من هنا وهناك .. هيثم صديق .. ده الجزولي ام وائل القفل الموبايل

إرسال مساهمة في موضوع

استعرض الموضوع السابق استعرض الموضوع التالي اذهب الى الأسفل

10122015

مُساهمة 

من هنا وهناك .. هيثم صديق .. ده الجزولي ام وائل القفل الموبايل





من هنا وهناك
هيثم صديق
ده الجزولي ام وائل القفل الموبايل



الجزولي قال ليهم تشوفوها عند )قافل(
قفل الموبايل وبقي عنهم ما سائل
بقي زي المريخ
لا يمكن الوصول اليه
وزي الهلال خارج نطاق البطولات
الجزولي غير اسمه لوائل وقفل الموبايل
بلا انارة بلا اعارة
بعد السيستم ما قفل وتلفونو اتقفل
رجع قال ليهم بطارية
بطارية واللا بطانية
الكاردينال مرة يقول الجزولي ومرة يقول فولي
الجزولي بعد ما فتح الموبايل عمل تصريحات قال فيها انتظروني الموسم الجديد
طبعا لازم ينتظروك لا عندهم بكري لا الوك
قال ليك في حكم اتافف وقال )يعني السنة الجاية تاني حانتعب(
الجزولي لا بقع في الخط ولا بيعرف زط
قفل نفس الدماعة وموبايلو
شهر خمسة حايشتروا ليه تلفون خصوصي للشطب والاعارة
معاه خمسة بطاطير وتلاتة شواحن
احتمال كبير يسكنوا معاه يومين
مرت امس ذكري مانديلا وتنسم السودان عبيرها
وتذكر الناس اكبر كاس
وكان جيل مانديلا قد هبط من الطائرة حاملا البطولة الاكبر وتوجه بمعية الالاف صوب القصر الجمهوري حيث اعتاد ان يسلم الكؤوس الخارجية لرؤساء البلاد
اروع ما كان في تلك البطولة انها قد جعلت للسودان اسما في الكاف بعد سنين محل وكفاف
…………………………
التحية لسعادة اللواء مدني الحارث علي حديثه المرتب وعواطفه الجياشة
ولقد اعادنا الي زمان العجب في زمان الوك…ففرحنا بوجود محب مثله حارسا للمريخ
………………………
نتمني ان يكون المدرب القادم في مستوي المريخ لا لمجرد القول بان المدرب الاجنبي قد جاء
هناك بعض الاسماء المرشحة سيرتها فقيرة جدا ولن تضيف شيئا لثالث افريقيا
كما اظن ان حسام البدري لن يقدم شيئا لانه قد ترك السودان لظروف معروفة لا نظن انها قد زالت
وان كانت الخراف قد قل سعرها فالرجل مهووس بذبح الخراف
لعل مافعله المريخ في مجال المنشأنات قبل عشر سنوات ينهض به الهلال الان
لن نقول ان الهلال يحاكي المريخ منذ التوين والاستاد والنادي ولكنا سنقول انه قد طول في اقتفاء الاثر هذه المرة
……………………..
مقطع فيديو لاحد الرياضيين السعوديين ابان فيه ان نادي النصر السعودي قد اسسه سوداني هو احمد البربري..ليت الاساتذة ابو بكر عابدين والمعتصم اوشي يبحثان لنا عن سيرة الرجل واخرين اقاموا الاندية الخليجية عامة
……………………………..
سعادة لا توصف من قبل جماهير المريخ بابتعاد بلة والباشا عنكشوفات المريخ بعد موث طويل وقعاد ساي..لقد نالا المال والشهرة فليجربا في مكان اخر
حسنا فعل المجلس المؤقت وهو يبقي علي ابراهومة وشمس الفلاح في الفريق الاول ليبني مستقبلا عوضا عن الاعتماد علي بار سن بمشاكل
الدماعة سيعسكرون في تونس…
اوع من مقابلة الترجي هناك
ولو اصروا فليقولوا انهم تبع المريخ

Admin


الرجوع الى أعلى الصفحة اذهب الى الأسفل

مُشاطرة هذه المقالة على: Excite BookmarksDiggRedditDel.icio.usGoogleLiveSlashdotNetscapeTechnoratiStumbleUponNewsvineFurlYahooSmarking

 
صلاحيات هذا المنتدى:
تستطيع الرد على المواضيع في هذا المنتدى