تابعونا عبر فيس بوك

قوقل ‏+‏ ‏
Use the English Language

دقّ الدلجة .. محمد عبدالماجد .. القرعة فيها ريحة اسامة عطا المنان وسمير فضل

إرسال مساهمة في موضوع

استعرض الموضوع السابق استعرض الموضوع التالي اذهب الى الأسفل

12012016

مُساهمة 

دقّ الدلجة .. محمد عبدالماجد .. القرعة فيها ريحة اسامة عطا المنان وسمير فضلn




دقّ الدلجة
محمد عبدالماجد
القرعة فيها ريحة اسامة عطا المنان وسمير فضل
دقّ الدلجة محمد عبدالماجد
.
• لا احب افتراض نظرية )المؤامرة( في كل حاجة – لكن بالجد كدا اي حاجة يعملها الاتحاد العام لكورة القدم السوداني ابحثوا عن )المؤامرة( فيها.
• وسوء الظن من حسن الفطن.
• عديل كدا.
• فتشوا اي حاجة يعملها الاتحاد العام لكورة القدم السوداني.
• شوفوا المستفيد منو؟..في الغالب )المريخ(.
• وابحثوا عن )المتضرر( ..ح تلقوه )الهلال(.
• هذه )الواقعية( جعلتنا نشعر بـ )المؤامرة( في كل ما يصدر من هذا الاتحاد.
• اذا كان ضباط الاتحاد في شعيرة دينية كريمة – بيجعلوا الصحافة تتحدث عنها – نحن في القرعة نقول شنو؟.
• الناس ديل بيسافروا بي طيارة واحدة.
• وبرجعوا بي طيارة واحدة.
• و
• )ونحن عايشين والحمدلله )النفس( بينزل ويطلع إلى الآن..ولا ينقصنا شيء سوى رؤياكم الغالية(.
• القرعة واضح انها )مبرمجة(.
• وهذا شيء ما جبناهو نحن.
• ولا قاطعنو من رأسنا في البرد دا.
• الشيء دي بعترف بيه الاتحاد نفسه.
• هم براهم بقولوا ليك القرعة )مبرمجة(.
• اتبرمجت وين؟.
• واتبرمجت كيف؟.
• ما تسألوني.
• طول ما القرعة بقت )موجهة(..يبقى لنا ان نعرف )توجهه( وين؟.
• ظاهرة!!.
• الجماعة ديل – براهم كدا قالوا ان الهلال والمريخ سوف يلتقيا في الاسبوع الاخير.
• الموضوع دا طبعا ما قرعة.
• دي برمجة!!.
• لا بد ان يكون هناك تحديد )مسار( حتى يحدث ذلك.
• طبعا ما ممكن الموضوع دا يحدث )صدفة(.
• صدفة في البرد دا.
• ناس الاتحاد قالوا ان الخرطوم الوطني والاهلي شندي ايضا ح يلعبوا في الاسبوع الاخير.
• دي قرعة مبرمجة بشكل.
• دي قرعة شبعانة )برمجة(.
• قرعة موضوعة بي مزاج.
• وحسب الطلب.
• البقدر يحدد عبر القرعة ان يلعب الهلال والمريخ في اخر اسبوع من الدوري وكذلك الاهلي شندي والخرطوم الوطني قادر ان يفعل اي شيء في الاسابيع الاخرى.
• و
• )ونحن عايشين والحمدلله )النفس( بينزل ويطلع إلى الآن..ولا ينقصنا شيء سوى رؤياكم الغالية(.
• في حقيقة الامر – نحن زعلانين ليه؟.
• القرعة ذاتها لزومها شنو؟..اذا كانت نتائج المباريات تحددها لجنة سمير فضل.
• في المكاتب.
• والبطل والهبوط والصعود تحدده لجنة مجدي واسامة ومعتصم.
• ولا داسنها.
• يعني بقت على القرعة.
• القرعة برمجت ايضا على ان يلعب اي نادي مباريتين خارج ارضه ..ثم يلعب مباريتين داخل ارضه والعكس.
• الحاجة دي ممكن تعملها )القرعة(.
• الناس ديل قعدوا للقرعة في الواطة.
• اخرجوها بالصورة التى يريدونها.
• تعالوا شوفوا )البرمجة( الجد.
• تتخيلوا )القرعة( الما عندها رأس دي ..جعلت الهلال في الاسبوع الاول يلعب في )كادقلي(.
• قلنا قرعة ما مشكلة.
• الاسبوع التاني )القرعة( ذاتها جعلتنا نلعب في )الابيض(.
• طبعا حكاية هلال الابيض دي مقصودة باعتبار ان هلال الابيض مع الاهلي شندي هما اكثر اندية الولايات جاهزية وقدرة.
• لكن برضو ما مشكلة.
• قرعة – ما فيها اي حاجة.
• اقتنعنا.
• اتخيلوا القرعة )بنت الكلب( دي عملت شنو؟.
• القرعة دي عملت ليها حاجة اصلو ما بتتخيلوها.
• ولا بتقنعوني بيها.
• القرعة جعلت اول مباريات المريخ خارج ولاية الخرطوم في الاسبوع السابع.
• الجماعة ديل )6( اسابيع ما بطلعوا من الخرطوم.
• اول طلوع لهم في الاسبوع السابع.
• والله لو ناس اسامة عطا المنان ما شايفنها شينة – الى ان ينتهي الدوري المريخ دا ما يطلعوه من الخرطوم.
• لكن نقول شنو؟.
• نقول )قرعة(.
• يمكن القرعة تعمل كدا.
• مرات القرعة بتعمل اكتر من كدا.
• القرعة بتعمل كدا.
• بتخلي الهلال يلعب في كادوقلي في اول اسبوع.
• وفي الابيض في تاني اسبوع.
• في الوقت الذي يخرج منه المريخ من ولاية الخرطوم لاول مرة في الاسبوع السابع.
• دي بتحصل.
• دي ممكن تعملها )قرعة(.
• نفترض كدا.
• ونقول يمكن تكون.
• نشيل نظرية )المؤامرة( من رأسنا.
• نفترض حسن النوايا.
• ونقول ما في قصد.
• ولا في برمجة.
• انتوا عارفين المريخ في الاسبوع السابع ح يلعب وين؟.
• المريخ في الاسبوع السابع يا سادة ح يلعب مع ابنه الاصغر )مريخ الفاشر(.
• شفتوا )الحنية( دي كيف؟.
• في حنية اكتر من كدا.
• اعتبروها )قرعة(.
• قولوا )القرعة( ارادت كدا.
• قصدتها.
• هل يمكن ان يلعب المريخ في الاسبوع الثامن في )الفاشر( ايضا.
• يعني ولا يتعبوا.
• ولا يطلعوا من المدينة.
• لا ترحيل.
• ولا سفر.
• ولا تعب.
• ولا يحزنون.
• المريخ في الاسبوع الثامن ح يلعب في الفاشر برضو.
• دي القرعة عملتها كيف؟.
• المريخ في الاسبوع الثامن ح يلعب ايضا في الفاشر.
• في راحة اكتر من كدا.
• في برمجة ممكن تكون كدا.
• لو القرعة دي جابوا ابوجريشة ومحي الدين عبدالتام صور ..ممكن يضع )القرعة( للمريخ بالصورة دي.
• الجماعة ديل لو كشفوا ليهم )الورق(.
• لو قالوا ليهم برمجوا مبارياتكم براكم – على راحتكم ..ما ممكن يعملوها ظاهرة كدا.
• على الاقل بيخجلوا شوية.
• بيشعروا بالخجل.
• ما بعملوها كدا.
• القرعة دي للمريخ قرعة )5( نجوم.
• القرعة دي فيها ريحة سمير فضل.
• فيها ريحة اسامة عطا المنان.
• اصلو ما ممكن تقنعوني ان الموضوع دا تم )عفويا( كدا.
• ومن غير قصد.
• و
• )ونحن عايشين والحمدلله )النفس( بينزل ويطلع إلى الآن..ولا ينقصنا شيء سوى رؤياكم الغالية(.
• بالمناسبة انا ما بتقنع ليك بـ )الصدفة(.
• ما في حاجة اسمها )صدفة(.
• اي حاجة مخطط لها.
• ما في حاجة ساكت.
• العالم دا ماشي بي نظام.
• ماشي بي حساب.
• الواحد يعرس ..وبعد )10( سنوات ..يقول ليك تتخيل زوجتي دي انا شفتها وين؟.
• تقول ليه وين؟.
• يقول ليك : )صدفة(.
• القسمة والنصيب يا عالم فيها )صدفة(.
• الواحد يسافر السعودية ويمسك ليه شركة كبيرة ..ويعمل ليه قروش وعربات وشركات.
• ويرجع يقول ليك تتخيل سفري للسعودية وشغلي دا كان )صدفة(.
• يا جماعة ..انتوا كدا بتغلطوا …)الارزاق( ما ممكن تكون )صدفة(.
• اي حاجة مكتوبة.
• واي حاجة مسطرة.
• اي حاجة مقسمة.
• يعني لو انت ماشي في شارع ..وقمت فجأة غيرت شارعك ..ومشيت بي شارع تاني عشان تلاقي ليك زول – ليك منو )7( سنوات ..ما تعتبروا )الشوفة( دي )صدفة(.
• خلونا نطلع من تعويم العواطف البصورة دي.
• خلونا نحسبها بي عقلانية اكتر.
• اي حاجة مكتوبة.
• واي حاجة مسطرة.
• طيب )الصدفة( وين هنا؟.
• انا لا بقتنع بالصدفة.
• ولا بقتنع بالقرعة.
• وقرعة الدوري الممتاز دي بالذات كمان )مبرمجة(.
• باعتراف اهلها.
• ومخطط لها.
• وقاصدنها.
• وعاملنها كدا.
• قرعة شنو البتلعبني في )كادوقلي( من اول اسبوع؟.
• قرعة شنو البتخلينا نمرق في )الابيض( الاسبوع التاني؟.
• طيب قول دي قرعة.
• قرعة المريخ يطلع من الخرطوم في الاسبوع السابع.
• وقرعة المريخ يلعب الاسبوع السابع في الفاشر.
• ويلعب الاسبوع الثامن في الفاشر برضو.
• وقت تعملوها.
• بتعملوها شينة.
• ظاهرة.
• ولا عاوزة ليها اجتهاد.
• و
• )ونحن عايشين والحمدلله )النفس( بينزل ويطلع إلى الآن..ولا ينقصنا شيء سوى رؤياكم الغالية(.
• …………
• و
• شيبوب امس نور الفضائيات السودانية.
• شيبوب ظهر بثقة مبالغ فيها.
• شيبوب ظهر ثابت ..ومركز وذكي كمان.
• وكمان عندو )السخرية(.
• الزول دا كان مدفون في المريخ.
• والله نحن ما فاكرنو كدا.
• ……
• السيدة )ل( – الجوهرة كملت سنة – الليلة مع العمود موزع ليكم )حلاوة(.
• ناس المكتبات ما يشلوها منكم.
• وقرّط على كدا

Admin


الرجوع الى أعلى الصفحة اذهب الى الأسفل

مُشاطرة هذه المقالة على: Excite BookmarksDiggRedditDel.icio.usGoogleLiveSlashdotNetscapeTechnoratiStumbleUponNewsvineFurlYahooSmarking

 
صلاحيات هذا المنتدى:
تستطيع الرد على المواضيع في هذا المنتدى