الثلاثاء 16 أغسطس 2022 - 15:30
*الهلال عمل عملية جميلة
*أعاد قيد غالبية لاعبيه القدامى
*تكريماً لهم ووفاءً وعرفانا
*وعشان ينالوا شرف ختم حياتهم الرياضية بكشوفات النادي
*ما أعادوا تسجيلهم بالتأكيد عشان يلعبوا
*ولكنه وفاء لأهل عطاء
*ده رياضياً
*تعالوا نطبق تجربة العليقي سياسياً
*كلو حزب يجيب قدامى لاعبيه ماعشان يلعبوا بالتأكيد لكن عشان يكرمهم ويعلنوا تقاعدهم
*لأنو إشراكهم وهم بهذا المستوى يقود الحزب للخسارة داخلياً ويقود المنتخب )السودان( للخسارة
*مستوى غالبية قدامى لاعبي السياسة
*لايؤهلهم للمشاركة ولو في مباراة استعراضية
*ويكفي مانحن فيه الآن
*الراحل علي محمود لعب باص القون
*ختاها مقشرة
*لكن قدامى لاعبي السياسة المطعمين بأشبال تحت السن
*طفشوها في كشافات القيادة
*وناس القيادة مسكوا الكورة وأبوا يرجعوها
*طفشوها لرعونتهم وبطء حركتهم وضعف خبرات أشبالهم
*طفشوها وطفشونا
*طيرونا من بطولة كانت في متناول اليد
*وجا الزمن الإضافي
*دقت في الحديدة
*وانتهى الزمن الإضافي ونحنا مغلوبين واحد صفر
*لأنو مدرب الخصم لعب بالطريقة البرهانية
*اتنين حراس وقفلها بالكونتينرات
*وقفلها معانا
*الآن نحن في مرحلة ضربات الترجيح
*الخصم بشوت بالبوت
*يعني البوت لو طار مع الشوتة
*وضرب حارسنا في صدرو
*البوت وحارسنا والكورة
*كلهم بخشوا الشبكة
*وعشان ماتضيع الفرصة الأخيرة
*وحتى نثبت لمدرب الخصم إننا الأجدر بالبطولة لأننا مشينا في دربها مواكب وأرتال وعملنا لها بجد
*أقمنا معسكرات الإعداد بالشوارع وخلف المتاريس قضينا ليالينا
*اصحَ ياترس
*وحتى يقتنع مدرب الخصم أن الطريقة البرهانية التي يلعب بها
*لاتجدي مع شوارع مفتوحة في دفاعاته
*عشان يحصل ده كلو لازم ننتصر
*وعشان ننتصر دايرين عليقي سياسي يكرم القدامى ديل ويعتمد على الشباب في تنفيذ ضربات الترجيح
*ده كاس مابضيع
*أها
*نجي لي شمارات والي الخرتوم
*كان شفت ياوالينا
*البطولة بضربات الترجيح ممكن تجينا
*علي محمود جاب الدستور وختاهو لينا
*وين مشى دستور علي محمود يا والينا؟؟؟؟؟
شمارات الكلب
ننساك كيف والكلب قال البضيع ضربة جزاء بعضيهو لو عمرو مية سنة….قرفتونا
وإلى لقاء.
سلك
ــــــــــــــــــ
الحديبة نيوز
.....
للاعلان بهذه المساحة واتساب
0919496619
*الهلال عمل عملية جميلة
*أعاد قيد غالبية لاعبيه القدامى
*تكريماً لهم ووفاءً وعرفانا
*وعشان ينالوا شرف ختم حياتهم الرياضية بكشوفات النادي
*ما أعادوا تسجيلهم بالتأكيد عشان يلعبوا
*ولكنه وفاء لأهل عطاء
*ده رياضياً
*تعالوا نطبق تجربة العليقي سياسياً
*كلو حزب يجيب قدامى لاعبيه ماعشان يلعبوا بالتأكيد لكن عشان يكرمهم ويعلنوا تقاعدهم
*لأنو إشراكهم وهم بهذا المستوى يقود الحزب للخسارة داخلياً ويقود المنتخب )السودان( للخسارة
*مستوى غالبية قدامى لاعبي السياسة
*لايؤهلهم للمشاركة ولو في مباراة استعراضية
*ويكفي مانحن فيه الآن
*الراحل علي محمود لعب باص القون
*ختاها مقشرة
*لكن قدامى لاعبي السياسة المطعمين بأشبال تحت السن
*طفشوها في كشافات القيادة
*وناس القيادة مسكوا الكورة وأبوا يرجعوها
*طفشوها لرعونتهم وبطء حركتهم وضعف خبرات أشبالهم
*طفشوها وطفشونا
*طيرونا من بطولة كانت في متناول اليد
*وجا الزمن الإضافي
*دقت في الحديدة
*وانتهى الزمن الإضافي ونحنا مغلوبين واحد صفر
*لأنو مدرب الخصم لعب بالطريقة البرهانية
*اتنين حراس وقفلها بالكونتينرات
*وقفلها معانا
*الآن نحن في مرحلة ضربات الترجيح
*الخصم بشوت بالبوت
*يعني البوت لو طار مع الشوتة
*وضرب حارسنا في صدرو
*البوت وحارسنا والكورة
*كلهم بخشوا الشبكة
*وعشان ماتضيع الفرصة الأخيرة
*وحتى نثبت لمدرب الخصم إننا الأجدر بالبطولة لأننا مشينا في دربها مواكب وأرتال وعملنا لها بجد
*أقمنا معسكرات الإعداد بالشوارع وخلف المتاريس قضينا ليالينا
*اصحَ ياترس
*وحتى يقتنع مدرب الخصم أن الطريقة البرهانية التي يلعب بها
*لاتجدي مع شوارع مفتوحة في دفاعاته
*عشان يحصل ده كلو لازم ننتصر
*وعشان ننتصر دايرين عليقي سياسي يكرم القدامى ديل ويعتمد على الشباب في تنفيذ ضربات الترجيح
*ده كاس مابضيع
*أها
*نجي لي شمارات والي الخرتوم
*كان شفت ياوالينا
*البطولة بضربات الترجيح ممكن تجينا
*علي محمود جاب الدستور وختاهو لينا
*وين مشى دستور علي محمود يا والينا؟؟؟؟؟
شمارات الكلب
ننساك كيف والكلب قال البضيع ضربة جزاء بعضيهو لو عمرو مية سنة….قرفتونا
وإلى لقاء.
سلك
ــــــــــــــــــ
الحديبة نيوز
.....
للاعلان بهذه المساحة واتساب
0919496619