تابعونا عبر فيس بوك

قوقل ‏+‏ ‏
Use the English Language

دق الدلجة .. محمد عبد الماجد .. جعّروا بترتاحوا ..ما تحبسو الدمعة

إرسال مساهمة في موضوع

استعرض الموضوع السابق استعرض الموضوع التالي اذهب الى الأسفل

23122015

مُساهمة 

دق الدلجة .. محمد عبد الماجد .. جعّروا بترتاحوا ..ما تحبسو الدمعةn




دق الدلجة
محمد عبد الماجد
جعّروا بترتاحوا ..ما تحبسو الدمعة
الحديبة نيوز
.
• في مثل هذه المواقف كثيرا ما كان الرجوع للقصيدة الحلمنتشية )يا عبدوعيب( – القصيدة الشهيرة و التى انتشرت في جامعة الخرطوم في مطلع التمانيات بعد ان اصيب احد طلاب الجامعة بـ )شاكوش( من امو…خطبت حبيبة العمر التى كان يتابعها من بعيد دون ان يقول لها كلمة واحدة.
• مكتفيا بوسامته التى كان يعتقد انها كفيلة بايقاع البنت في حبائل غرامه.
• زول )هاوي( ساكت يعني ..ما اتقدم خطوة عملية نحو البنت.
• الجامعة كلها شهدت هذا الشاكوش الذي تخلد بقصيدة شهيرة تذكر دائما في مثل هذا الموقع.
• القصيدة تشبه الحالة التى فيها المريخ الآن بعد )شاكوش( شيبوب العنيف…وانتقاله للهلال ان شاءالله في الفترة القادمة القريبة.
• مجلس المريخ السابق والحالي نصوه بالتعاقد مع شيبوب )محترفا( – لكن الجماعة ما سمعوا الكلام…تركوا عقده )هاوي(.
• زي حكاية عبدو في القصيدة تماما.
• شوف الوصف دا ما بنطبق على مجلس المريخ الذي لم يسمع الكلام ، والقصيدة كأنها تصور حالة مجلس المريخ.
• )في الليلة ديك – القصة ذاتا بقت عليك – يا عبدو وأدوك الشريط – يوم قلنا ليك انضم معاها وانتظر – شوف البكون إن شاء الله خير – أبيت تسمع كلامنا بقيت لميض – قلت احسن أكون تقيل – أنا ما جميل – باكر بعد باكر بكهربا ليك بي نظرة قتيل – وبقيت تقيل لامن سقوك موية الغسيل – وقعدت يا زينة الرجال – كهربجي قال(.
• هسع الناس ديل ما شربوا )موية الغسيل(.
• طبعا بدل يا عبدو وادوك الشريط ..ممكن نقول ادوك الكسكتة.
• عليكم الله هسع الحالة دي ما حالة المريخ بعد لفلفة ناس ابوجريشة بالمطارات في البرد دا.
• البقى على عبدو بقى على الوصيف بالوصف ، ابوجريشة بالتحديد في هذا المقطع.
• )يوم جيت تلفلف زي زمان وتباري بقعر الشجر – كايس كراسي الخيزران – والبت تجي وتمشي وتلف مرات تقيف – يا زول معاها ولد حريف – صاحبنا بالاحساس عرف – وسالت والناس كلموك – ملعون ابوك – دنيا أم قدود – بقت البقت – وقعدت في شارع الزلط – تبكي وتجعّر – والخدود اتورمت – ضهر القميص – كم القميص – يد القميص – حتى الفانيلة اتشرطت – يا عبدو عيب(.
• الزول الحريف دا طبعا )الكاردينال(.
• حالتهم صعبة شفتوا.
• انتوا شفتوا )جرستهم( في المهرجان.
• بكي رسمي كدا.
• جعري عديل.
• ضربة شيبوب حارة.
• نفس الضربة.
• جماعتكم نازلين )تنظير( في الجرايد ..ونصائح.
• قنعوا ليك من الكورة عديل كدا.
• كلامهم بقى زي كلام عبدو ذاتو.
• )يا أخوانا لا أنا داير أموت أقع البحر – أنا بنتحر – يا عبدو عيب الدنيا حر والموية بتسخن عليك – تلاتة ساعات كاملة زولنا يسب ويكيل – ودموعو سايلات بالكفوف – وشرايطو تلمع في الكتوف(.
• اما ناس مزمل ابوالقاسم وبابكر سلك واسماعيل حسن وكابو ومعاوية الجاك …فهم شغالين بنفس )الفلسفة(.
• عاملين فيها )فلافسة(.
• عاوزين يطلعوا الناس من الوجعة.
• الواحد بقى يسمع في الدنيا دي جنس تنظير.
• كلامهم اتغير 360 درجة عن شيبوب.
• وناس سلك ..هم ذاتهم.
• الحالة نفسها.
• )بقى فيلسوف – في كلام عن الدنيا أم قدود – وعلاقة بين يوم السبت وعين الحسود – ومقارنات بين الجمال والجهل وسوء الاختيار – قال شينه قال – قال شينه قلنا كلام صحيح – وخطيبا ذاتو ولد قبيح – وكمان سنيح – دا كلام صحيح – بس قوم ارح – الواطة صبحت دار ننوم – قام تاني جاب سيرة البحر(.
• عليكم الله حالة )عبدو( دا ما بتشبه حالات )اعلام المريخ( في هذا الوقت – اقرأوا اعمدتهم ، بتلقوها نفس قصيدة يا عبدو عيب.
• الناس ديل لو )جعّروا( وقعدوا في الواطة دي برتاحو.
• احسن من يمسكوا )الدمعة(.
• خلوهم يفضفضوا.
• الكتمة كدا ما كويسة.
• و
• )ونحن عايشين والحمدلله )النفس( بينزل ويطلع إلى الآن..ولا ينقصنا شيء سوى رؤياكم الغالية(.
• جماعتكم ديل سائروهم ..مشوا ليهم.
• يعني شيبوب الزول الحريف والولد الصغير في السن…اعلام المريخ بقى )يشنف( فيه.
• مرات يقولوا ليك الزول دا ذاتو كبير.
• ومرات يقول ليك اصابتو كتيرة.
• دا سلك – قال اصابتو كتيرة.
• كلام صاح يا سلك …وعندو رباط صليبي كمان.
• قالوا ليك ود خالتو ذاتو عندو رباط صليبي.
• واخوه الكبير.
• دا عاوز يلعب ليكم كيف يا ناس الهلال.
• )يا جماعة نحن لازم الجماعة ديل نفوّت ليهم كدا( – اسكتوا مشوا ليهم كلامهم – الناس دي تعبانة شديدة.
• شيبوب اول هو شن طعمو.
• كم مباراة شارك فيها مع المريخ.
• الزول دا السنة كلها )مصاب(.
• بعدين زول بتاع )نرفزة( – في كل مباراة عندو كرت.
• وبتكلم مع )الحكام(.
• والقون البجيبو – حكمة الله الحكم ما بحسبو ليه.
• )قولوا ليهم كدا – طلعوهم من الحالة دي(.
• شيبوب دا ذاتو كبير في السن مامون ابوشيبة قال عمرو )30( سنة.
• ونحن ممكن نريحك يا ابوشيبة ونقول ليك عمرو في التلاتة ايام القاعدها مع الكاردينال الآن بقى )41( سنة.
• )عليكم الله المريخاب ديل ما تغلطوا عليهم(.
• بعدين شيبوب دا عندو مشكلة عويصة )تقيل(.
• وممكن يغير رأيو في اي لحظة.
• يعني الزول دا لغاية شهر مايو ..ممكن تلقوه وصل )الجريف( عديل كدا.
• عليكم الله دا بتضمنوه كيف؟.
• )خلونا نخفف على المريخاب شوية(.
• شيبوب دا )الكسكتة( عاوز تلعب ليه.
• وسط الهلال ذاتو مليان – شيبوب دا إلّا )باك(.
• والهلال ما بتيسفيد منو بعد )الضغط الاعلامي( دا.
• )قولوا ليهم كدا – صبروهم في فقدهم الجلل(.
• الغريبة قبل الكاردينال ما ينفذ القلعة تو …شيبوب دا كان اخطر زول في الدنيا عند المريخاب.
• حاموا بيه )4( مطارات.
• ونزلوه بالماسورة.
• مزمل عمل ليه )حبوب( عديل كدا.
• مزمل ما عارف )الحبوب( التى كتبها ح يكون اول من يستعملها.
• مجلس المريخ طلع فيه )5( بيانات.
• معقولة دا لاعب ساهل.
• لاعب ساكت كدا.
• و
• )ونحن عايشين والحمدلله )النفس( بينزل ويطلع إلى الآن..ولا ينقصنا شيء سوى رؤياكم الغالية(.
• …………..
و
• قالوا ليك كافالي طالب بالاسراع في انضمام شيبوب لمعسكر الهلال في تونس.
• الزول دا قولوا ليه ما تستعجل.
• الموضوع دا بدري عليه.
• عرفت من متين كمان؟.
• عودة مكسيم افرحت الهلالاب.
• اعلام المريخ ايضا كان قد اشاع هروب مكسيم لمازيمبي.
• الفرحة الاكبر تبقى في عودة كاريكا وانضمامه للمعسكر.
• الكاردينال مثلما سوف يجلس مع مكسيم ..مطلوب يجلس مع كاريكا.
• مشكلة كاريكا يجب ان تحل بعيدا عن الانفعال.
• كاريكا كان الافضل في الموسم الماضي.
• لذلك مطلوب من الكاردينال الحكمة والتروي في حل مشكلة اللاعب.
• و
• )ونحن عايشين والحمدلله )النفس( بينزل ويطلع إلى الآن..ولا ينقصنا شيء سوى رؤياكم الغالية(.
• ………….
• السيدة )ل( – البرد ما عندو علاقة بهروب شيبوب من المريخ.
• وقرّط كدا.

Admin


الرجوع الى أعلى الصفحة اذهب الى الأسفل

مُشاطرة هذه المقالة على: Excite BookmarksDiggRedditDel.icio.usGoogleLiveSlashdotNetscapeTechnoratiStumbleUponNewsvineFurlYahooSmarking

 
صلاحيات هذا المنتدى:
تستطيع الرد على المواضيع في هذا المنتدى