الخميس 23 سبتمبر 2021 - 21:29
من البادية .. الفرجوني وشيخ الـمُر ..!
يقول الفرجوني: عدت من البادية وكان عندي كلب صيد اسمو تمام بحبو جداً من فصيلة الكلاب السلوقية وهي أشهر كلاب الصيد، وجدته علي رصيف الشارع ميتاً غارقا في الدم .. حزنت حزن عميق وزعلت عليه زعل شديد جداً، وعلمت ان سائق لوري صدمو .. فقلت ناعياً كلبي وداعي علي قاتله:
مـا دوامـة يا تمـام كِـيوف الشــارع
اصلو الدنيا معدا والمعيشة شوارع
بعد ما كـت سـباحاً يمينك ضــارع
كِتِلتّ الليلة واتدردقت فوق الشـارع
ويواصل:
ضربك لوري عاد ينشل يمين السايقو
وينعصـر النَفّس تعـدم عليهـو طرايقو
مـثل مـا تف زورك قـندراني يضايقـو
يتِفـو تَفِيف مـلاح مـا يلقا زولا يلايقـو
جماعة من اصحابو قالو ليه كلبك ده ما بتلاقي زيو الا عند شيخ الـمُر محمد ود التوم ناظر الكبابيش، لكين شيخ الـمُر بحب الكلاب بتاعتو وما بفرط فيها مهما حصل .. الفرجوني قال ليهم انا بمشي ليه وما برجع منو الا بي كلب.!
وسافر الفرجوني وطبعا كان يعلم بان شيخ المر قد يمانع في اعطائه الكلب، لذلك فكر في اللجوء للحيلة، ووجد انو مافي مجال الا بالشعر لاقناعه، وعندما وصل الي ديار الكبابيش، علم ان الشيخ في المحكمة، ذهب الفرجوني للمحكمة حيث يجلس شيخ المر في موقع متميز بين قومه لحل المشاكل ولا تخطيء عينه الغريب.
عندما شاهد الشيخ الفرجوني امر احد اعوانه: قوم يا ولد سوط الليمون للضيف.
يجيء الولد بقرعة ماهلة عكرانة بالليمون يضعها الفرجوني امامه ولا يشرب منها.
الشيخ قال ليه: ات مكاجرنا مالك يا الضيف، وذلك عندما مر وقت طويل ولم يشرب الفرجوني من القرعة التي يتماوج الليمون على سطحها.
يبدأ الفرجوني الكلام ويقول:
والله يا شيخ المر انا مظلوم والظالمني انت.
ويقع هذا الكلام على اذان السامعين وقوع الدهشة ..!
رد عليه الشيخ: ظالمك انا.؟ اتا منو يا خوي وجيت من وين .؟
فيجيبه الفرجوني شعرا :
جيت من غـادي يا فـارس الشـوارف الـغُر
جيت من غادي يا صافي الحناضل الـمُر
جيتك وعندي فيك أملا كبير يا الـمُر
بدور كلـباً مـن الغـنم المعـادي يجُـر
ويبدأ الفرجوني يبين مواصفات الكلب الذي يريده..
لين ارثاق و واســع قر و باهي وريك
منيع ليحان و في عرقوبو لين وقصر
رقيق قدوم طوال اضنيهو ماهن صر
رهيفا جلدو زي توب السواكني الحر
رقيق نايبوا وابيض لونو متل الدر
شدوقو طوال ومتل الجمرة عينو حمر
مبربحة راحـتو اضيفراتو ماهن صُر
سريع في القومة في الميسة البعيدة صبور
معقد دوفو اشنق ضامر دبور
حراتو اكيدة مبور ود مبور ضنيبو قصير
ان طال فد شير معبور
قال شيخ الـمُر تسوبيهو شنو :
رد عليه الفرجوني :
بجي الوباني زمن قومته السحاب الغر
ويقلب نيلو يتعفرت رعيدو يكور
يمرقا ضمرا سمحات نسلهن حر
وهجانيهن يلبد بالحدوب ويمر
يعدا دور علي حدبا جواروا قفور
ويبقا بيوض بعد ما قبيل حوباش و صفور
طريفيهن يدور و بالحدوب يدفور
وان جالت عنقنهن دغش اور اور
يعدا دور علي حدبا جواروا شحيح
وكيلانهن يطاردا في الدعاش والريح
يعدا دور عقب رادعات حدي ام سيح
وان جمعا عقيدهن يوجهن لاريح
يمرقن غادي من بلد الزوال والحي
ويرسن في لقيط حنتوت معاهو سحي
يبرد ليهن الرمضة بريدا حي
يختنلك كحيل ادعس لوين و ني
يضارنو و يجارنو و يباريهن و يبارنو
و يجاريهن و يجارنو و يقاويهن ويقاونو
ويطاردهن مع الشهلال ويطارضنو
ويابن مرتع المخراب كيف يضفرنو
يتقدم عقيدهن و هن يدفرنو
رحيل التالته في فد ليل يسافرنو
مراعيهن خدير هن يخبرنو
يرعا عاست ام شرواط ويبرنو
سماحت سهنتو و مشادو فرنو
وتشوفو مقلب العراك يجرنو
وجيهن بهالكلب يشوفنو
يعرفا ياهو لحاقن يخافنو
ان صرت عقيدة الريح يقافنو
يحلبن جر جريهن تب يصفنو
يسويهن حسبة في صدرو
يعلن شارف العلاو يطالبنو
يبرد فكو لا يكيلهن يتعبنو
يتمحنن قبيل قايلات يغلبنو
وفيهن يحس الفزرة
ويمد توابو ويتمدد يجيب جدعا قبيل ما دقاق
وفيهن يلوص صقيرا كارش ام خناق
يدردق كول وعقبان كول وتيس وعناق
يضحك شيخ الـمُر قائلا .. كدِي اشرب الموية وبرد حشاك وتمشي البيت نضبح ليك الشايلة .. وحرم كلبك الوصفتو قاعد تسوقو معاك الليلة وان درت عشرة بديك ..!
وعن الشيخ الـمُر زعيم الكبابيش الراحل الناظر محمد علي التوم ..
شيخ المر هذا هو زعيم الكبابيش الاستثنائي الشيخ محمد ابن السير الشيخ علي التوم ناظر عموم قبائل الكبابيش .. ولد الشيخ محمد علي التوم الشهير بالمر في عام 1909م وعرف ذلك التاريخ عند قبيلة النوراب بشعبة كجمر الوسطانية، وهو وكيل نظارة الكبابيش، وعندما توفي شقيقه الاكبر الشيخ التوم علي التوم ناظر عموم الكبابيش واول ناظر للكبابيش بعد والده السير علي التوم خلفه الشيخ محمد علي التوم )المر( لان ابن الشيخ التوم، الناظر الشيخ حسن التوم، كان صغيرا لذلك صار عمه الشيخ محمد )المر( وكيل نظارة عموم الكبابيش ورئيس كل محاكمها الشعبيه من ام قوزين و ام سنطة وحمرة الشيخ غربا الي فتاشه شرقا ومن ام بادر جنوبا الي ام قرين وعد احمد وابوسفيان و وادي هور شمالا ..
كل قبائل السودان تعرفه وخاصة قبائل كردفان ودارفور ويعرفونه نظار القبائل وزعماء العشائر لانه موضع تقديرهم لشجاعته وحكمته، ودائما ما يكون له قصب السبق في الصلح بين القبائل وحل النزاعات وله الكلمة المسموعة كما وصفه الشاعر في قوله:
عندك رأي سمح عندك معاهو أفكار
عندك فـوت كتير فايت علـي النظار
ود الفنجــري اللامِ القريب والجــار
وقيل في وصف كرمه وجوده:
ابو ياقُوب جلِيس الكجَرولهِن طَاق
دقر بيلا المراقدو الطَينة والشَّقاق
ابو دكنة البِحِلِق مِن زقاق لى زِقاق
ؤجَاب بَالات تِقال فِيهِن بِضَاعة إسحق
الهارود البصب لي الِيهُو مو نقناق
خريف شُرِّى البِكُب فوق المساكين حَاق
مو دَردق هَدر جى شايل العَرَّاق
وفى بطنو القَعُوى سِحلِى وعيالو دِقاق
يا مُر الحَناضل الأصلو ما بِنضاق
سِيد خمسين على خمسين صِلاهِن بَاق
وسيد خمسين على خمسين قَعُود شَنَّاق
وسيد خمسين على خمسين بِحَلبوهِن عَشِية فُواق
وسيد خمسين على خمسين عَنانِيفَن بِجن لى سباق
وسيد خمسين على خمسين بِكُجرَن فوق طويل الساق
والشيخ المر هو الزعيم الكباشي الذي اوقف العداء مع كل القبائل المجاوره بحكمته وحنكته، وخلق معها علاقات وطيدة وقوية ومتينة وصداقات راسخة الي يومنا هذا .. وهو الزعيم القبلي الذي قال قولته المشهورة للزعيمين السيد الازهري والسيد محمد احمد المحجوب: )احزابكم دي ما عندها رماد خشمها اذا ما خدمتو لينا مناطقنا وعملتو الدوانكي والمدارس والشفخانات باكر بتجي الانتخابات ونحن النظار بنرشح ود ابوسن ولا ود منعم منصور وبنفوزو وبنسوي رئيس( ..
والشيخ الـمُر هو الزعيم القبلي الوحيد الذي اوقف ما يسمي بكتائب مايو في منطقته وقصته مشهورة مع الرئيس الراحل جعفر نميري .. وفي إحدي زيارات الرئيس نميري لمنطقة سودري وشمال كردفان وكان عام جدب والجفاف قد ضرب تلك المناطق قال له شيخ المر: يا رئيس هذا العام عام جدب وجفاف وقبائلنا معثرة ونطلب منك أن تعفي لنا ضريبة القطعان لهذا العام لكون السنة مجدبة، وقد كان أن إتخذ الرئيس قرارا بإعفاء الرعاة في المنطقة من ضريبة القطعان لمدة عام كامل إستجابة لرغبة الشيخ المر وإكراما له ..
امتدت علاقات وصداقات شيخ الـمُر خارج السودان وله علاقه وقصة مشهوره مع الزعيم المصري الراحل جمال عبد الناصر وقد اهدي له الزعيم عبدالناصر بندقيه في احدي زيارات المر لمصر، وهي ما زالت لدي ابنائه .. كما ان للشيخ الـمُر علاقات وطيده وقوية مع بعض شيوخ القبائل الليبيه والتشادية لان الكبابيش في رحلة الجزو يتوغلون حتي حدود ليبيا وتشاد ..
الزعيم محمد علي التوم )شيخ الـمُر( له مناقب ومآثر وسيرة لا يمكن حصرها .. وكان يهوي تربية الكلاب التي ارتبطت ارتباطاً وثيق بسيرته، وكان يميل اليها ويتخير أجودها، وكلاب المر معروفة وأغلبها من فصيلة الكلاب السلوقية وهي من اجود كلاب الصيد )واصلها من اليمن(، والكلاب النمور كما يطلق عليها، ومن أشهر كلاب الـمُر كلبه )عكام( وهو ضخم الجثة قوي البنية ..
والـمُر وهذا لقبه ولقب ايضاً بازرق، وابو ام عزين، وام عزين هي ابنته البكر وفي هذا قيل:
أبو معزين ضراع دود الخلا القنات
يات من صاولك طيعتو لي الخطرات
البكري الهاج رشاش ورك علي اللقحات
أبو عينا شرارة النمر أبو عاجات
تمساح أتبره الفايت العشاريات
قراش للفقر بمسح مع الموجات
ومن ألقابه ايضاً ابو التوم، وابو يعقوب تيمناً بعمه فارس النوراب المشهور محمد ود التوم .. وفي هذا قيل:
أبو يعقوب جليس الديمة عرضانات
ود كحلة القنت وأمات جن عاصمات
كان الناظر محمد ود التوم، شيخ الـمُر رجلا كريما فارساً قيل فيه الكثير من الشعر وعلي سبيل المثال:
ان زاينتو ما بتقدر تكمل زينو
وان خاصمتو خط سنتين بينك وبينو
تمساح بحر موية الكتير عنينو
تصاقر الشَم ولا اللزرق تحامرك عينو
وقيل فيه ايضاً:
ازرق يا دقَر كردة النوايحك فاحَن
وياضٌلي وضراي يوم الخلوق الجاحن
يا أطُرْد الحلب خلّي العقول يرتاحَن
يا سيبونا عقبان الملاعب راحَن
وقيل فيه:
بحكيلك تمام عاجبني ابو ياقوب
عجب فيهو صادق وقُولى مُو مكضوب
عجبن مو نَفِخ تطلع نتيجتو هبوب
عجبن بى شهادتو ونِِسبتو ومَنسُوب
عشَان مُر لى المِعَادين ليكا ماك مشروب
وعشان قاعد تسر بَال البجيك أقرُوب
وعشان قاعد تفِش ضيم البِجيك مغلوب
وعشان قاعد تحل الفي السجن مكروب
وعشان الجربك من البَراكا بِتُوب
وعشان الخاصمك منك رقد مغضوب
وعشان مسموعك الواصِل شِروق وغروب
فيها يدوم لنا المِن توبو مو مسلوب
ابو دكنة العَلىِ وجهو الخطر مكتوب
عندما توفي عام 1981م، نعاه وبكاه الجميع ورثاه الشعراء وامتد رثاؤه خارج السودان الي موريتانيا، وكتب عنه الباحث الكبير في التراث الشعبي الراحل الاستاذ الطيب محمد الطيب، مقالا مطولا بجريدة الايام بعنوان )نجم الكبابيش الذي افل( .. وللحديث بقية ..
رحم الله الشيخ محمد علي التوم رحمة واسعة واسكنه فسيح جناته ..
والتحية لشاعرنا الاستاذ احمد الفرجوني
ابوبكر شيبون .
من البادية .. الفرجوني وشيخ الـمُر ..!
يقول الفرجوني: عدت من البادية وكان عندي كلب صيد اسمو تمام بحبو جداً من فصيلة الكلاب السلوقية وهي أشهر كلاب الصيد، وجدته علي رصيف الشارع ميتاً غارقا في الدم .. حزنت حزن عميق وزعلت عليه زعل شديد جداً، وعلمت ان سائق لوري صدمو .. فقلت ناعياً كلبي وداعي علي قاتله:
مـا دوامـة يا تمـام كِـيوف الشــارع
اصلو الدنيا معدا والمعيشة شوارع
بعد ما كـت سـباحاً يمينك ضــارع
كِتِلتّ الليلة واتدردقت فوق الشـارع
ويواصل:
ضربك لوري عاد ينشل يمين السايقو
وينعصـر النَفّس تعـدم عليهـو طرايقو
مـثل مـا تف زورك قـندراني يضايقـو
يتِفـو تَفِيف مـلاح مـا يلقا زولا يلايقـو
جماعة من اصحابو قالو ليه كلبك ده ما بتلاقي زيو الا عند شيخ الـمُر محمد ود التوم ناظر الكبابيش، لكين شيخ الـمُر بحب الكلاب بتاعتو وما بفرط فيها مهما حصل .. الفرجوني قال ليهم انا بمشي ليه وما برجع منو الا بي كلب.!
وسافر الفرجوني وطبعا كان يعلم بان شيخ المر قد يمانع في اعطائه الكلب، لذلك فكر في اللجوء للحيلة، ووجد انو مافي مجال الا بالشعر لاقناعه، وعندما وصل الي ديار الكبابيش، علم ان الشيخ في المحكمة، ذهب الفرجوني للمحكمة حيث يجلس شيخ المر في موقع متميز بين قومه لحل المشاكل ولا تخطيء عينه الغريب.
عندما شاهد الشيخ الفرجوني امر احد اعوانه: قوم يا ولد سوط الليمون للضيف.
يجيء الولد بقرعة ماهلة عكرانة بالليمون يضعها الفرجوني امامه ولا يشرب منها.
الشيخ قال ليه: ات مكاجرنا مالك يا الضيف، وذلك عندما مر وقت طويل ولم يشرب الفرجوني من القرعة التي يتماوج الليمون على سطحها.
يبدأ الفرجوني الكلام ويقول:
والله يا شيخ المر انا مظلوم والظالمني انت.
ويقع هذا الكلام على اذان السامعين وقوع الدهشة ..!
رد عليه الشيخ: ظالمك انا.؟ اتا منو يا خوي وجيت من وين .؟
فيجيبه الفرجوني شعرا :
جيت من غـادي يا فـارس الشـوارف الـغُر
جيت من غادي يا صافي الحناضل الـمُر
جيتك وعندي فيك أملا كبير يا الـمُر
بدور كلـباً مـن الغـنم المعـادي يجُـر
ويبدأ الفرجوني يبين مواصفات الكلب الذي يريده..
لين ارثاق و واســع قر و باهي وريك
منيع ليحان و في عرقوبو لين وقصر
رقيق قدوم طوال اضنيهو ماهن صر
رهيفا جلدو زي توب السواكني الحر
رقيق نايبوا وابيض لونو متل الدر
شدوقو طوال ومتل الجمرة عينو حمر
مبربحة راحـتو اضيفراتو ماهن صُر
سريع في القومة في الميسة البعيدة صبور
معقد دوفو اشنق ضامر دبور
حراتو اكيدة مبور ود مبور ضنيبو قصير
ان طال فد شير معبور
قال شيخ الـمُر تسوبيهو شنو :
رد عليه الفرجوني :
بجي الوباني زمن قومته السحاب الغر
ويقلب نيلو يتعفرت رعيدو يكور
يمرقا ضمرا سمحات نسلهن حر
وهجانيهن يلبد بالحدوب ويمر
يعدا دور علي حدبا جواروا قفور
ويبقا بيوض بعد ما قبيل حوباش و صفور
طريفيهن يدور و بالحدوب يدفور
وان جالت عنقنهن دغش اور اور
يعدا دور علي حدبا جواروا شحيح
وكيلانهن يطاردا في الدعاش والريح
يعدا دور عقب رادعات حدي ام سيح
وان جمعا عقيدهن يوجهن لاريح
يمرقن غادي من بلد الزوال والحي
ويرسن في لقيط حنتوت معاهو سحي
يبرد ليهن الرمضة بريدا حي
يختنلك كحيل ادعس لوين و ني
يضارنو و يجارنو و يباريهن و يبارنو
و يجاريهن و يجارنو و يقاويهن ويقاونو
ويطاردهن مع الشهلال ويطارضنو
ويابن مرتع المخراب كيف يضفرنو
يتقدم عقيدهن و هن يدفرنو
رحيل التالته في فد ليل يسافرنو
مراعيهن خدير هن يخبرنو
يرعا عاست ام شرواط ويبرنو
سماحت سهنتو و مشادو فرنو
وتشوفو مقلب العراك يجرنو
وجيهن بهالكلب يشوفنو
يعرفا ياهو لحاقن يخافنو
ان صرت عقيدة الريح يقافنو
يحلبن جر جريهن تب يصفنو
يسويهن حسبة في صدرو
يعلن شارف العلاو يطالبنو
يبرد فكو لا يكيلهن يتعبنو
يتمحنن قبيل قايلات يغلبنو
وفيهن يحس الفزرة
ويمد توابو ويتمدد يجيب جدعا قبيل ما دقاق
وفيهن يلوص صقيرا كارش ام خناق
يدردق كول وعقبان كول وتيس وعناق
يضحك شيخ الـمُر قائلا .. كدِي اشرب الموية وبرد حشاك وتمشي البيت نضبح ليك الشايلة .. وحرم كلبك الوصفتو قاعد تسوقو معاك الليلة وان درت عشرة بديك ..!
وعن الشيخ الـمُر زعيم الكبابيش الراحل الناظر محمد علي التوم ..
شيخ المر هذا هو زعيم الكبابيش الاستثنائي الشيخ محمد ابن السير الشيخ علي التوم ناظر عموم قبائل الكبابيش .. ولد الشيخ محمد علي التوم الشهير بالمر في عام 1909م وعرف ذلك التاريخ عند قبيلة النوراب بشعبة كجمر الوسطانية، وهو وكيل نظارة الكبابيش، وعندما توفي شقيقه الاكبر الشيخ التوم علي التوم ناظر عموم الكبابيش واول ناظر للكبابيش بعد والده السير علي التوم خلفه الشيخ محمد علي التوم )المر( لان ابن الشيخ التوم، الناظر الشيخ حسن التوم، كان صغيرا لذلك صار عمه الشيخ محمد )المر( وكيل نظارة عموم الكبابيش ورئيس كل محاكمها الشعبيه من ام قوزين و ام سنطة وحمرة الشيخ غربا الي فتاشه شرقا ومن ام بادر جنوبا الي ام قرين وعد احمد وابوسفيان و وادي هور شمالا ..
كل قبائل السودان تعرفه وخاصة قبائل كردفان ودارفور ويعرفونه نظار القبائل وزعماء العشائر لانه موضع تقديرهم لشجاعته وحكمته، ودائما ما يكون له قصب السبق في الصلح بين القبائل وحل النزاعات وله الكلمة المسموعة كما وصفه الشاعر في قوله:
عندك رأي سمح عندك معاهو أفكار
عندك فـوت كتير فايت علـي النظار
ود الفنجــري اللامِ القريب والجــار
وقيل في وصف كرمه وجوده:
ابو ياقُوب جلِيس الكجَرولهِن طَاق
دقر بيلا المراقدو الطَينة والشَّقاق
ابو دكنة البِحِلِق مِن زقاق لى زِقاق
ؤجَاب بَالات تِقال فِيهِن بِضَاعة إسحق
الهارود البصب لي الِيهُو مو نقناق
خريف شُرِّى البِكُب فوق المساكين حَاق
مو دَردق هَدر جى شايل العَرَّاق
وفى بطنو القَعُوى سِحلِى وعيالو دِقاق
يا مُر الحَناضل الأصلو ما بِنضاق
سِيد خمسين على خمسين صِلاهِن بَاق
وسيد خمسين على خمسين قَعُود شَنَّاق
وسيد خمسين على خمسين بِحَلبوهِن عَشِية فُواق
وسيد خمسين على خمسين عَنانِيفَن بِجن لى سباق
وسيد خمسين على خمسين بِكُجرَن فوق طويل الساق
والشيخ المر هو الزعيم الكباشي الذي اوقف العداء مع كل القبائل المجاوره بحكمته وحنكته، وخلق معها علاقات وطيدة وقوية ومتينة وصداقات راسخة الي يومنا هذا .. وهو الزعيم القبلي الذي قال قولته المشهورة للزعيمين السيد الازهري والسيد محمد احمد المحجوب: )احزابكم دي ما عندها رماد خشمها اذا ما خدمتو لينا مناطقنا وعملتو الدوانكي والمدارس والشفخانات باكر بتجي الانتخابات ونحن النظار بنرشح ود ابوسن ولا ود منعم منصور وبنفوزو وبنسوي رئيس( ..
والشيخ الـمُر هو الزعيم القبلي الوحيد الذي اوقف ما يسمي بكتائب مايو في منطقته وقصته مشهورة مع الرئيس الراحل جعفر نميري .. وفي إحدي زيارات الرئيس نميري لمنطقة سودري وشمال كردفان وكان عام جدب والجفاف قد ضرب تلك المناطق قال له شيخ المر: يا رئيس هذا العام عام جدب وجفاف وقبائلنا معثرة ونطلب منك أن تعفي لنا ضريبة القطعان لهذا العام لكون السنة مجدبة، وقد كان أن إتخذ الرئيس قرارا بإعفاء الرعاة في المنطقة من ضريبة القطعان لمدة عام كامل إستجابة لرغبة الشيخ المر وإكراما له ..
امتدت علاقات وصداقات شيخ الـمُر خارج السودان وله علاقه وقصة مشهوره مع الزعيم المصري الراحل جمال عبد الناصر وقد اهدي له الزعيم عبدالناصر بندقيه في احدي زيارات المر لمصر، وهي ما زالت لدي ابنائه .. كما ان للشيخ الـمُر علاقات وطيده وقوية مع بعض شيوخ القبائل الليبيه والتشادية لان الكبابيش في رحلة الجزو يتوغلون حتي حدود ليبيا وتشاد ..
الزعيم محمد علي التوم )شيخ الـمُر( له مناقب ومآثر وسيرة لا يمكن حصرها .. وكان يهوي تربية الكلاب التي ارتبطت ارتباطاً وثيق بسيرته، وكان يميل اليها ويتخير أجودها، وكلاب المر معروفة وأغلبها من فصيلة الكلاب السلوقية وهي من اجود كلاب الصيد )واصلها من اليمن(، والكلاب النمور كما يطلق عليها، ومن أشهر كلاب الـمُر كلبه )عكام( وهو ضخم الجثة قوي البنية ..
والـمُر وهذا لقبه ولقب ايضاً بازرق، وابو ام عزين، وام عزين هي ابنته البكر وفي هذا قيل:
أبو معزين ضراع دود الخلا القنات
يات من صاولك طيعتو لي الخطرات
البكري الهاج رشاش ورك علي اللقحات
أبو عينا شرارة النمر أبو عاجات
تمساح أتبره الفايت العشاريات
قراش للفقر بمسح مع الموجات
ومن ألقابه ايضاً ابو التوم، وابو يعقوب تيمناً بعمه فارس النوراب المشهور محمد ود التوم .. وفي هذا قيل:
أبو يعقوب جليس الديمة عرضانات
ود كحلة القنت وأمات جن عاصمات
كان الناظر محمد ود التوم، شيخ الـمُر رجلا كريما فارساً قيل فيه الكثير من الشعر وعلي سبيل المثال:
ان زاينتو ما بتقدر تكمل زينو
وان خاصمتو خط سنتين بينك وبينو
تمساح بحر موية الكتير عنينو
تصاقر الشَم ولا اللزرق تحامرك عينو
وقيل فيه ايضاً:
ازرق يا دقَر كردة النوايحك فاحَن
وياضٌلي وضراي يوم الخلوق الجاحن
يا أطُرْد الحلب خلّي العقول يرتاحَن
يا سيبونا عقبان الملاعب راحَن
وقيل فيه:
بحكيلك تمام عاجبني ابو ياقوب
عجب فيهو صادق وقُولى مُو مكضوب
عجبن مو نَفِخ تطلع نتيجتو هبوب
عجبن بى شهادتو ونِِسبتو ومَنسُوب
عشَان مُر لى المِعَادين ليكا ماك مشروب
وعشان قاعد تسر بَال البجيك أقرُوب
وعشان قاعد تفِش ضيم البِجيك مغلوب
وعشان قاعد تحل الفي السجن مكروب
وعشان الجربك من البَراكا بِتُوب
وعشان الخاصمك منك رقد مغضوب
وعشان مسموعك الواصِل شِروق وغروب
فيها يدوم لنا المِن توبو مو مسلوب
ابو دكنة العَلىِ وجهو الخطر مكتوب
عندما توفي عام 1981م، نعاه وبكاه الجميع ورثاه الشعراء وامتد رثاؤه خارج السودان الي موريتانيا، وكتب عنه الباحث الكبير في التراث الشعبي الراحل الاستاذ الطيب محمد الطيب، مقالا مطولا بجريدة الايام بعنوان )نجم الكبابيش الذي افل( .. وللحديث بقية ..
رحم الله الشيخ محمد علي التوم رحمة واسعة واسكنه فسيح جناته ..
والتحية لشاعرنا الاستاذ احمد الفرجوني
ابوبكر شيبون .
