الأحد 27 مارس 2022 - 20:33
ندى الصباح
كلمات : خالد شقوري
الحان إيقاع كورال ولمسات طنبور : النصري

النّص
خبرك صباح .. يامبتدأ
ست الغنا اليادوب بدأ
حورية البحر .. النزل
من السحاب قطرات ندى
يا عزة النخل الشمخ
يا رقة الشادي الشدا
يا نفحة الحِن القديم
الساقني لي أبعد مدي
*****
بكتب غناكى البشبهك
ما بكتب البشبه غناي
وأملا القوافى معزتك
وأرجاكى متلفح صفاي
كل البلابل والطيور
إتجمعت من جاي وجاي
حتى الفراشات شرفت
حفلة صباحاتك معاي
وسلام عيونك .. هدهدة
*****
بتأملك .. والصورة روح
تملانى إحساس بالجنون
وإتخيلك نفحة عطر
فى حرفك الدافي الحنون
أقطف من الأعناب غُناي
إنساق وراء الأشواق شجون
وأرحل معاكى بلا رجوع
في سفرة يملاها السكون
والدنيا كلها تشهدا
*****
أجمل قدر لمن بقيت
ابدأ الشروق الزاهى بيك
وإتامل اللوحة المعاي
لمن أصافى صفا عينيك
وإتخيل .. اللقاء والألق
فنجان مشاعر من إيديك
وأحلف وأقول يوماً سعيد
درب المحنة الجابنى ليك
وملانى إلفة وفرهدة
*****
عارف حضوري بعد غياب
وظروف تصارع الإحتمال
إحساس مجافيهو الامل
وأحلام تجابد في المحال
قدر المسافر للبعيد
شايل هموم الحال رحال
لا بحتمل تعب السفر
لا بحتمل سفر الخيال
لا عين تلاقي مسهدة
للتحميل إضغط علي الرابط التالي :
https://i.top4top.io/m_2191l5tdc1.mp3‏
تم التسجيل والمكساج بأستوديوهات
علي عبدالستار - قطر الدوحة
مهندس صوت: وليد أبو القاسم

مشاركة علي فيسبوك



ــــــــــــــــــ
الحديبة نيوز
.....‏
للاعلان بهذه المساحة واتساب
0919496619