الخميس 6 أكتوبر 2022 - 20:10
جرت العادة أن ينتقد عشاق الرياضة اللاعبين ايام الدوري والمباريات الكبيرة و لكن سرعان ما تمر الايام وينسى الناس تلك الحملات وقس على ذلك من (الكلام) الموسمي مع محاصيلنا ترقد (المنقة) نمتدحها يرتفع سعرها نتذمر ثم ننسى الموضوع.
وكذلك السياسيون تطاردهم لعناتنا واعجابنا طالما ظلوا يجلسون على الكراسي وان غادروها (نسيناهم)
إلااااا ….
السيد جبريل ابراهيم وزير ماليتنا الحالي ! ده ما بتنسي (خااالس) ياخى ده اى ازمة فى البلد دى بتلقى احد اضلاعها هو هذا السيد الوزير المدهش .
وكعادتنا نحن ناس مبدعين فى الصاق الاسامي بالمشاهير (زيو زي غيرو) فنال السيد جبريل (رتبة) الفكي حتة واحدة .او جبرين فاياً ما ذكرت اتجهت الاحاسيس والعقول صوب وزير ماليتنا (المصيبة) الدكتور جبريل ابراهيم ..
طيب (حا) تقول لى الجد شنو يا استاذ ؟
اقول ليك وبالله التوفيق
اوول حاجة امس القريبة دى نقلت (متاريس) ان تجار عطبرة اغلقوا محالهم التجارية احتجاجاً على ارتفاع ضرائب (الفكي) واصفين ذلك بالجباية ! اليوم اظن ناس الشاحنات (حالفين) يقفلوا الكباري ! ليه كدى يا جماعة كدى باركوها !
(قال ليك) ….
ارتفاع رسوم العبور بتاعت جبريل . ياخ الاضرابات بتاعت ناس الكهرباء سببها شنو؟ مش ياهوو غلاء المعيشة؟ والمعيشة المطيرا السماء منو يا جماعة؟ مش ياهو الفكي (جبرين)؟ واظن تجار مدني قبل ايام برضو نعوا لنا الاقتصاد وحركة السوق
ياخ …..
المواصلات دى قال ليك بالكيلو متر ! (٢٥) جنيه للكيلو الطولى . جنيه ينطح جنيه يعني بعد شوية كده الحكاية دى حا تدخل مقررات اولادنا فى حصص الحساب
قول لى كيفن ؟
يعنى مثلاً يجيك الولد يقول ليك ابوى حل لى المسألة دى وهي
راكب استقل الحافلة من جبرة الى الصحافة ونزل جنب مسجد بلال كم سيدفع للكمساري؟ واللا يقول ليك …
عمتك (حاجة كبيرة) استقلت باص الوالى من الدروشاب لام درمان ودفعت للكمساري (تلاتة) الف جنيه ورجع ليها (٢٥٠) جنيه فاحسب عدد كيلومترات هذه (الرحلة البخيتة)
بتاعينوا لى مالكم ؟
ما ده ياهو الحاصل يا جماعة وبكرا ممكن عاااادى تدى الكمساري (٣٧) جنيه وتقول ليهو (كيلو ونص يا معلم)
وده بسبب منو ؟
اهاااا قلتها براك فى سرك .
ياهو جبريل !
(طيب) ياخى خلونا ناخدها بالراجع ….
القمح مثلاً وعد المزارعين وحدد السعر (تب) واخيراً عمل شنو؟ (رجع فى كلامو) وقال ليهم اكلوه بليلة ! والنتيجة دخل السوق الاسود والتهريب عينك عينك يا تاجر
والغريبة انو …..
الزول ده مركب مكنة اى حاجة لا البرهان قادر يقول ليهو (يا جبريل وقف شوية) ولا الخال عندو حاجة غير الكلام المكرر واظنكم بتتذكروا اثناء زيارته للجزيرة ابان موسم حصاد القمح الماضي حين قال من احد المنابر (انا قلت لجبرين اديهم خمسين الف) او حاجة بالشكل ده !
حقيقة لا اذكر قال ليهم كم
ياخ مصائب المالية (خلت لينا) عقل نحفظ بيهو رقم؟
السيد الوزير ….
ما زال مفهومه ان وزارة المالية (حراسة خزنة) دولة ولو (صنقع) لقرأ عند مدخل وزارته
ان مسمى وزارته هى
(وزارة المالية والتخطيط الاقتصادي)
بالله فى زول شايف ليهو تخطيط ؟ ام (ياهوو) سلخ النملة بتاع الفكي ده؟
اتفاقية السلام (المعطوب)
هى سبب كل هذه المصائب وان اعترض احدهم على احدى وزارات وهيئات (اللغف) انبرى له احد موقعيها ناعته بانه
(عدو للسلام) !
شفتو الجماعة ديل بوزعوا الادوار بيناتهم كيف؟
السلام لا يعني الجوع والسلخ وقعاد المكاتب الذى تمارسه احزاب (سلام جوبا) واكرر (المعطوب) .
وان استمر هذا العبث فسيشتاق الجوعى من الشرفاء الى الحرب وهذا ما لا نرجوه وعلى السيد جبريل ان يعى جيداً (بغلة) الفاروق عمر و ارض العراق. وان يستحضر جيداً (وفى كل كبد رطبة اجر) وان لا يغفل ان (الجوع كافر) وان لا ينسى ان ليس بعد الكفر ذنب ! فليتوقعوا كل ما هو سيئ ان ظلوا مسلطين على رقاب العباد هكذا يحاربهونهم فى قوت يومهم .
قبل ما انسى :-
إن كان سلامكم هو ما نراه فقد يرحب آخرون بعودة الحرب فاتقوا الله يا هؤلاء
جرت العادة أن ينتقد عشاق الرياضة اللاعبين ايام الدوري والمباريات الكبيرة و لكن سرعان ما تمر الايام وينسى الناس تلك الحملات وقس على ذلك من (الكلام) الموسمي مع محاصيلنا ترقد (المنقة) نمتدحها يرتفع سعرها نتذمر ثم ننسى الموضوع.
وكذلك السياسيون تطاردهم لعناتنا واعجابنا طالما ظلوا يجلسون على الكراسي وان غادروها (نسيناهم)
إلااااا ….
السيد جبريل ابراهيم وزير ماليتنا الحالي ! ده ما بتنسي (خااالس) ياخى ده اى ازمة فى البلد دى بتلقى احد اضلاعها هو هذا السيد الوزير المدهش .
وكعادتنا نحن ناس مبدعين فى الصاق الاسامي بالمشاهير (زيو زي غيرو) فنال السيد جبريل (رتبة) الفكي حتة واحدة .او جبرين فاياً ما ذكرت اتجهت الاحاسيس والعقول صوب وزير ماليتنا (المصيبة) الدكتور جبريل ابراهيم ..
طيب (حا) تقول لى الجد شنو يا استاذ ؟
اقول ليك وبالله التوفيق
اوول حاجة امس القريبة دى نقلت (متاريس) ان تجار عطبرة اغلقوا محالهم التجارية احتجاجاً على ارتفاع ضرائب (الفكي) واصفين ذلك بالجباية ! اليوم اظن ناس الشاحنات (حالفين) يقفلوا الكباري ! ليه كدى يا جماعة كدى باركوها !
(قال ليك) ….
ارتفاع رسوم العبور بتاعت جبريل . ياخ الاضرابات بتاعت ناس الكهرباء سببها شنو؟ مش ياهوو غلاء المعيشة؟ والمعيشة المطيرا السماء منو يا جماعة؟ مش ياهو الفكي (جبرين)؟ واظن تجار مدني قبل ايام برضو نعوا لنا الاقتصاد وحركة السوق
ياخ …..
المواصلات دى قال ليك بالكيلو متر ! (٢٥) جنيه للكيلو الطولى . جنيه ينطح جنيه يعني بعد شوية كده الحكاية دى حا تدخل مقررات اولادنا فى حصص الحساب
قول لى كيفن ؟
يعنى مثلاً يجيك الولد يقول ليك ابوى حل لى المسألة دى وهي
راكب استقل الحافلة من جبرة الى الصحافة ونزل جنب مسجد بلال كم سيدفع للكمساري؟ واللا يقول ليك …
عمتك (حاجة كبيرة) استقلت باص الوالى من الدروشاب لام درمان ودفعت للكمساري (تلاتة) الف جنيه ورجع ليها (٢٥٠) جنيه فاحسب عدد كيلومترات هذه (الرحلة البخيتة)
بتاعينوا لى مالكم ؟
ما ده ياهو الحاصل يا جماعة وبكرا ممكن عاااادى تدى الكمساري (٣٧) جنيه وتقول ليهو (كيلو ونص يا معلم)
وده بسبب منو ؟
اهاااا قلتها براك فى سرك .
ياهو جبريل !
(طيب) ياخى خلونا ناخدها بالراجع ….
القمح مثلاً وعد المزارعين وحدد السعر (تب) واخيراً عمل شنو؟ (رجع فى كلامو) وقال ليهم اكلوه بليلة ! والنتيجة دخل السوق الاسود والتهريب عينك عينك يا تاجر
والغريبة انو …..
الزول ده مركب مكنة اى حاجة لا البرهان قادر يقول ليهو (يا جبريل وقف شوية) ولا الخال عندو حاجة غير الكلام المكرر واظنكم بتتذكروا اثناء زيارته للجزيرة ابان موسم حصاد القمح الماضي حين قال من احد المنابر (انا قلت لجبرين اديهم خمسين الف) او حاجة بالشكل ده !
حقيقة لا اذكر قال ليهم كم
ياخ مصائب المالية (خلت لينا) عقل نحفظ بيهو رقم؟
السيد الوزير ….
ما زال مفهومه ان وزارة المالية (حراسة خزنة) دولة ولو (صنقع) لقرأ عند مدخل وزارته
ان مسمى وزارته هى
(وزارة المالية والتخطيط الاقتصادي)
بالله فى زول شايف ليهو تخطيط ؟ ام (ياهوو) سلخ النملة بتاع الفكي ده؟
اتفاقية السلام (المعطوب)
هى سبب كل هذه المصائب وان اعترض احدهم على احدى وزارات وهيئات (اللغف) انبرى له احد موقعيها ناعته بانه
(عدو للسلام) !
شفتو الجماعة ديل بوزعوا الادوار بيناتهم كيف؟
السلام لا يعني الجوع والسلخ وقعاد المكاتب الذى تمارسه احزاب (سلام جوبا) واكرر (المعطوب) .
وان استمر هذا العبث فسيشتاق الجوعى من الشرفاء الى الحرب وهذا ما لا نرجوه وعلى السيد جبريل ان يعى جيداً (بغلة) الفاروق عمر و ارض العراق. وان يستحضر جيداً (وفى كل كبد رطبة اجر) وان لا يغفل ان (الجوع كافر) وان لا ينسى ان ليس بعد الكفر ذنب ! فليتوقعوا كل ما هو سيئ ان ظلوا مسلطين على رقاب العباد هكذا يحاربهونهم فى قوت يومهم .
قبل ما انسى :-
إن كان سلامكم هو ما نراه فقد يرحب آخرون بعودة الحرب فاتقوا الله يا هؤلاء
