الأحد 29 مايو 2022 - 20:36
غايتو )بعد تعب شديد و تلتله( حصلت علي نسخة من إتفاق سلام جوبا الموقعة بين الحركات المسلحة والحكومة الإنتقالية فى الثالث من أكتوبر العام )٢٠٢٠( ما تتخيل عزيزي القارئ حا أقوليك طلعت بشنو من قراءة أولية لبعض صفحاتها أقول )بعض( لان التكرار المكرر كثير وممل فما كتب تحت دارفور هو ما كتب تحت عنوان مسار الشرق ومسار الوسط و)مش عارف( )تمازج( فبدأت الجمل المكررة )تلف الرأس( أما التوقيعات )الشافتا عيني دي( غايوا خليها ساي ؟ ما نركز فى الموضوع ده كتير ! قالوا الأديب )العقاد( لم يحصل على ثانوية عامة فشنو؟
)ما تجيبوا لينا هواء ساكت(
حاولت أفهم ولو القليل ! فلم استطع وما سأكتبه لك عزيزي القارئ هو إنطباعي عن بعضاً من ما قرأت . من ما قرات فاهمني يا اسطي؟
الاتفاق عادة يتم بين طرفين او عدة اطراف من كل جانب يتوافقون على اشياء ومخرجات معينة يتم التوافق عليها بعد تنازلات من كل طرف بعدها يتم تحديد أطر تنفيذ هذا الاتفاق داخل قنوات و تواريخ متفق عليها دون الاضرار بحقوق طرف دون الاخر وصولاً للهدف المنشود سواءاً كان الاتفاق تجاري او امني او غير ذلك !
)هذا ما افهمه( غايتو
لكن )تعالوا شوفوا( إتفاق سلام )جوبا( الطرف أول سمي )بالحكومة الانتقالية( وأضيف لها من عندي )المغلوبة على أمرها( والطرف الثاني عشرة كيانات زائد )أطراف أخري( تتدلل و تتشرط من الجانب الآخر ! يعني بإختصار )كده( أساس الاتفاقية أعرج ومختل قول لي كيف ؟
أقول ليك أنا
المضمون العام الذى يفهم من اول سطورها هو يا ايها الحكومة الانتقالية عليك ان )تدفعي( و بالسبابة !
فى المقابل لم أجد التزام أو تنازل واحد على الحركات المسلحة ان تقدمه لهذا الوطن من اجل إقالة عثراته ؟ اى مبدأ التنازل والتضحية من قبل الطرف الثاني يكاد يكون معدوم
إتفاقية كلها مطالب من المركز و بصورة ضاغطة تاريخاً واجلاً فاي حكومة فى العالم هذه التى يمكن ان تؤمن كل هذه الالتزامات )اللا منطقية( ، مائة مليون دولار بعد التوقيع مباشرة قال ليك )قولة خير( و )٧٥٠( مليون دولار سنوياً وأظنها لمدة عشرة سنوات وإعفاءات طلاب دارفور من رسوم الجامعات الحكومية و)مش عارف( تخصيص ٢٠% من المنح الدراسية الداخلية والخارجية وفرص التدريب لناس دارفور و )مُش عارف( ناس الشرق برضو )خامشين ليهم هُبرة( ومسار الشمال تحدث عن تعويضات وجبر الضرر والوسط أيضاً لديه مطالبات تنموية وتأهيل مشاريع ! وهكذا .
)من وين ياولاد( !!!
و الغريب أن بعض المسارات )من دون تسميتها( بتاكل بالفكين والجُضمين الاثنين سوا زي الغنماية ! )طبعا ما فهمتا الحركة دي يا عب باسط صاح( ؟
أقول ليك كيف . قول مثلاً يخصص للاقليم الفلاني ٤٠% من المعادن والنفط الموجود داخل اراضية مش الكلام ده واضح؟ يقول ليك لا وكمان معاها ٣% أخري للسكان المجاورين لموقع التعدين )كبدل غبار وازعاج وكده( يعني الناس ديل بعد ما يضبحوا )السماية( بشيلو معاهم )كراع( الداية برضو !
اظن )الكوامر بتذكروا العادة دي( .
الكلام ما وقف هنا وبس لا هناك برنامج زمني للتنفيذ يا حكومة يا انتقالية ؟ عليك الالتزام به ومحدد باليوم والساعة !
يا جماعة الحكومة دي منو ؟ وتجيب ليكم من وين ؟
وبالمناسبة لو أخدناها بالقانون الاتفاق ده زااتو سقط شرعاً وقانوناً قول لي ليه ؟
لأنو الطرف الاول الحكومة الانتقالية و الحكومة )راحت( فى خبر )كانا( ! اذا الاتفاقية اصبحت )باااح(
)برأيي( كان يجب أن تشتمل قرارات )٢٥( اكتوبر
)عاوز تسميها انقلاب سميها ياخ بطريقتك(
كان يجب ان تشتمل على فقرة )تجميد( الاتفاقية لاخضاعها للمزيد من الدراسة والمراجعة وليس الابقاء عليها كما هى و لكن يبدو ان البرهان )دقس( ! فى الحتة دي
فأصلاً لا يمكن ان نسمي هذه القسمة الضيزي اتفاقية بل هى اتفاقية)خرت جوبا( وليس سلام جوبا لصالح اقليم دافور و النيل الازرق و جنوب كردفان و الشرق مع سبق الاصرار والترصد وتحت تهديد السلاح )كمان( !
حقيقة توقفت أتساءل عن من كانوا يمثلون الحكومة الانتقالية يومها هل كانوا فى كامل وعيهم السياسي والاجتماعي وهل حسبوها صاح ام )زهجوا( من طول الاجتماعات و عينهم كانت مصوبه نحو يوم التوقيع وحفلة ندي القلعة و العشاء الكارب ؟
لا و )حا أقول ليك( حاجة تضحك قال ليك منح رتب الضباط تكون حسب عدد افراد الحركة المتمردة
يعني يا جماعة )والله( نحن عندنا ثلاثة الف جندي )حقنا( فى الحكاية دي تلاتة فريق وخمسة لواء وعشرين عميد وكده !
تصوروا ياجماعة دي إتفاقية جوبا )الداسنها( من الاعلام وكل زول من اطرافها اكتفي بتكرار المادة التى تخدم مصلحته !
تصور يا )عب باسط( شروط إستيعاب افراد الحركات المسلحة كضباط ضمن القوات المسلحة او الشرطة او الدعم السريع شنو ؟
)بالله تخيل معاي تكون شنو(؟ قال ليك : —-
أن يجيد القراءة والكتابة
وان لا يكون مفصولاً من احدي الجهات الامنية بسبب الكفاءة او سوء السلوك !
آآي)علي الطلاق( يا جماعة دي شروطهم ! يعني )تفك( الحرف و تكتب الواو الضكر طوااالي تبقي من اصحاب السعادة ! قريت ما قريت ؟ دفعتك وين ؟ لا لا ده كلو ما مهم !
) بالله جماعة نضحك واللا نبكي(؟
)يا بت ناوليني حبوب الضغط( !
استغفترك يا مالك روحي .
قبل ما أنسي : ـــ
عزيزي القارئ أوعدك كلما فهمت حاجة من مواد وفصول هذه )ألمصيبة( وكانت بقدر إحتمال أعصابي و صحتي فسأطلعك عليها بإذن الله .
ــــــــــــــــــ
الحديبة نيوز
.....
للاعلان بهذه المساحة واتساب
0919496619
غايتو )بعد تعب شديد و تلتله( حصلت علي نسخة من إتفاق سلام جوبا الموقعة بين الحركات المسلحة والحكومة الإنتقالية فى الثالث من أكتوبر العام )٢٠٢٠( ما تتخيل عزيزي القارئ حا أقوليك طلعت بشنو من قراءة أولية لبعض صفحاتها أقول )بعض( لان التكرار المكرر كثير وممل فما كتب تحت دارفور هو ما كتب تحت عنوان مسار الشرق ومسار الوسط و)مش عارف( )تمازج( فبدأت الجمل المكررة )تلف الرأس( أما التوقيعات )الشافتا عيني دي( غايوا خليها ساي ؟ ما نركز فى الموضوع ده كتير ! قالوا الأديب )العقاد( لم يحصل على ثانوية عامة فشنو؟
)ما تجيبوا لينا هواء ساكت(
حاولت أفهم ولو القليل ! فلم استطع وما سأكتبه لك عزيزي القارئ هو إنطباعي عن بعضاً من ما قرأت . من ما قرات فاهمني يا اسطي؟
الاتفاق عادة يتم بين طرفين او عدة اطراف من كل جانب يتوافقون على اشياء ومخرجات معينة يتم التوافق عليها بعد تنازلات من كل طرف بعدها يتم تحديد أطر تنفيذ هذا الاتفاق داخل قنوات و تواريخ متفق عليها دون الاضرار بحقوق طرف دون الاخر وصولاً للهدف المنشود سواءاً كان الاتفاق تجاري او امني او غير ذلك !
)هذا ما افهمه( غايتو
لكن )تعالوا شوفوا( إتفاق سلام )جوبا( الطرف أول سمي )بالحكومة الانتقالية( وأضيف لها من عندي )المغلوبة على أمرها( والطرف الثاني عشرة كيانات زائد )أطراف أخري( تتدلل و تتشرط من الجانب الآخر ! يعني بإختصار )كده( أساس الاتفاقية أعرج ومختل قول لي كيف ؟
أقول ليك أنا
المضمون العام الذى يفهم من اول سطورها هو يا ايها الحكومة الانتقالية عليك ان )تدفعي( و بالسبابة !
فى المقابل لم أجد التزام أو تنازل واحد على الحركات المسلحة ان تقدمه لهذا الوطن من اجل إقالة عثراته ؟ اى مبدأ التنازل والتضحية من قبل الطرف الثاني يكاد يكون معدوم
إتفاقية كلها مطالب من المركز و بصورة ضاغطة تاريخاً واجلاً فاي حكومة فى العالم هذه التى يمكن ان تؤمن كل هذه الالتزامات )اللا منطقية( ، مائة مليون دولار بعد التوقيع مباشرة قال ليك )قولة خير( و )٧٥٠( مليون دولار سنوياً وأظنها لمدة عشرة سنوات وإعفاءات طلاب دارفور من رسوم الجامعات الحكومية و)مش عارف( تخصيص ٢٠% من المنح الدراسية الداخلية والخارجية وفرص التدريب لناس دارفور و )مُش عارف( ناس الشرق برضو )خامشين ليهم هُبرة( ومسار الشمال تحدث عن تعويضات وجبر الضرر والوسط أيضاً لديه مطالبات تنموية وتأهيل مشاريع ! وهكذا .
)من وين ياولاد( !!!
و الغريب أن بعض المسارات )من دون تسميتها( بتاكل بالفكين والجُضمين الاثنين سوا زي الغنماية ! )طبعا ما فهمتا الحركة دي يا عب باسط صاح( ؟
أقول ليك كيف . قول مثلاً يخصص للاقليم الفلاني ٤٠% من المعادن والنفط الموجود داخل اراضية مش الكلام ده واضح؟ يقول ليك لا وكمان معاها ٣% أخري للسكان المجاورين لموقع التعدين )كبدل غبار وازعاج وكده( يعني الناس ديل بعد ما يضبحوا )السماية( بشيلو معاهم )كراع( الداية برضو !
اظن )الكوامر بتذكروا العادة دي( .
الكلام ما وقف هنا وبس لا هناك برنامج زمني للتنفيذ يا حكومة يا انتقالية ؟ عليك الالتزام به ومحدد باليوم والساعة !
يا جماعة الحكومة دي منو ؟ وتجيب ليكم من وين ؟
وبالمناسبة لو أخدناها بالقانون الاتفاق ده زااتو سقط شرعاً وقانوناً قول لي ليه ؟
لأنو الطرف الاول الحكومة الانتقالية و الحكومة )راحت( فى خبر )كانا( ! اذا الاتفاقية اصبحت )باااح(
)برأيي( كان يجب أن تشتمل قرارات )٢٥( اكتوبر
)عاوز تسميها انقلاب سميها ياخ بطريقتك(
كان يجب ان تشتمل على فقرة )تجميد( الاتفاقية لاخضاعها للمزيد من الدراسة والمراجعة وليس الابقاء عليها كما هى و لكن يبدو ان البرهان )دقس( ! فى الحتة دي
فأصلاً لا يمكن ان نسمي هذه القسمة الضيزي اتفاقية بل هى اتفاقية)خرت جوبا( وليس سلام جوبا لصالح اقليم دافور و النيل الازرق و جنوب كردفان و الشرق مع سبق الاصرار والترصد وتحت تهديد السلاح )كمان( !
حقيقة توقفت أتساءل عن من كانوا يمثلون الحكومة الانتقالية يومها هل كانوا فى كامل وعيهم السياسي والاجتماعي وهل حسبوها صاح ام )زهجوا( من طول الاجتماعات و عينهم كانت مصوبه نحو يوم التوقيع وحفلة ندي القلعة و العشاء الكارب ؟
لا و )حا أقول ليك( حاجة تضحك قال ليك منح رتب الضباط تكون حسب عدد افراد الحركة المتمردة
يعني يا جماعة )والله( نحن عندنا ثلاثة الف جندي )حقنا( فى الحكاية دي تلاتة فريق وخمسة لواء وعشرين عميد وكده !
تصوروا ياجماعة دي إتفاقية جوبا )الداسنها( من الاعلام وكل زول من اطرافها اكتفي بتكرار المادة التى تخدم مصلحته !
تصور يا )عب باسط( شروط إستيعاب افراد الحركات المسلحة كضباط ضمن القوات المسلحة او الشرطة او الدعم السريع شنو ؟
)بالله تخيل معاي تكون شنو(؟ قال ليك : —-
أن يجيد القراءة والكتابة
وان لا يكون مفصولاً من احدي الجهات الامنية بسبب الكفاءة او سوء السلوك !
آآي)علي الطلاق( يا جماعة دي شروطهم ! يعني )تفك( الحرف و تكتب الواو الضكر طوااالي تبقي من اصحاب السعادة ! قريت ما قريت ؟ دفعتك وين ؟ لا لا ده كلو ما مهم !
) بالله جماعة نضحك واللا نبكي(؟
)يا بت ناوليني حبوب الضغط( !
استغفترك يا مالك روحي .
قبل ما أنسي : ـــ
عزيزي القارئ أوعدك كلما فهمت حاجة من مواد وفصول هذه )ألمصيبة( وكانت بقدر إحتمال أعصابي و صحتي فسأطلعك عليها بإذن الله .
ــــــــــــــــــ
الحديبة نيوز
.....
للاعلان بهذه المساحة واتساب
0919496619
