوند والعازفين
< وجابوا الفنان
< رأس السنه كلو جابوهو في بيوتهم
< العندو الحنه عاد بقعد املط ؟؟؟
< موش بنقش ؟؟؟
< وبراي يا حنه انا من عيني النوم قله
< الفنان بدأ بيها
< وحتوهو
< حتوهو بالدولار
< يلا ما حدش حوش منها حاجه
< المهم
< معرض المريخ بمعرض ولاية الخرطوم جناح وزارة الشباب والرياضه
< احتفالاً بأعياد الاستقلال
< وطبعاً بإشراف الرائعه سعديه عبد السلام والصادق نور الدائم
< عشان كده طلع رائع
< وكالعاده ابو الهل انسحب
< انسحب من المعرض
< سحاب كبير يا ابو كسكته
< طوالي منسحب ؟؟؟؟
< نادي الحركة الوطنيه ينسحب من احتفالات البلاد بالاستقلال
< كلارك سرو باتع يا خالد عز الدين
< اسي الحركة العملتوها دي برضو حركه وطنيه يا رمضان؟
< نادي الهلال للتربيه الانسحابيه
< دي عبارة لازم تعلقوها على سقف طابق الجوهره الشعبي
< طابق غريب شديد
< ما لافي الاستاد كلو زي طابق شاخور
< ولا بشبه طابق شاخور بتاع استاد الخطوم
< حته كده اظنها اربعه في اربعه
< ونطوا اربعه واربعه وبعدها اربعه
< وعملوا تاني حته اربعه في اربعه
< قالوا طابق
< يجوز
< متحف الخليفه عبد الله برضك فيهو غرفه فوق
< وبرضو طابق
< هو الطابق ده الا يكون اربعه شقق؟
< غرفة السلم ممكن تبقي طابق
< برج الحمام في رأس البيت طابق
< وفي طابق مستور
< موش بقولوا ليك خلي الطابق مستور
< المهم
< الحقيقه اننا عندنا طابق شاخور
< والجماعه عندهم الطابق مستور
< ايها الناس
< ان تنصروا الله ينصركم
< اها
< نجي لي شمارات والي الخرتوم
< كان شفت يا والينا
< ما مهم نمشي لي رأس السنه او رأس السنه يجينا
< المهم لما البعدو يجينا
< ما يلقى كملت المعدوده علينا
< الخوف يلقانا قبل نمشي لي رأس السنه مشينا
سلك كهربا
ننساك كيف وحلمان الكلب قال لي الاحتفال الحقيقي هو البنبع من وجدانك ولو تحت البطانيه
والى لقاء
سلك
مستجد النعمةتقييم المستخدم:  / 0
التفاصيل
نشر بتاريخ السبت, 02 كانون2/يناير 2016 14:38
< كل قضايا النفقة ومؤخر الصداق في الفيفا مرفوعة على الهلال
< كامبوس وكارلوس وقودوين ويوسف محمد والبقية
< زول شال حقو من الهلال مافي
< لدرجة أن أي لاعب في افريقيا بقول يافكيك لو عرض عليهو الهلال خطب وده
< كلهم بقولوا دايرين نقرأ
< عشان كده فرحة ناس محمد عبد الماجد بي حبة قريشات ابو كسكته كانت فرحة بجنون
< مستجد النعمة ياعمك ممكن يعمل اكتر من كده
< اسي ناس السادة دايرين حقهم
< ومن حقهم
< بعد الفشخرة دي ناس السادة قاعدين سادة
< ولكن
< هل كل الذين قام الهلال بتسجيلهم
< كبار ورديف واشبال استلموا حقهم؟
< ايها الناس
< يتحدثون عن فلس ألم بالمريخ
< هل فقد المريخ لاعباً من الذين تمت فترتهم وفشل في اعادة قيده والمريخ يحتاج له؟
< بالطبع ابداً
< فاعادة قيد امير وراجي ومصعب دليل واضح
< هل فشل المريخ في تسجيلات الاجانب لعدم وجود المال؟
< الاجابة بالطبع بالنفي
< هي خانة واحدة بتاعة ديديه وجبنا فيها الغاني
< ثم انو اجانبنا هم كوفي واوكرا
< نشطبهم ساكت كده عشان نجيب غيرهم؟
< منو الافضل منهما؟
< ابو الهل عندو كنبة مواسير اجانب
< فعلاً كان يحتاج لاحلال وابدال لتلك المواسير
< لذا استغنى عن بعضها
< واستبدل البعض الآخر بمواسير قلفانايز عشان ماتصدي
< يبقى فشل المريخ وين؟
< ومعسكرنا في اثيوبيا ومن بعدها الدوحة وقد تكون جدة آخر محطات الاعداد
< يبقى الفشخرة فوق شنو يا مستجدي النعمة!!!
< المهم
< مجلسنا يحتاج لوقفتنا عشان نقوي موقفنا
< وما نسمعه عن معسكر تونس سمعناه عن معسكر الفجيرة لقلوزة المواسير
< ايها الناس
< انها حرب نفسية من مستجدي النعمة لاحباطنا
< ولكن هيهات
< القطر الشالك انت يتكسر حتة حتة وتسلم ليا انت ما دام في غيابك انت بقدل اب كسكتة
< المهم
< الخميس ماتنسوا
< تكريم المراحل لكل من عمل بالمراحل
< ومباراة بين شبابنا والمنتخب
< تعالوا اتفرجوا
< تقول لي شيبوب!
< ايها الناس
< عشان نتقدم من النقطة الوقفنا فيها إفريقيا الموسم الماضي
< يجب أن نلتف حول الكيان
< ما ممكن نكون زي حمار الشيخ العمر كلو نقيف في نفس العقبة
< المهم
< الاتحاد الإفريقي يفكر في الإعلان عن بطولة كبرى للأندية
< اسمها الكاف للفائزين ببطولات الكاف
< بنشوفكم فيها يا روشا..
< ولا كعبة ما دايرنها؟
< البطولة شرطها تجيب كاسك الشلتو بالطيارة وتجي تشيل الاورنيك
< لو دايرين تشاركوا فيها يافطومة يا اختي
< تجيبوا صورة كردنة بالكسكتة نازل من الطيارة في عطبرة
< كان مشوها خلاص
< وكان قالوا ليكم وين الكاس
< قولوا ليهم جوه الكسكتة دي
< او غالطوهم بي كاس الكنغو
< كاس فهيمة مابأهلكم يا رمضان
< ايها الناس
< العضوية ام راس ضرورة
< العضوية بالراس ماحبابها
< القوي الامين ضرورة
< ولو بقى القوي الامين المغندل يبقى خير وبركة
< لكن مهما كان مغندل
< الاستثمار ضرورة ملحة
< لان في الاستثمار وضع دستور يبين كيف يحكم المريخ
< ووقتها لايهم من يحكم المريخ
< ايها الناس
< ياقوم
< لن ننهض بدون مشاركة جماهيرية فعالة
< كي نخرج من الجيوب
< حتي ولو كانت جيوبنا الخاصة
< لابد من الاستثمار
< ياقوم
< لاتعطوني سمكة ولكن علموني كيف اصطاد
< هكذا يردد الكيان
< ايها الناس
< »إن تنصروا الله ينصركم«
< آها
< نجي شمارات والي الخرتوم
< كان شفت يا والينا
< بتشكل حياتنا موروثاتنا من أمثال وبعض حكاوينا
< سمعت بي قصة أولاد خير السيد يا والينا؟
سلك كهربا
ننساك كيف والكلب لو سمع اسم اولاد خير السيد بكورك بدل هو هو هو بقول ياهو ياهو ياهو
والي لقاء
سلك

Admin


الرجوع الى أعلى الصفحة اذهب الى الأسفل

مُشاطرة هذه المقالة على: Excite BookmarksDiggRedditDel.icio.usGoogleLiveSlashdotNetscapeTechnoratiStumbleUponNewsvineFurlYahooSmarking

في السلك .. بابكر سلك .. بطانية كلوب :: تعاليق

مُساهمة في الأحد 3 يناير 2016 - 20:37 من طرف عاصم بدري

لو كان بطولاتكم المحموله دي شلتوها زي سيكافه الفاتت دي اخير عدمه وكاس مانديلا كمان كاس من مباراه واحده اكيد لو فيها تمهيدي كان طرتو بدري لو دي كاساتكم ال بتغشو بيها علينا ما دايرنها ارموها البحر والابطال السنإ الفاتت دي لو ما غاب الكبار كنت التمهيدي ما بتفوتة وشيبوب ده قبل ايام كنت بتغني ي مسافر جوبا هسي بقي ماسوره

والله يا ناس الصلع عليكم فصاحه

لكن حدها جرايدكم باكر نشوف انديه يا سلك لمن صلعتك تشيب نلاقيهم بي منو نعسان وعاطرون دقيقه ياخ

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
تستطيع الرد على المواضيع في هذا المنتدى