الخميس 1 سبتمبر 2022 - 18:58
أنا ما عارف (غايتو) ….
إما وزير الثروة الحيوانية الأستاذ حافظ إبراهيم عبد النبي رجل يحب (الشوو) أو ما عارف شغله واما أن مدير مكتبه زول (مقرررم) يخلق المناسبات لبرنامج الوزير اليومي من غير مناسبة !
قول ليّ كيفن ؟
اسمعني اقول ليك ….
أعتقد أن من أراد تطوير الثروة الحيوانية (بالعقل كده) سيستعين بالدول الى لها سابق خبرة وبالشركات العالمية في هذا المجال (فمثلاً) يا (سيد اللمنتي ليك) يشوف البرازيل أو هولندا او تركيا أو الهند وغيرها من الدول التي لها باع وخبرة طويلة للاستفادة منها في تطوير وتحسين القطيع وإنشاء المسالخ الحديثة ومجمعات تصنيع اللحوم ويستجلب الخبراء وبالتالي العمل على تشجيع تدريب الكادر الوطني (وحاجات بالشكل ده) صااح ؟
اظن ده الوضع الطبيعي اليس كذلك ؟
طيب نجي نشوف ….
أنشطة السيد وزير الثروة الحيوانية والسمكية خلال الشهر (الفات) أغسطس الانتهى امس القريبة دى عمل شنو؟
(أوول) حاجة يوم (١٩) أغسطس وبحسب موقع (سودان لايت) يعني الكلام ما من عندي انا . استقبل هذا الوزير سفير مملكة البحرين بالخرطوم السيد عبد الله ربيعة سعد (لشنو)؟
(قال ليك) ……
لمناقشة تنشيط وتفعيل الاتفاقيات ومذكرات التفاهم بين السودان والبحرين في مجال الثروة الحيوانية !
يا سعادة الوزير انتا جادي ….؟
البحرين (فيها كم غنماية؟) كل ثروتها الحيوانية لا تتجاوز بضع الآف من الرؤوس ! ياخي قول عاوز (تبيع ليهم) لحم نقول ممكن لكن برضو الحكاية دى ما عاوزا ليها (خمخمة سفير) يا سعادتك شوف ياخي قسم الاستثمار واللا غرفة المصدرين حا يكملوا الشغلانة دى (إنتا) بتتكلم على مليون وسبعمائة نسمة محاطين بالماء يعنى غذاؤهم الاساسي بحري و (مالهومشي) في اللحوم إلا النزر اليسير .
يا أخي (ماااا) ترتب أولويات وزارتك ! يعني (حبكت) على البحرين يا سعادتو لا وكمان
(يا حلات الصورة المصاحبة للخبر) .
تقليعة السيد الوزير او إن شئت فمدير مكتبه تذكرني بمحاضرة للدكتور طارق السويدان كان يتحدث عن ترتيب المهام والحث على العلم النافع فقال انه إبان دراسته العليا لهندسة البترول في أمريكا إلتقى بطالب دكتوراة كويتي هناك فسأله عن تخصصه فأجابة انه يتخصص في (الغابات) ! وهنا ضحك الدكتور أثناء المحاضرة وتساءل مستنكراً
(وين الغابات في الكويت)؟
فيا سعادة الوزير وين الثروة الحيوانية في البحرين .
(الحاجة التانية) ….
الحقيقة لم اكن متعمداً متابعة أنشطة هذه الوزارة ولا غيرها و لكن عندما أجد خبر كده (ما ياهو) من النوع (ابوكديس) داك بلمو على جنب كده . فإذا بى أتفاجأ يوم (٢٩) أغسطس (الفات ده) بحسب صحيفة (صوت السودان) اى بعد عشرة أيام من استقبال السفير البحريني .
أن ذات الوزير …..
يستقبل سفيرة السودان لدى دولة (جيبوتي) السيدة رحمة صالح سعيد ! وبرضو (نفففس) الكلام من (هذا الذى منو) أكد السيد الوزير حرصه على تعزيز وتطوير العلاقات السودانية الجيبوتية وكلام (كده) عن الايقاد ورئاسة السودان لدورتها الحالية وأيضاً الكلام (شطح) عن تفعيل اتفاقيات الثروة الحيوانية السابقة والسعي لابرام أخرى جديدة … !
(حقيقة) أعدت قراءة الخبر فقلت لعل هناك خطأ في الصياغة وان من استقبلها السيد السفير هي سفيرة جيبوتي لدى الخرطوم وليست سفيرتنا لدى (جيبوتي) لكان الامر (مبلوعاً)
(لا) …..
لقيتا ليك يا عب باسط يا ها سفيرتنا هناك !
يا اخوانا القريب من السيد الوزير ده بالله يكلموا …..
ياخ مافى داعى (للحركات دي) الثروة الحيوانية تطويرها والنهوض بها يبدأ من البرازيل ذات (٥٤) مليار دولار مردودها السنوي
(تقول لى) ….
اناقشها مع البحرين (مليون وسبعمائة الف) نسمة و (شوية) الوف من الرؤوس ! واللا مع دولة جيبوتي بمقدراتها المتواضعة !
(أهااا) يا جماعة اظن بعد كده فهمتوا لماذا نحن متأخرين في كل شيء
عارفين ليه ؟
( ترااا ياهو بى جنس الفهم ده)
قبل ما أنسى : ـــ
في مدراء مكاتب كده غايتو
(لكن جنس ……) !
واللا بلاش تموها براكم
ــــــــــــــــــ
الحديبة نيوز
.....
للاعلان بهذه المساحة واتساب
0919496619
أنا ما عارف (غايتو) ….
إما وزير الثروة الحيوانية الأستاذ حافظ إبراهيم عبد النبي رجل يحب (الشوو) أو ما عارف شغله واما أن مدير مكتبه زول (مقرررم) يخلق المناسبات لبرنامج الوزير اليومي من غير مناسبة !
قول ليّ كيفن ؟
اسمعني اقول ليك ….
أعتقد أن من أراد تطوير الثروة الحيوانية (بالعقل كده) سيستعين بالدول الى لها سابق خبرة وبالشركات العالمية في هذا المجال (فمثلاً) يا (سيد اللمنتي ليك) يشوف البرازيل أو هولندا او تركيا أو الهند وغيرها من الدول التي لها باع وخبرة طويلة للاستفادة منها في تطوير وتحسين القطيع وإنشاء المسالخ الحديثة ومجمعات تصنيع اللحوم ويستجلب الخبراء وبالتالي العمل على تشجيع تدريب الكادر الوطني (وحاجات بالشكل ده) صااح ؟
اظن ده الوضع الطبيعي اليس كذلك ؟
طيب نجي نشوف ….
أنشطة السيد وزير الثروة الحيوانية والسمكية خلال الشهر (الفات) أغسطس الانتهى امس القريبة دى عمل شنو؟
(أوول) حاجة يوم (١٩) أغسطس وبحسب موقع (سودان لايت) يعني الكلام ما من عندي انا . استقبل هذا الوزير سفير مملكة البحرين بالخرطوم السيد عبد الله ربيعة سعد (لشنو)؟
(قال ليك) ……
لمناقشة تنشيط وتفعيل الاتفاقيات ومذكرات التفاهم بين السودان والبحرين في مجال الثروة الحيوانية !
يا سعادة الوزير انتا جادي ….؟
البحرين (فيها كم غنماية؟) كل ثروتها الحيوانية لا تتجاوز بضع الآف من الرؤوس ! ياخي قول عاوز (تبيع ليهم) لحم نقول ممكن لكن برضو الحكاية دى ما عاوزا ليها (خمخمة سفير) يا سعادتك شوف ياخي قسم الاستثمار واللا غرفة المصدرين حا يكملوا الشغلانة دى (إنتا) بتتكلم على مليون وسبعمائة نسمة محاطين بالماء يعنى غذاؤهم الاساسي بحري و (مالهومشي) في اللحوم إلا النزر اليسير .
يا أخي (ماااا) ترتب أولويات وزارتك ! يعني (حبكت) على البحرين يا سعادتو لا وكمان
(يا حلات الصورة المصاحبة للخبر) .
تقليعة السيد الوزير او إن شئت فمدير مكتبه تذكرني بمحاضرة للدكتور طارق السويدان كان يتحدث عن ترتيب المهام والحث على العلم النافع فقال انه إبان دراسته العليا لهندسة البترول في أمريكا إلتقى بطالب دكتوراة كويتي هناك فسأله عن تخصصه فأجابة انه يتخصص في (الغابات) ! وهنا ضحك الدكتور أثناء المحاضرة وتساءل مستنكراً
(وين الغابات في الكويت)؟
فيا سعادة الوزير وين الثروة الحيوانية في البحرين .
(الحاجة التانية) ….
الحقيقة لم اكن متعمداً متابعة أنشطة هذه الوزارة ولا غيرها و لكن عندما أجد خبر كده (ما ياهو) من النوع (ابوكديس) داك بلمو على جنب كده . فإذا بى أتفاجأ يوم (٢٩) أغسطس (الفات ده) بحسب صحيفة (صوت السودان) اى بعد عشرة أيام من استقبال السفير البحريني .
أن ذات الوزير …..
يستقبل سفيرة السودان لدى دولة (جيبوتي) السيدة رحمة صالح سعيد ! وبرضو (نفففس) الكلام من (هذا الذى منو) أكد السيد الوزير حرصه على تعزيز وتطوير العلاقات السودانية الجيبوتية وكلام (كده) عن الايقاد ورئاسة السودان لدورتها الحالية وأيضاً الكلام (شطح) عن تفعيل اتفاقيات الثروة الحيوانية السابقة والسعي لابرام أخرى جديدة … !
(حقيقة) أعدت قراءة الخبر فقلت لعل هناك خطأ في الصياغة وان من استقبلها السيد السفير هي سفيرة جيبوتي لدى الخرطوم وليست سفيرتنا لدى (جيبوتي) لكان الامر (مبلوعاً)
(لا) …..
لقيتا ليك يا عب باسط يا ها سفيرتنا هناك !
يا اخوانا القريب من السيد الوزير ده بالله يكلموا …..
ياخ مافى داعى (للحركات دي) الثروة الحيوانية تطويرها والنهوض بها يبدأ من البرازيل ذات (٥٤) مليار دولار مردودها السنوي
(تقول لى) ….
اناقشها مع البحرين (مليون وسبعمائة الف) نسمة و (شوية) الوف من الرؤوس ! واللا مع دولة جيبوتي بمقدراتها المتواضعة !
(أهااا) يا جماعة اظن بعد كده فهمتوا لماذا نحن متأخرين في كل شيء
عارفين ليه ؟
( ترااا ياهو بى جنس الفهم ده)
قبل ما أنسى : ـــ
في مدراء مكاتب كده غايتو
(لكن جنس ……) !
واللا بلاش تموها براكم
ــــــــــــــــــ
الحديبة نيوز
.....
للاعلان بهذه المساحة واتساب
0919496619
