الخميس 16 مايو 2024 - 19:46
أصلها مرابيع لشعراء #البادية وهم:
١/الشاعر: محمد شريف العباسي
٢/الشاعر: عكير الدامر.
٣/الشاعر: محمد أحمد الفنجري
٤/الشاعر: عبدالله حمد شوراني
٥/الشاعر: الطيب حاج عبدالقادر
٦/الشاعر: محمدعلي ابو قطاطي
٧/الشاعر: علاء الدين ود البيه
محمد شريف العباسي:
يا مَوْلَايَ بشكيلَكْ شَقَايَا وغُلْبي
وحَظي الدِيمة من ردَ الأَنيسْ جَافلْبي
طَاْلت السَفْرَّه واتَحفًّتْ مَنَاسِمْ تِلْبي
وهَبَّ الرَّيمْ وعَاوَدَكْ الحِنينْ يَا قَلَبي
مَالكْ نَفْسِي مَطْعُونَة تَمَلي تَنِيني
مَالك عِيني للغَميدْ أَبيتي تْلِيني
عَطْشَانْ دِيمة كفحْ الموية ما برويني
كاتلاني الطريفية البريدا قريني
غصباً عني فَارقت الضَريح غَير أمري
وكل ماَهبّ نَسَّام مِنَُو زَادْ في جمري
جَرْحي القرَّبْ يبرى وكَادْ يوَّدرْ عُمري
عَوَدُو ليْ تغريد بلبلك يا قمري
عكير الدامر :
النَاس عَيدَتْ مَرَقتْ عَليْ أصْحَابَا
وانا فريتْ عَليْ الجَاهلَة السَمِحْ تِرحَابَا
فَاطراً يحكي بَرَّاق البدَودي سِحَابَا
لفَّتْ قَلَبي زي لفْ طَرْحَتَا اللافحَابَا
أَخَدَرْ لَيهُو ضُلْ فَوقُو المَحَاسِنْ شَرَّنْ
أَفْلج فَاطرو زَي برق السَواري الكرَّنْ
يِتقَسَمْ مَقَاطِع في المَشِي ويتْحرَّنْ
زي فرخ القطا الأماتو رَكَّنْ وفرَّنْ
من البيتْ جَا طَالع بيْ لُطُفْ يتكَّلْ
الطِيب المَفَحلْ بْي القُرُنفُل عَكَّلْ
فوق سَدْرُو وتحتْ تَوبُو الَرهيف ومَشَكَّلْ
يَغطِس ومَرَّة يقْلَع بُرْتُكانْ البركَلْ
محمد أحمد الفنجري:
عَمْ الهَادِي نَشَابْ البَريدَا ضَربْنِي
قَسَّمْ نومِي مِن تَيبَانْ حَيَايَ سَلَبَني
حَاكْم إَنصافي أَبَي يقْبَلْ سُؤَاليِ صَلبْني
وصَبْري الكَانْ جميل جَرَّبْتُو كُلُو غَلبْني
لَهَجِك زَي لذيذْ عَسَل النَحَل في الضوقْ
يالمَرْدَا الجَمَالِك بَهْدَلْ المَخَلُوقْ
إِتفننتِ فِي دَرْسَ الأَدبْ والذَوقْ
وكُلْ ما عِلينْ الطَبَقَاتْ لِقَنِكْ فُوقْ
عبد الله حمد ود شوراني :
أَحْ والوَحَه مَا بِتْدُورْ تَفَارِقْ قَلْبِي
أحْ من نار فلانة وجرحها النوسربي
يا نفسيِ الَصبُر لوُكيهُو لا تنْسَلبي
الحَظْ مَا بدُومْ يَومْ غَالبَة يوَمْ تنغَلْبيَ
الطيب حاج عبد القادر:
إَِتمنى الدَهَبْ لَو لَونُو يِشْبَه لَونِكْ
وأشتهَت الدُرَرْ لَو هِي تبْقَى سِنُونٍكْ
مَجْنُونْ لَيلي حَالتُو أقل مِن مَجْنُونِكْ
زَيْ مَا ليلي كَانَتْ في المحاسِنْ دُونِك
محمد علي ابوقطاطي :
شَعْرك مُنْتَظمْ زَيْ السَلاَسلْ فَتْلُو
وعِينك تَرقصْ الحَجَرْ إنْ بِقَتْ شَافَتْلُو
الطاؤوسة قَاصْدَه مَشِيَك ومَا عْرفَتْلُو
وأعصَابْ الرآكْ إتكهربَتْ تِلْفَتْلُو
علاء الدين ود البيه :
كِوْني حَلِيفُو مَالُو عَليَ بِعْلِنْ حَرْبُو
طَالِعْ سَعْدُو في شَرْقوُ وَمُنَوِّرْ غَرْبُو
سَيَانْ عِندٍي وَاحِد بُعدْوُ أوكَانْ قُرْبُو
مَا بَارَحْني في مُرُورْ النَفَسْ بَشْعُرْبُو
مَمْشُوق القَوَام الما وَجَدتَ نَظِيرُو
خِصَامُو مَعَايْ أَخيرْ ليَّ مِن مِحَنَة غَيرُو
جَافَاني العزِيزْ الكُتَّ ديمة نصيرو
هو يسوي الغلط وانا اسوي كتر خيرو
نقل: م البطحاني.
أصلها مرابيع لشعراء #البادية وهم:
١/الشاعر: محمد شريف العباسي
٢/الشاعر: عكير الدامر.
٣/الشاعر: محمد أحمد الفنجري
٤/الشاعر: عبدالله حمد شوراني
٥/الشاعر: الطيب حاج عبدالقادر
٦/الشاعر: محمدعلي ابو قطاطي
٧/الشاعر: علاء الدين ود البيه
محمد شريف العباسي:
يا مَوْلَايَ بشكيلَكْ شَقَايَا وغُلْبي
وحَظي الدِيمة من ردَ الأَنيسْ جَافلْبي
طَاْلت السَفْرَّه واتَحفًّتْ مَنَاسِمْ تِلْبي
وهَبَّ الرَّيمْ وعَاوَدَكْ الحِنينْ يَا قَلَبي
مَالكْ نَفْسِي مَطْعُونَة تَمَلي تَنِيني
مَالك عِيني للغَميدْ أَبيتي تْلِيني
عَطْشَانْ دِيمة كفحْ الموية ما برويني
كاتلاني الطريفية البريدا قريني
غصباً عني فَارقت الضَريح غَير أمري
وكل ماَهبّ نَسَّام مِنَُو زَادْ في جمري
جَرْحي القرَّبْ يبرى وكَادْ يوَّدرْ عُمري
عَوَدُو ليْ تغريد بلبلك يا قمري
عكير الدامر :
النَاس عَيدَتْ مَرَقتْ عَليْ أصْحَابَا
وانا فريتْ عَليْ الجَاهلَة السَمِحْ تِرحَابَا
فَاطراً يحكي بَرَّاق البدَودي سِحَابَا
لفَّتْ قَلَبي زي لفْ طَرْحَتَا اللافحَابَا
أَخَدَرْ لَيهُو ضُلْ فَوقُو المَحَاسِنْ شَرَّنْ
أَفْلج فَاطرو زَي برق السَواري الكرَّنْ
يِتقَسَمْ مَقَاطِع في المَشِي ويتْحرَّنْ
زي فرخ القطا الأماتو رَكَّنْ وفرَّنْ
من البيتْ جَا طَالع بيْ لُطُفْ يتكَّلْ
الطِيب المَفَحلْ بْي القُرُنفُل عَكَّلْ
فوق سَدْرُو وتحتْ تَوبُو الَرهيف ومَشَكَّلْ
يَغطِس ومَرَّة يقْلَع بُرْتُكانْ البركَلْ
محمد أحمد الفنجري:
عَمْ الهَادِي نَشَابْ البَريدَا ضَربْنِي
قَسَّمْ نومِي مِن تَيبَانْ حَيَايَ سَلَبَني
حَاكْم إَنصافي أَبَي يقْبَلْ سُؤَاليِ صَلبْني
وصَبْري الكَانْ جميل جَرَّبْتُو كُلُو غَلبْني
لَهَجِك زَي لذيذْ عَسَل النَحَل في الضوقْ
يالمَرْدَا الجَمَالِك بَهْدَلْ المَخَلُوقْ
إِتفننتِ فِي دَرْسَ الأَدبْ والذَوقْ
وكُلْ ما عِلينْ الطَبَقَاتْ لِقَنِكْ فُوقْ
عبد الله حمد ود شوراني :
أَحْ والوَحَه مَا بِتْدُورْ تَفَارِقْ قَلْبِي
أحْ من نار فلانة وجرحها النوسربي
يا نفسيِ الَصبُر لوُكيهُو لا تنْسَلبي
الحَظْ مَا بدُومْ يَومْ غَالبَة يوَمْ تنغَلْبيَ
الطيب حاج عبد القادر:
إَِتمنى الدَهَبْ لَو لَونُو يِشْبَه لَونِكْ
وأشتهَت الدُرَرْ لَو هِي تبْقَى سِنُونٍكْ
مَجْنُونْ لَيلي حَالتُو أقل مِن مَجْنُونِكْ
زَيْ مَا ليلي كَانَتْ في المحاسِنْ دُونِك
محمد علي ابوقطاطي :
شَعْرك مُنْتَظمْ زَيْ السَلاَسلْ فَتْلُو
وعِينك تَرقصْ الحَجَرْ إنْ بِقَتْ شَافَتْلُو
الطاؤوسة قَاصْدَه مَشِيَك ومَا عْرفَتْلُو
وأعصَابْ الرآكْ إتكهربَتْ تِلْفَتْلُو
علاء الدين ود البيه :
كِوْني حَلِيفُو مَالُو عَليَ بِعْلِنْ حَرْبُو
طَالِعْ سَعْدُو في شَرْقوُ وَمُنَوِّرْ غَرْبُو
سَيَانْ عِندٍي وَاحِد بُعدْوُ أوكَانْ قُرْبُو
مَا بَارَحْني في مُرُورْ النَفَسْ بَشْعُرْبُو
مَمْشُوق القَوَام الما وَجَدتَ نَظِيرُو
خِصَامُو مَعَايْ أَخيرْ ليَّ مِن مِحَنَة غَيرُو
جَافَاني العزِيزْ الكُتَّ ديمة نصيرو
هو يسوي الغلط وانا اسوي كتر خيرو
نقل: م البطحاني.
