المواضيع الأخيرة
» عناوين الصحف السودانية الصادرة اليوم الخميس 21 يونيو 2018
أمس في 9:07 من طرف Admin

» عناوين الصحف الرياضية الصادرة اليوم الخميس 21 يونيو 2018
أمس في 9:07 من طرف Admin

» الصراخ يبدأ - اخر الليل ‏‏‏‏إسحق احمد فضل الله
الأحد 15 أبريل 2018 - 20:59 من طرف Admin

» ورونا شطارتكم !
الأحد 15 أبريل 2018 - 11:40 من طرف Admin

» العودة لهذه البدائل
الأحد 15 أبريل 2018 - 11:40 من طرف Admin

» عُذرا أيها الحمير !!
الأحد 15 أبريل 2018 - 11:39 من طرف Admin

» ‏‏‏‏أكثر من عبور.. افتتاح جسر النيل الأزرق
الجمعة 13 أبريل 2018 - 21:31 من طرف Admin

» شكرا أخوات بصمة
الجمعة 13 أبريل 2018 - 21:31 من طرف Admin

تابعونا عبر فيس بوك

قوقل ‏+‏ ‏
Use the English Language
شارك
احدث الملفات بالموقع

رويان من قليبك يمه شوق وحنان وريد

اذهب الى الأسفل

28022011

مُساهمة 

رويان من قليبك يمه شوق وحنان وريد




(رويان من قليبك يمه)
أنا رويان من قليبك يمه شوق وحنان وريد غرقان في عفوك والله من ما قم وليد
تفضل في القلب ذكراك مهما كت بعيد وكلما زاد عفوك علي اقول هل من مزيد
ماسافرت شان ارتاح اعيش هاني وسعيد ولا هم العرس يا يمة كان بيت القصيد
لاتقولي انه فات خلاك جافاك الوليد شاغلاه المدائن العايمة اسراتنو قيد
ما بشغلني عنك حاشا لا مال لا وليد ولا بتمنعني شوفتك يمة اغلال الحديد
ما كان قصدي هجرك يمة لما رحل بعيد قصدي امسح دموع بالحسرة جاري على الخديد
لا تلوميني كان قصّرت اتأخر بريد وما هو جفا السبب والله وما نسيان أكيد
بين اتنين وليدك يمة بالو صبح شريد بين يرضيك وبين يا والدة يرضي طموح عنيد
رضاك يا يمة كل مناي وغاية ما أريد وتحقيق الهدف ما ببقى بالتمن الزهيد
يومي قليبي في ذكراك يجترّ ويعيد طيفك ما بيبارح لحظة حاميني الغميد
الله براهو عالم يمة مشغولبك شديد مناي جمبك اعيش والله لو كان لي ايد
لازم يمة انسيك الشجن واللوعة والفرح والوجيد لازم تنسي زمنا فات تعيشي زمن وليد
لازم كل تعبك فيني اتعبو فيك وازيد لازم اشيلها همومك يمة والبّسك الجديد
دينك فوقي ما بتحلّ لا يوم الوعيد شبابي فداك وكان ما كفى ليك عمري الوحيد
ما بتلهيني عنك دنيا ما بيمسكني قيد ما إنت الفرح والراحة والهوى والرصيد
ليك سلامي ما محدود من الأرقام يزيد عدد زرات تراب الكون جبال وسهول وبيد
عدد ما أشرقت أنوار وطلّ صباح جديد عدد ما نسمه هبّت باردي داعبت الجريد
كل مناي تلقي العافيه والعمــــــــر المديــــــد تفرحي بي يوم الفال تباركيلي الجديد
يوم داك بالفرح نتباكا نتقالد شديد وتبقى الدنيا بسمت لي جات ذي ما أريد
جايك جاي لي عينيكي منها ما أحيد منها نستمد الراحة ومنك نستفيد
يتمدد فرحنا ويبقي عمرنا كلو عيد وفي حضنك اكيد للدنيا لون وطعم جديد

حمزه عوض


الرجوع الى أعلى الصفحة اذهب الى الأسفل

مُشاطرة هذه المقالة على: diggdeliciousredditstumbleuponslashdotyahoogooglelive

 
صلاحيات هذا المنتدى:
لاتستطيع الرد على المواضيع في هذا المنتدى