في السلك .. بابكر سلك .. يناير جا ياناير

إرسال مساهمة في موضوع

استعرض الموضوع السابق استعرض الموضوع التالي اذهب الى الأسفل

11012016

مُساهمة 

في السلك .. بابكر سلك .. يناير جا يانايرn




في السلك
بابكر سلك
يناير جا ياناير

في السلك بابكر سلك
.
*ايها الناس
*مجلس جمال كان عندو معارضين كتار
*وتنظيمات اعلنت معارضتها بكل شفافيه وتجرد
*واجتماعات دورت
*وورق تمت طباعته
*وبرنامج طويل عريض
*ومحاولة تواجد علي المدرجات من خلال الاوراق التي تحمل شعار الكيان
*ولكن لم نسمع بهم انهم كتنظيم او كافراد ينتمون للتنظيم
*لم نسمع بانهم دعموا الكيان
*وقبلناها منهم
*قلنا يمكن معارضتهم لمجلس جمال هي التي قيدتهم ومنعتهم من دعم الكيان
*برغم من انه مبرر غير مقنع
*لان الدعم يذهب للكيان لا يذهب لجمال
*يا قوم
*جمال مشي
*وجات لجنة التسيير
*ولسه الجماعه ما دعموا
*برغم ان المريخ يحتاج للجنيه عديم القيمه ده
*اها
*المانعهم من الدعم شنو ؟؟؟
*وهل هم ايضا معارضه للجنة التسيير ؟؟؟؟
*يبقي المعني هم معارضه لاي مجلس
*وتبقي القصه معارضه من اجل المعارضه لا من اجل صالح الكيان
*ايها الناس
*جمال دعم لجنة التسيير
*وسوداكال دعم لجنة التسيير
*والفادني دعم لجنة التسيير
*والجماهير التي حولت الرصيد دعمت لجنة التسيير
*معارضة لجنة التسيير بتدعم متين ؟؟؟؟
*وقد يقول قائل انهم انطلاقا من ديمقراطية المريخ
*يعارضون صرف الرجل الواحد
*لذا لم يدعموه
*وانطلاقا من ديمقراطية المريخ
*يعارضون التعيين
*عشان كده تواصل عدم الدعم
*يا اهل الربع
*ايام لجنة التسيير اثبتت من يدعم ومن يعارض
*واثبتت ان بالربع رجالا لايشترطون الجلوس علي كراسي القبيله ليدعموها
*واثبتت ان هناك اناسا يتمسكون بديمقراطية المريخ والتي تمنعهم من الدعم
*والحل ككيف ؟؟؟؟؟
*المهم
*معسكر اديس دور
*وشفوت الدوحه جاهزين للمرحله القادمه والاهم
*والاعداد مراحل
*وبرغم ضيق ذات اليد
*الا ان الامور ماشه
*وونسي وعد بتدفق الاموال في يناير
*وهاهو يناير جا يا ناير
*المهم
*فلقة معسكر تونس تشبه الي حد بعيد فلقة معسكر الفجيره
*وفلقة معسكر الفجيره تشبه الي حد بعيد فلقة معسكر ايطاليا المامشوهوا لي اسي
*ايها الناس
*المريخ في اسوأ حالاتو الماديه مانقصو شئ
*والهلال في جميع الاحوال لازال صفرا يحبو
*ومكنة البطولة المحببه
*ومواعيدها جات
*مامكنة جديده
*مكنة قدييييييييييييييييمه
*بنسمع فيها لينا سبعة وتمنين سنه
*ولسه ياما نسمع
*ايها الناس
*المورده نزلت ليه ؟؟؟
*لما نزلت موش كان فيها شيبوب اساسي ؟؟؟
*طيب الضيع قونين والشبكه فاضيه في المباراه الودت المورده في داهيه منو ؟؟؟
*وضيعهم ليه !!!!!!
*كيشه يعني ولا كيشه يعني ولاكان كيشه ؟؟؟؟
*الله يعيد المورده لسابق عهدها
*ويا مورداب شدوا حيلكم
*الممتاز براكم خلا
*ومكانكم فاضي
*لو اصريتوا بقليل من المجهود بتجوا
*المهم
*نتمني موسما كرويا رائعا
*فيه احترام للقانون والكيانات والهيئات والدوله
*فيه تنافس شريف
*يخطئ ولا يظلم
*يقلل الاخطاء
*ويوزع لايظلم علي جميع الفرق
*مايخلي القصه واضحه وصابه في اتجاه واحد
*ايها الناس
*راية التنافس الافريقي السنه دي حايشيلوها اربعه فرق في البدايه
*بعد اول خطوه حايشيلوها فريقين
*واحد في الابطال وواحد في الكونفدراليه
*وفي الخطوه التانيه
*حايشيلها فريق واحد في الابطال
*وحيكون امل البلد كلها
*موش امل عطبره براها
*عشان كده
*علي الجماهير ان تبدع اكتر من ابداع السنة الفاتت
*وزي ماقالوا ناس الاولتراس
*2015 كانت رائعه
*2016 نتوقعها اروع
*فطومه اختي
*بالمنطق كده
*قروش الجوهره من وين ؟
*منطقينا
*منطقينا زي ما منطقتو بكري المدينه
*الخلي ليكم ورقتكم في صالون كردنه حزينه
*منطقينا وقولي لينا وكلمينا
*قروش الجوهره من وين يا حزينه ؟؟؟؟
*ايها الناس
*ان تنصروا الله ينصركم
*اها
*نجي لي شمارات والي الخرتوم
*كان شفت يا والينا
*خبر نجاح المباحث في استرجاع الدهب سارينا
*ياريت يرجع كل الدهب ياوالينا
*ويظهر في مطابخنا وصوانينا
*في هوت دوقنا في بيتزتنا في حلوانينا
*وندخل ساندوتش البيقر في خشومنا كلو زي السي دي يا والينا
*في مدارسنا وفي علاجات قلوبنا وفي مكنات غسيل كلاوينا
*وفي ايدين نساويننا
*يتعشكبن دهب من حر مالنا ما من حكاوينا
*الواحده لو جات شاقه السوق
*كل اجهزت الدهب تصفر يا والينا
سلك كهربا
ننساك كيف والكلب لما يشوف دبله بصفر ,,, كلب ولا جهاز دهب يا كافي البلا
والي لقاء
سلك

Admin


الرجوع الى أعلى الصفحة اذهب الى الأسفل

مُشاطرة هذه المقالة على: Excite BookmarksDiggRedditDel.icio.usGoogleLiveSlashdotNetscapeTechnoratiStumbleUponNewsvineFurlYahooSmarking

 
صلاحيات هذا المنتدى:
تستطيع الرد على المواضيع في هذا المنتدى